ਰਾਜਨਾਥ ਸਿੰਘ ਨੇ ਕਿਹਾ ਕਿ ਪੱਛਮੀ ਸੈਕਟਰ ਵਿੱਚ ਪਾਕਿਸਤਾਨ ਨਾਲ ਲੱਗਦੀਆਂ ਸਰਹੱਦਾਂ ‘ਤੇ ਆਏ ਦਿਨ ਸਾਡੇ ਗੁਆਂਢੀ ਕੁਝ ਨਾ ਕੁਝ ਨਾਪਾਕ ਗਤੀਵਿਧੀਆਂ ਕਰਦੇ ਰਹਿੰਦੇ ਹਨ। ਇੱਕ ਨਹੀਂ ਬਲਕਿ ਚਾਰ ਜੰਗਾਂ ਵਿੱਚ ਹਾਰਨ ਦੇ ਬਾਵਜੂਦ ਪਾਕਿਸਤਾਨ ਅੱਤਵਾਦ ਦੇ ਜ਼ਰੀਏ ਪ੍ਰੌਕਸੀ ਲੜਾਈ ਲੜ ਰਿਹਾ ਹੈ । ਇਸ ਦੌਰਾਨ ਉਨ੍ਹਾਂ ਨੇ ਚੀਨ ਨੂੰ ਵੀ ਜਵਾਬ ਦਿੱਤਾ। ਰੱਖਿਆ ਮੰਤਰੀ ਨੇ ਕਿਹਾ ਕਿ ਉੱਤਰੀ ਖੇਤਰ ਵਿੱਚ ਹਾਲ ਹੀ ਵਿੱਚ ਹੋਏ ਭਾਰਤ-ਚੀਨ ਗਤਿਰੋਧ ਤੋਂ ਸਭ ਜਾਣੂ ਹਨ ।

ਇਸ ਤੋਂ ਅੱਗੇ ਰਾਜਨਾਥ ਸਿੰਘ ਨੇ ਕਿਹਾ ਕਿ ਦੋਵਾਂ ਦੇਸ਼ਾਂ ਵਿਚਾਲੇ ਮਿਲਟਰੀ ਅਤੇ ਕੂਟਨੀਤਕ ਚੈਨਲਾਂ ਰਾਹੀਂ ਗੱਲਬਾਤ ਹੋ ਰਹੀ ਹੈ । ਅਸੀਂ ਸੰਘਰਸ਼ ਨਹੀਂ ਬਲਕਿ ਸ਼ਾਂਤੀ ਚਾਹੁੰਦੇ ਹਾਂ।  ਪਰ ਅਸੀਂ ਦੇਸ਼ ਦੇ ਸਵੈ-ਮਾਣ ‘ਤੇ ਕਿਸੇ ਕਿਸਮ ਦੀ ਸੱਟ ਨੂੰ ਸਹਿਣ ਨਹੀਂ ਕਰਾਂਗੇ। ਅਸੀਂ ਕਿਸੇ ਵੀ ਸਥਿਤੀ ਦਾ ਸਾਹਮਣਾ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹਾਂ। ਰੱਖਿਆ ਮੰਤਰੀ ਨੇ ਕਿਹਾ ਕਿ ਜਿਸ ਸੰਗਠਨ ਦਾ ਤੁਸੀਂ ਹੁਣ ਹਿੱਸਾ ਹੋ, ਉਸ ਦਾ ਗੌਰਵਸ਼ਾਲੀ ਇਤਿਹਾਸ ਰਿਹਾ ਹੈ। ਦੇਸ਼ ਦੀ ਪ੍ਰਭੂਸੱਤਾ, ਏਕਤਾ ਅਤੇ ਅਖੰਡਤਾ ਦੀ ਰਾਖੀ ਲਈ ਭਾਰਤੀ ਹਵਾਈ ਫੌਜ ਨੇ ਜ਼ਰੂਰਤ ਪੈਣ ‘ਤੇ ਦੁਸ਼ਮਣ ਦੇ ਹੌਂਸਲੇ ਪਸਤ ਕਰਨ ਵਾਲੇ ਬਹਾਦਰੀ ਦਾ ਪ੍ਰਦਰਸ਼ਨ ਕੀਤਾ ਹੈ।

ਇਹ ਵੀ ਦੇਖੋ: ਅਮਰੀਕਾ ਜਾਣ ਤੋਂ ਪਹਿਲਾਂ ਇੱਕ ਵਾਰ ਕਿਸਾਨ ਅੰਦੋਲਨ ਦਾ ਹਿੱਸਾ ਬਣਨਾ ਚਾਹੁੰਦਾ ਸੀ, ਪਿੱਛੇ ਕੁੱਝ ਨਹੀਂ ਛੱਡ ਗਿਆ

The post ਹੁਣ ਭਾਰਤ ਅੱਤਵਾਦੀਆਂ ਖਿਲਾਫ਼ ਦੇਸ਼ ‘ਚ ਹੀ ਨਹੀਂ, ਬਲਕਿ ਸਰਹੱਦ ਪਾਰ ਜਾ ਕੇ ਵੀ ਕਰ ਰਿਹੈ ਕਾਰਵਾਈ: ਰਾਜਨਾਥ ਸਿੰਘ appeared first on Daily Post Punjabi.