ਪਰ, ਹੁਣ ਖ਼ਬਰ ਆਈ ਹੈ ਕਿ ਦੋਵੇਂ ਸਿਤਾਰੇ ਨਮਿਤ ਮਲਹੋਤਰਾ ਦੇ ਦਫਤਰ ਗਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਫਿਲਮ ‘ਰਾਮਾਇਣ’ ਦੇ ਸੰਬੰਧ ‘ਚ ਨਮਿਤ, ਮਧੂ ਮੰਤੇਨਾ ਅਤੇ ਨਿਰਦੇਸ਼ਕ ਨਿਤੇਸ਼ ਤਿਵਾਰੀ ਨਾਲ ਬੰਦ ਕਮਰੇ’ ਚ ਮੁਲਾਕਾਤ ਕੀਤੀ। ਮਧੂ ਮੰਤੇਨਾ, ਅੱਲੂ ਅਰਾਵਿੰਦ ਅਤੇ ਨਮਿਤ ਮਲਹੋਤਰਾ ਫਿਲਮ ‘ਰਾਮਾਇਣ’ ਦਾ ਨਿਰਮਾਣ ਕਰ ਰਹੇ ਹਨ, ਜਿਸ ਨੂੰ ਨਿਤੇਸ਼ ਤਿਵਾਰੀ ਅਤੇ ਰਵੀ ਉਦੈਵਰ ਦੁਆਰਾ ਸਾਂਝੇ ਤੌਰ ‘ਤੇ ਨਿਰਦੇਸ਼ਤ ਕੀਤਾ ਜਾਵੇਗਾ।

‘ਰਿਤਿਕ ਰੌਸ਼ਨ ਅਤੇ ਰਣਬੀਰ ਕਪੂਰ ਨਾਲ ਇਹ ਉਸਦੀ ਪਹਿਲੀ ਸਾਂਝੀ ਮੁਲਾਕਾਤ ਸੀ, ਜੋ ਫਿਲਮ ਵਿੱਚ ਰਾਵਣ ਅਤੇ ਰਾਮ ਦੀ ਭੂਮਿਕਾ ਨਿਭਾਉਣਗੇ। ਉਸਨੇ ਇਸ ਪ੍ਰੋਜੈਕਟ ਬਾਰੇ ਗੱਲ ਕੀਤੀ ਅਤੇ ਅਗਲੇ ਸਾਲ ਦੇ ਦੂਜੇ ਅੱਧ ਵਿੱਚ ਇਸ ਦੀ ਸ਼ੂਟਿੰਗ ਬਾਰੇ ਵੀ ਚਰਚਾ ਕੀਤੀ। ਟੀਮ ਹੁਣ ਸੀਤਾ ਦੀ ਭੂਮਿਕਾ ਨਿਭਾਉਣ ਵਾਲੀ ਅਭਿਨੇਤਰੀ ਦੀ ਭਾਲ ਕਰ ਰਹੀ ਹੈ।

ਇੱਕ ਇੰਟਰਵਿਉ ਵਿੱਚ, ਫਿਲਮ ਨਿਰਮਾਤਾ ਮਧੂ ਮੰਤੇਨਾ ਨੇ ਜਾਣਕਾਰੀ ਦਿੱਤੀ ਸੀ ਕਿ ਦੀਵਾਲੀ ਦੇ ਮੌਕੇ ‘ਤੇ ਫਿਲਮ ‘ਰਾਮਾਇਣ‘ ਦੇ ਕਲਾਕਾਰਾਂ ਬਾਰੇ ਇੱਕ ਐਲਾਨ ਕੀਤਾ ਜਾਵੇਗਾ। ਹਾਲਾਂਕਿ, ਇਸ ਵਿੱਚ ਦੇਰੀ ਹੋ ਸਕਦੀ ਹੈ। ਸੂਤਰ ਨੇ ਅੱਗੇ ਕਿਹਾ ਕਿ ਟੀਮ ਮੁੱਖ ਕਿਰਦਾਰਾਂ – ਰਾਮ, ਰਾਵਣ ਅਤੇ ਸੀਤਾ ਨੂੰ ਪੂਰੀ ਸਿਰਜਣਾਤਮਕਤਾ ਨਾਲ ਪ੍ਰਦਰਸ਼ਿਤ ਕਰਕੇ ਐਲਾਨ ਕਰਨਾ ਚਾਹੁੰਦੀ ਹੈ। ਰਿਤਿਕ 15 ਦਿਨਾਂ ਦੇ ਅੰਦਰ ‘ਵਿਕਰਮ ਵੇਧਾ’ ਦੀ ਸ਼ੂਟਿੰਗ ਲਈ ਅਬੂ ਧਾਬੀ ਰਵਾਨਾ ਹੋਣਗੇ, ਜਦੋਂ ਕਿ ਰਣਬੀਰ ਲਵ ਰੰਜਨ ਦੀ ਫਿਲਮ ਦੀ ਤਿਆਰੀ ਕਰ ਰਹੇ ਹਨ।

The post ਰਿਤਿਕ ਰੌਸ਼ਨ ਫਿਲਮ ‘ਰਾਮਾਇਣ’ ‘ਚ ਨਿਭਾਉਣਗੇ ‘ਰਾਵਣ’ ਦਾ ਕਿਰਦਾਰ ਤੇ ਰਣਬੀਰ ਕਪੂਰ ਹੋਣਗੇ ‘ਰਾਮ’ ? appeared first on Daily Post Punjabi.