ਪੁਲਿਸ ਅਤੇ ਬੰਬ ਸਕਵਾਡ ਦੀ ਇੱਕ ਟੀਮ ਨੇ ਰਜਨੀਕਾਂਤ ਦੇ ਘਰ ਦੀ ਤਲਾਸ਼ੀ ਵੀ ਲਈ। ਹਾਲਾਂਕਿ ਬਾਅਦ ਵਿੱਚ ਇਹ ਕਾਲ ਝੂਠੀ ਨਿਕਲੀ। ਇਹ ਸਾਰਿਆਂ ਲਈ ਇੱਕ ਰਾਹਤ ਦੀ ਗੱਲ ਹੈ। ਅਜਿਹਾ ਪਹਿਲੀ ਵਾਰ ਨਹੀਂ ਹੈ ਕਿ ਕਿਸੇ ਸੈਲੇਬ੍ਰਿਟੀ ਨੂੰ ਝੂਠੀ ਧਮਕੀ ਦਿੱਤੀ ਗਈ ਹੋਵੇ। ਸਿਨੇਮਾ ਵਿੱਚ ਕੰਮ ਕਰਨ ਵਾਲੇ ਕਲਾਕਾਰਾਂ ਨੂੰ ਆਏ ਦਿਨ ਝੂਠੇ ਫੋਨ ਕਾਲ ਆਉਂਦੇ ਹਨ। ਨਾਲ ਹੀ ਉਨ੍ਹਾਂ ਨੂੰ ਜਾਨ ਦਾ ਖ਼ਤਰਾ ਵੀ ਬਣਿਆ ਰਹਿੰਦਾ ਹੈ।

ਫਿਲਹਾਲ ਰਾਹਤ ਦੀ ਗੱਲ ਇਹ ਹੈ ਕਿ ਰਜਨੀਕਾਂਤ ਅਤੇ ਉਨ੍ਹਾਂ ਦਾ ਪਰਿਵਾਰ ਹੁਣ ਠੀਕ ਹੈ। ਪਿਛਲੇ ਦਿਨ੍ਹੀਂ ਅਦਾਕਾਰ ਰੋਹਿਤ ਰਾਏ ਨੇ ਰਜਨੀਕਾਂਤ ਨੂੰ ਲੈ ਕੇ ਇੱਕ ਮਜ਼ਾਕ ਕੀਤਾ ਸੀ, ਜਿਸ ਤੋਂ ਬਾਅਦ ਉਹ ਕਾਫ਼ੀ ਟ੍ਰੋਲ ਹੋਏ ਸਨ। ਰੋਹਿਤ ਨੇ ਸੋਸ਼ਲ ਮੀਡੀਆ ਉੱਤੇ ਇੱਕ ਜੋਕ ਸ਼ੇਅਰ ਕੀਤਾ ਸੀ। ਉਨ੍ਹਾਂ ਨੇ ਲਿਖਿਆ ਸੀ – ਰਜਨੀਕਾਂਤ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ ਅਤੇ ਹੁਣ ਕੋਰੋਨਾ ਨੂੰ ਕੁਆਰੰਟਾਈਨ ਕਰ ਦਿੱਤਾ ਗਿਆ ਹੈ। ਰੋਹਿਤ ਦਾ ਇਰਾਦਾ ਤਾਂ ਇਸ ਜੋਕ ਦੇ ਸਹਾਰੇ ਮਾਹੌਲ ਨੂੰ ਹਲਕਾ ਬਣਾਉਣ ਦਾ ਸੀ ਪਰ ਰਜਨੀ ਦੇ ਕਈ ਫੈਨਜ਼ ਨੂੰ ਇਹ ਜੋਕ ਕਾਫ਼ੀ ਅਸੰਵੇਦਨਸ਼ੀਲ ਲੱਗਾ।

ਇਸ ਤੋਂ ਬਾਅਦ ਰੋਹਿਤ ਨੂੰ ਕਾਫ਼ੀ ਟਰੋਲ ਕੀਤਾ ਗਿਆ। ਕੋਰੋਨਾ ਦੀ ਇਸ ਮੁਸ਼ਕਲ ਘੜੀ ਵਿੱਚ ਤਮਾਮ ਸਟਾਰਸ ਮਦਦ ਲਈ ਅੱਗੇ ਆਏ ਹਨ। ਰਜਨੀਕਾਂਤ ਨੇ ਨਦੀਗਰ ਸੰਗਮ (ਕਲਾਕਾਰਾਂ ਦੀ ਇੱਕ ਯੂਨੀਅਨ) ਦੇ 1000 ਕਲਾਕਾਰਾਂ ਦੇ ਰਾਸ਼ਨ-ਪਾਣੀ ਦੀ ਵਿਵਸਥਾ ਕਰਨ ਦੀ ਗੱਲ ਕਹੀ ਸੀ। ਰਜਨੀਕਾਂਤ ਦੇ ਫੈਨਜ਼ ਵੀ ਇਸ ਸਮੇਂ ਜਰੂਰਤਮੰਦਾਂ ਦੀ ਮਦਦ ਲਈ ਅੱਗੇ ਆਏ ਹਨ ਅਤੇ ਉਨ੍ਹਾਂ ਨੇ ਲੋਕਾਂ ਨੂੰ ਸਬਜੀਆਂ, ਚਾਵਲ, ਦੁੱਧ ਦੇ ਪੈਕੇਟ ਅਤੇ ਅਜਿਹੀਆਂ ਜਰੂਰੀ ਚੀਜਾਂ ਉਪਲੱਬਧ ਕਰਵਾਈਆਂ ਹਨ। ਕੋਰੋਨਾ ਲਾਕਡਾਊਨ ਦੇ ਚਲਦੇ ਨਦੀਗਰ ਸੰਗਮ ਕਲਾਕਾਰ ਐਸੋਸਿਏਸ਼ਨ ਦੇ ਕਾਫੀ ਸਿਤਾਰੇ ਰੋਜੀ ਰੋਟੀ ਲਈ ਮੋਹਤਾਜ ਹੋ ਗਏ ਹਨ।

The post ਰਜਨੀਕਾਂਤ ਨੂੰ ਮਿਲੀ ਘਰ ਵਿੱਚ ਬੰਬ ਹੋਣ ਦੀ ਧਮਕੀ, ਪੁਲਿਸ ਨੇ ਕੀਤੀ ਪੜਤਾਲ appeared first on Daily Post Punjabi.