ਸਫਲ ਟਰਾਇਲ ਰਨ ਤੋਂ ਬਾਅਦ, ਬਹੁਤ ਜਲਦੀ ਹੀ ਸੈਮੀ-ਵਿਸਟਾਡੋਮ (ਪੈਨੋਰਾਮਿਕ) ਕੋਚ ਸ਼ਿਮਲਾ ਦੇ ਮਨਮੋਹਕ ਨਜ਼ਾਰਿਆਂ ਨੂੰ ਵੇਖਦੇ ਹੋਏ ਚੱਲਣਗੇ। ਕਾਲਕਾ-ਸ਼ਿਮਲਾ ਰੇਲਵੇ ਨੂੰ 2008 ਵਿੱਚ ਯੂਨੈਸਕੋ ਦੁਆਰਾ ਵਿਸ਼ਵ ਵਿਰਾਸਤ ਸਥਾਨ ਵਿੱਚ ‘ਭਾਰਤ ਦੇ ਪਹਾੜੀ ਰੇਲਵੇ’ ਵਜੋਂ ਸੂਚੀਬੱਧ ਕੀਤਾ ਗਿਆ ਹੈ। ਹੁਣ ਤੱਕ ਕਾਲਕਾ-ਸ਼ਿਮਲਾ ਟ੍ਰੈਕ ਦੇ ਵਿਚਕਾਰ 115 ਸਾਲ ਪੁਰਾਣੀ ਡਿਜ਼ਾਈਨ ਵਾਲੀ ਖਿਡੌਣਾ ਟਰੇਨ ਚੱਲ ਰਹੀ ਸੀ।

RCF ਕਪੂਰਥਲਾ ਨੂੰ ਭਾਰਤੀ ਰੇਲਵੇ ਦੁਆਰਾ ਇਸ ਦੇ ਵੱਕਾਰੀ ਆਧੁਨਿਕੀਕਰਨ ਪ੍ਰੋਜੈਕਟ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ, ਪਰ RCF ਕੋਲ ਕੋਚਾਂ ਦੇ ਵਿਕਾਸ, ਟ੍ਰਾਇਲ ਲਈ ਨੈਰੋ ਗੇਜ ਟ੍ਰੈਕ ਦੀ ਮਾਡਲਿੰਗ ਅਤੇ ਲਾਹੌਰ, ਪਾਕਿਸਤਾਨ ਵਿੱਚ ਤਿਆਰ ਕੀਤੀ ਗਈ ਖਿਡੌਣਾ ਟ੍ਰੇਨ ਲਈ ਟੈਸਟਿੰਗ ਲਈ ਕੋਈ ਡਾਟਾ ਨਹੀਂ ਹੈ। ਇਸ ਦੇ ਬਾਵਜੂਦ RCF ਨੇ ਆਪਣਾ ਡਿਜ਼ਾਈਨ ਇਨ-ਹਾਊਸ (RCF) ਬੁਨਿਆਦੀ ਢਾਂਚਾ ਜਿਵੇਂ ਕਿ ਸ਼ੈੱਲ ਜਿਗਸ, ਲਿਫਟਿੰਗ ਟੇਕਲ, ਸਟੈਟਿਕ ਟੈਸਟ ਜਿਗਸ, ਨੈਰੋ ਗੇਜ ਲਾਈਨ, ਲੋਡਿੰਗ ਗੇਜ ਦਾ ਨਿਰਮਾਣ ਕੀਤਾ, ਹੁਣ ਚਾਰ ਕੋਚ ਤਿਆਰ ਕਰਕੇ ਟਰਾਇਲ ਦੇ ਲਈ ਕਾਲਕਾ-ਸ਼ਿਮਲਾ ਰੇਲਵੇ ਨੂੰ ਸੌਂਪਣ ਦੀ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ।

