ਅਦਾਕਾਰ ਅਤੇ ਨਿਰਮਾਤਾ ਨਿਖਿਲ ਦਿਵੇਦੀ ਇਸ ਫਿਲਮ ਨੂੰ ਸੰਭਾਲਣਗੇ ਅਤੇ ਪ੍ਰੋਡਿਊਸ ਕਰਨਗੇ। ਰਾਜੇਸ਼ ਖੰਨਾ ‘ਤੇ ਬਣਨ ਵਾਲੀ ਬਾਇਓਪਿਕ ਗੌਤਮ ਚਿੰਤਾਮਣੀ ਦੀ ਕਿਤਾਬ ‘ਦਿ ਲੋਨਲਾਈਨਸ ਆਫ ਬੀਇੰਗ ਰਾਜੇਸ਼ ਖੰਨਾ: ਡਾਰਕ ਸਟਾਰ’ ‘ਤੇ ਆਧਾਰਿਤ ਹੋਵੇਗੀ। ਇਸ ਫਿਲਮ ਨੂੰ ਨਿਰਦੇਸ਼ਿਤ ਕਰਨ ਦੇ ਨਾਲ-ਨਾਲ ਫਰਾਹ ਖਾਨ ਕਿਤਾਬ ਦੇ ਲੇਖਕ ਦੇ ਨਾਲ ਇਸ ਫਿਲਮ ਦੀ ਸਕ੍ਰਿਪਟ ਵੀ ਲਿਖੇਗੀ। ਰਾਜੇਸ਼ ਖੰਨਾ ਦੀ ਬਾਇਓਪਿਕ ‘ਤੇ ਟਿੱਪਣੀ ਕਰਦੇ ਹੋਏ ਫਰਾਹ ਖਾਨ ਨੇ ਕਿਹਾ, “ਹਾਂ, ਮੈਂ ਰਾਜੇਸ਼ ਖੰਨਾ ‘ਤੇ ਗੌਤਮ ਚਿੰਤਾਮਣੀ ਦੁਆਰਾ ਲਿਖੀ ਕਿਤਾਬ ਪੜ੍ਹੀ ਹੈ, ਜੋ ਕਿ ਬਹੁਤ ਦਿਲਚਸਪ ਕਿਤਾਬ ਹੈ। ਅਸੀਂ ਇਸ ‘ਤੇ ਫਿਲਮ ਬਣਾਉਣ ਬਾਰੇ ਗੱਲ ਕਰ ਸਕਦੇ ਹਾਂ। ਮੈਂ ਇਸ ਤੋਂ ਜ਼ਿਆਦਾ ਕੁਝ ਨਹੀਂ ਕਹਿ ਸਕਦੀ।

ਇਸ ਬਾਰੇ ‘ਚ ਫਿਲਮ ਦੇ ਨਿਰਮਾਤਾ ਨਿਖਿਲ ਦਿਵੇਦੀ ਦਾ ਕਹਿਣਾ ਹੈ, ”ਹਾਂ, ਮੈਂ ਗੌਤਮ ਚਿੰਤਾਮਣੀ ਦੀ ਕਿਤਾਬ ‘ਡਾਰਕ ਸਟਾਰ’ ਦੇ ਰਾਈਟਸ ਖਰੀਦੇ ਹਨ ਅਤੇ ਮੈਂ ਇਸ ‘ਤੇ ਫਿਲਮ ਬਣਾਉਣ ਲਈ ਫਰਾਹ ਖਾਨ ਨਾਲ ਚਰਚਾ ‘ਚ ਹਾਂ। ਮੈਂ ਇਹੀ ਦੱਸ ਸਕਦਾ ਹਾਂ। ਜਦੋਂ ਫਿਲਮ ਅੱਗੇ ਵਧੇਗੀ ਤਾਂ ਮੈਂ ਸਾਰਿਆਂ ਨੂੰ ਸੂਚਿਤ ਕਰਾਂਗਾ। ਮੈਂ ਰਾਜੇਸ਼ ਖੰਨਾ ਦੀ ਕਹਾਣੀ ਨੂੰ ਵੱਡੇ ਪਰਦੇ ‘ਤੇ ਪੇਸ਼ ਕਰਨ ਲਈ ਬਹੁਤ ਉਤਸੁਕ ਹਾਂ।”ਰਾਜੇਸ਼ ਖੰਨਾ ਦਾ ਅਸਲੀ ਨਾਮ ਜਤਿਨ ਖੰਨਾ ਸੀ ਅਤੇ ਉਸਨੇ 1966 ਵਿੱਚ ਚੇਤਨ ਆਨੰਦ ਦੁਆਰਾ ਨਿਰਦੇਸ਼ਿਤ ਫਿਲਮ ‘ਆਖਰੀ ਖਤ’ ਨਾਲ ਹਿੰਦੀ ਸਿਨੇਮਾ ਜਗਤ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਸੀ। ਰਾਜੇਸ਼ ਖੰਨਾ ‘ਤੇ ਬਣ ਰਹੀ ਬਾਇਓਪਿਕ ‘ਚ ਟਾਈਟਲ ਕਿਰਦਾਰ ਕੌਣ ਨਿਭਾਏਗਾ, ਫਿਲਹਾਲ ਮੇਕਰਸ ਵਲੋਂ ਕੋਈ ਐਲਾਨ ਨਹੀਂ ਕੀਤਾ ਗਿਆ ਹੈ ਅਤੇ ਨਾ ਹੀ ਇਸ ਫਿਲਮ ਦੀ ਸ਼ੂਟਿੰਗ ਕਦੋਂ ਸ਼ੁਰੂ ਹੋਵੇਗੀ, ਇਸ ਬਾਰੇ ਮੇਕਰਸ ਵਲੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।

The post Rajesh Khanna Bipoic: ਸੁਪਰਸਟਾਰ ਰਾਜੇਸ਼ ਖੰਨਾ ‘ਤੇ ਬਣੇਗੀ ਫਿਲਮ, ਫਰਾਹ ਖਾਨ ਕਰੇਗੀ ਡਾਇਰੈਕਟ appeared first on Daily Post Punjabi.