ਪਿਛਲੇ ਕੁਝ ਦਿਨਾਂ ‘ਚ ਕੁਝ ਵੱਡੀਆਂ ਫਿਲਮਾਂ ਦੀਆਂ ਰਿਲੀਜ਼ ਡੇਟਸ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ ‘ਚ ਰਣਵੀਰ ਸਿੰਘ ਅਤੇ ਕੈਟਰੀਨਾ ਕੈਫ ਵਰਗੇ ਸਿਤਾਰੇ ਮੁੱਖ ਭੂਮਿਕਾਵਾਂ ਨਿਭਾਅ ਰਹੇ ਹਨ। ਬਾਲੀਵੁੱਡ ਫਿਲਮ ‘ਸਰਕਸ’ ਅਤੇ ‘ਫੋਨ ਭੂਤ’ ਦੀ ਰਿਲੀਜ਼ ਡੇਟ ਸਾਹਮਣੇ ਆ ਗਈ ਹੈ। ‘ਸਰਕਸ’ ‘ਚ ਰਣਵੀਰ ਸਿੰਘ ਮੁੱਖ ਭੂਮਿਕਾ ‘ਚ ਨਜ਼ਰ ਆਉਣਗੇ, ਜਦਕਿ ਕੈਟਰੀਨਾ ਕੈਫ ‘ਫੋਨ ਭੂਤ’ ‘ਚ ਖਾਸ ਭੂਮਿਕਾ ਨਿਭਾਅ ਰਹੀ ਹੈ। ਦੋਵਾਂ ਸਿਤਾਰਿਆਂ ਦੀਆਂ ਫਿਲਮਾਂ ਵਿਚਾਲੇ ਬਾਕਸ ਆਫਿਸ ‘ਤੇ ਜ਼ਬਰਦਸਤ ਟੱਕਰ ਹੋਵੇਗੀ।

ਦੋਵਾਂ ਸਿਤਾਰਿਆਂ ਦੇ ਪ੍ਰਸ਼ੰਸਕ ਫਿਲਮਾਂ ਦੀ ਰਿਲੀਜ਼ ਦਾ ਇੰਤਜ਼ਾਰ ਕਰ ਰਹੇ ਹਨ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਇਸ ਮੁਕਾਬਲੇ ‘ਚ ਕੌਣ ਜਿੱਤਦਾ ਹੈ। ਟ੍ਰੇਡ ਐਨਾਲਿਸਟ ਤਰਣ ਆਦਰਸ਼ ਨੇ ਟਵੀਟ ਕਰਕੇ ਫਿਲਮਾਂ ਦੀ ਰਿਲੀਜ਼ ਡੇਟ ਦੀ ਜਾਣਕਾਰੀ ਦਿੱਤੀ ਹੈ। ਤਰਨ ਨੇ ਟਵੀਟ ਕਰਕੇ ਦੱਸਿਆ ਕੈਟਰੀਨਾ ਕੈਫ, ਈਸ਼ਾਨ ਖੱਟਰ ਅਤੇ ਸਿਧਾਤ ਚਤੁਰਵੇਦੀ ਫੇਮ ‘ਫੋਨ ਭੂਤ’ ਅਗਲੇ ਸਾਲ 15 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ, ਜਿਸ ਦਾ ਨਿਰਦੇਸ਼ਨ ਗੁਰਮੀਤ ਸਿੰਘ ਨੇ ਕੀਤਾ ਹੈ। ਫਰਹਾਨ ਅਖਤਰ ਅਤੇ ਰਿਤੇਸ਼ ਸਿਧਵਾਨੀ ਫਿਲਮ ਦੇ ਨਿਰਮਾਤਾ ਹਨ।

ਤਰਨ ਨੇ ਇਕ ਹੋਰ ਟਵੀਟ ‘ਚ ਦੱਸਿਆ ਕਿ ‘ਸਰਕਸ’ ਅਗਲੇ ਸਾਲ 15 ਜੁਲਾਈ ਨੂੰ ਰਿਲੀਜ਼ ਹੋ ਰਹੀ ਹੈ, ਜਿਸ ਦਾ ਨਿਰਦੇਸ਼ਨ ਰੋਹਿਤ ਸ਼ੈੱਟੀ ਕਰ ਰਹੇ ਹਨ। ਰੋਹਿਤ ਨਾਲ ਰਣਵੀਰ ਸਿੰਘ ਦੀ ਇਹ ਤੀਜੀ ਫਿਲਮ ਹੈ। ਉਹ ਇਸ ਤੋਂ ਪਹਿਲਾਂ ਰੋਹਿਤ ਸ਼ੈੱਟੀ ਦੀ ‘ਸਿੰਬਾ’ ਅਤੇ ‘ਸੂਰਿਆਵੰਸ਼ੀ’ ‘ਚ ਨਜ਼ਰ ਆ ਚੁੱਕੇ ਹਨ। ਫਿਲਮ ‘ਚ ਰਣਵੀਰ ਤੋਂ ਇਲਾਵਾ ਜੈਕਲੀਨ ਫਰਨਾਂਡੀਜ਼, ਪੂਜਾ ਹੇਗੜੇ ਅਤੇ ਵਰੁਣ ਸ਼ਰਮਾ ਵੀ ਖਾਸ ਭੂਮਿਕਾਵਾਂ ਨਿਭਾਅ ਰਹੇ ਹਨ।

The post ਰਣਵੀਰ ਸਿੰਘ ਦੀ ‘ਸਰਕਸ’ ਤੇ ਕੈਟਰੀਨਾ ਕੈਫ ਦੀ ‘Phone Bhoot’ ਹੋਵੇਗੀ ਆਹਮੋ-ਸਾਹਮਣੇ appeared first on Daily Post Punjabi.