ਅਦਾਕਾਰਾ ਰਾਖੀ ਨੇ ਹੁਣ ਪੁਲਿਸ ਕੋਲ ਸ਼ਿਕਾਇਤ ਵੀ ਦਰਜ ਕਰਵਾਈ ਹੈ। ਸੋਸ਼ਲ ਮੀਡੀਆ ‘ਤੇ ਰਾਖੀ ਸਾਵੰਤ ਦਾ ਇੱਕ ਨਵਾਂ ਵੀਡੀਓ ਸਾਹਮਣੇ ਆਇਆ ਹੈ। ਰਾਖੀ ਨੇ ਆਪਣੇ ਸਾਬਕਾ ਪਤੀ ਰਿਤੇਸ਼ ‘ਤੇ ਉਸ ਦੇ ਅਕਾਊਂਟ ਹੈਕ ਕਰਨ ਦਾ ਦੋਸ਼ ਲਗਾਇਆ ਹੈ। ਰਾਖੀ ਦਾ ਕਹਿਣਾ ਹੈ ਕਿ ਰਿਤੇਸ਼ ਉਨ੍ਹਾਂ ਨੂੰ ਬਰਬਾਦ ਕਰਨਾ ਚਾਹੁੰਦਾ ਹੈ ਅਤੇ ਇਸੇ ਲਈ ਉਹ ਇਹ ਸਭ ਕਰ ਰਿਹਾ ਹੈ। ਰਾਖੀ ਰੋਂਦੇ ਹੋਏ ਕਹਿੰਦੀ ਹੈ- ਉਹ ਭੁੱਲ ਗਿਆ ਕਿ ਮੈਂ ਤਿੰਨ ਸਾਲ ਕਿਵੇਂ ਕੱਢੇ ਹਨ। ਮੇਰਾ ਮਨ ਜਾਣਦਾ ਹੈ। ਲਾਕਡਾਊਨ ‘ਚ ਵਿਆਹੇ ਹੋਣ ਦੇ ਬਾਵਜੂਦ ਮੈਂ ਕੁਆਰੀ ਰਹੀ ਹਾਂ। ਕਦੇ ਮੇਰੀ ਮਦਦ ਨਹੀਂ ਕੀਤੀ। ਰੱਬ ਅਜਿਹਾ ਪਤੀ ਕਿਸੇ ਨੂੰ ਨਾ ਦੇਵੇ। ਰਾਖੀ ਅੱਗੇ ਕਹਿੰਦੀ ਹੈ- ਇਸੇ ਲਈ ਮੈਂ ਉਸ ਨੂੰ ਛੱਡ ਦਿੱਤਾ। ਬਿੱਗ ਬੌਸ ‘ਚ ਮੈਂ ਦੇਖਿਆ ਕਿ ਉਹ ਮੇਰੇ ‘ਤੇ ਕਿੰਨਾ ਰੌਬ ਪਾਉਂਦੇ ਹਨ। ਮੈਂ ਹੁਣੇ ਹੀ ਥਾਣੇ ਆਈ ਹਾਂ। ਮੈਨੂੰ ਉਮੀਦ ਹੈ ਕਿ ਸਭ ਕੁਝ ਠੀਕ ਹੈ।

ਰਾਖੀ ਸਾਵੰਤ ਆਪਣੇ ਨਵੇਂ ਬੁਆਏਫ੍ਰੈਂਡ ਆਦਿਲ ਖਾਨ ਦੁਰਾਨੀ ਨਾਲ ਵੀ ਨਜ਼ਰ ਆ ਰਹੀ ਹੈ। ਆਦਿਲ ਸਾਏ ਵਾਂਗ ਰਾਖੀ ਦੇ ਨਾਲ ਰਹਿੰਦਾ ਹੈ ਅਤੇ ਇਸ ਔਖੀ ਘੜੀ ਵਿੱਚ ਵੀ ਆਦਿਲ ਰਾਖੀ ਦਾ ਪੂਰਾ ਸਾਥ ਦੇ ਰਿਹਾ ਹੈ। ਦੂਜੇ ਪਾਸੇ ਰਾਖੀ ਦੇ ਸਾਬਕਾ ਪਤੀ ਰਿਤੇਸ਼ ਦੀ ਗੱਲ ਕਰੀਏ ਤਾਂ ਬਿੱਗ ਬੌਸ ਛੱਡਣ ਦੇ ਕੁਝ ਦਿਨਾਂ ਬਾਅਦ ਹੀ ਦੋਵੇਂ ਵੱਖ ਹੋ ਗਏ ਸਨ। ਰਾਖੀ ਨੇ ਕਿਹਾ ਕਿ ਉਹ ਕਾਨੂੰਨੀ ਤੌਰ ‘ਤੇ ਰਿਤੇਸ਼ ਦੀ ਪਤਨੀ ਨਹੀਂ ਹੈ, ਕਿਉਂਕਿ ਉਸ ਨੇ ਆਪਣੀ ਪਹਿਲੀ ਪਤਨੀ ਨੂੰ ਤਲਾਕ ਨਹੀਂ ਦਿੱਤਾ ਹੈ। ਹੁਣ ਕੀ ਰਿਤੇਸ਼ ਨੇ ਰਾਖੀ ਸਾਵੰਤ ਤੋਂ ਬਦਲਾ ਲੈਣ ਲਈ ਉਸ ਦਾ ਸੋਸ਼ਲ ਮੀਡੀਆ ਅਕਾਊਂਟ ਹੈਕ ਕੀਤਾ ਹੈ ਜਾਂ ਨਹੀਂ ਅਤੇ ਰਾਖੀ ਦੇ ਦੋਸ਼ਾਂ ‘ਚ ਕਿੰਨੀ ਸੱਚਾਈ ਹੈ। ਇਹ ਦੇਖਣ ਵਾਲੀ ਗੱਲ ਹੋਵੇਗੀ।

The post ਰਾਖੀ ਸਾਵੰਤ ਨੇ ਸਾਬਕਾ ਪਤੀ ਰਿਤੇਸ਼ ‘ਤੇ ਲਗਾਇਆ ਸੋਸ਼ਲ ਮੀਡੀਆ ਅਕਾਊਂਟ ਹੈਕ ਕਰਨ ਦਾ ਦੋਸ਼ appeared first on Daily Post Punjabi.