RCF ਕਾਲਕਾ-ਸ਼ਿਮਲਾ ਟ੍ਰੈਕ ਲਈ ਕੁੱਲ 30 ਅਤਿ-ਆਧੁਨਿਕ ਨੈਰੋ ਗੇਜ ਪੈਨੋਰਾਮਿਕ ਕੋਚਾਂ ਦਾ ਨਿਰਮਾਣ ਕਰੇਗਾ। ਇਨ੍ਹਾਂ ਵਿੱਚੋਂ 12 ਸੀਟਾਂ ਵਾਲੀਆਂ 06 ਫਸਟ ਕਲਾਸ ਏਸੀ ਚੇਅਰ ਕਾਰਾਂ, 24 ਸੀਟਾਂ ਵਾਲੀਆਂ 06 ਏਸੀ ਚੇਅਰ ਕਾਰਾਂ, 30 ਸੀਟਾਂ ਵਾਲੀਆਂ 13 ਨਾਨ ਏਸੀ ਚੇਅਰ ਕਾਰਾਂ ਅਤੇ 05 ਪਾਵਰ-ਕਮ-ਲਾਗੇਜ ਵੈਨਾਂ ਦਾ ਨਿਰਮਾਣ ਕੀਤਾ ਜਾਵੇਗਾ। ਇਹ ਕੋਚ ਅਤਿ-ਆਧੁਨਿਕ ਸਹੂਲਤਾਂ ਨਾਲ ਲੈਸ ਹੋਣਗੇ। ਇਹਨਾਂ ਵਿੱਚ ਅੱਪਗਰੇਡ ਕੀਤੀਆਂ ਬੋਗੀਆਂ ਅਤੇ ਬਿਹਤਰ ਬ੍ਰੇਕ ਸਿਸਟਮ ਦੇ ਨਾਲ ਇੱਕ ਹਲਕਾ ਭਾਰ ਵਾਲਾ ਸ਼ੈੱਲ ਸ਼ਾਮਲ ਹੈ।

ਇਨ੍ਹਾਂ ਵਿੱਚ ਪੈਨੋਰਾਮਿਕ ਵਾਈਡਵਿਊ ਵਿੰਡੋਜ਼, ਸੀਸੀਟੀਵੀ ਅਤੇ ਫਾਇਰ ਅਲਾਰਮ ਵਰਗੀਆਂ ਆਧੁਨਿਕ ਸੁਰੱਖਿਆ ਸਹੂਲਤਾਂ ਹੋਣਗੀਆਂ। ਇਨ੍ਹਾਂ ਕੋਚਾਂ ਵਿੱਚ ਏਅਰ ਕੰਡੀਸ਼ਨਿੰਗ ਸਿਸਟਮ, ਬਿਜਲੀ ਸਪਲਾਈ, ਪੈਂਟਰੀ, ਬਾਇਓ-ਵੈਕਿਊਮ ਟਾਇਲਟ, ਲਾਈਟਿੰਗ ਅਤੇ ਫਲੋਰਿੰਗ ਆਦਿ ਦੇ ਨਵੇਂ ਡਿਜ਼ਾਈਨ ਵਿੱਚ ਕਈ ਮਹੱਤਵਪੂਰਨ ਕੰਮ ਕੀਤੇ ਗਏ ਹਨ। ਕੋਚ ‘ਚ ਪਾਵਰ ਵਿੰਡੋ ਦੀ ਸਹੂਲਤ ਦਿੱਤੀ ਗਈ ਹੈ ਅਤੇ ਯਾਤਰੀ ਆਪਣੀ ਸਹੂਲਤ ਮੁਤਾਬਕ ਸੂਰਜ ਤੋਂ ਬਚਣ ਲਈ ਪੈਨੋਰਾਮਿਕ ਕੋਚ ‘ਚ ਛੱਤ ‘ਤੇ ਲੱਗੇ ਸ਼ੀਸ਼ੇ ਨੂੰ ਵੀ ਧੁੰਦਲਾ ਕਰ ਸਕਣਗੇ।

ਇਹ ਵੀ ਪੜ੍ਹੋ : ਅਫਗਾਨਿਸਤਾਨ-ਇਰਾਨ ‘ਚ ਪਾਣੀ ਨੂੰ ਲੈ ਕੇ ਸਰਹੱਦ ‘ਤੇ ਮੁਠਭੇੜ, 4 ਲੋਕਾਂ ਦੀ ਮੌ.ਤ

ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਨ੍ਹਾਂ ਕੋਚਾਂ ‘ਚ ਏਸੀ ਕੋਚ ਵੀ ਸ਼ਾਮਲ ਹੋਣਗੇ, ਜਦਕਿ ਪਹਿਲਾਂ ਤੋਂ ਚੱਲ ਰਹੀ ਖਿਡੌਣਾ ਟਰੇਨ ‘ਚ ਇਹ ਸਹੂਲਤ ਨਹੀਂ ਹੈ। ਐਗਜ਼ੀਕਿਊਟਿਵ ਕਲਾਸ ਲਈ ਲਗਜ਼ਰੀ ਸੀਟਾਂ, ਬੋਰਡ ਮਿੰਨੀ ਪੈਂਟਰੀ, ਸਮਾਨ ਬਿਨ, ਇੰਟਰ ਕਾਰ ਗੈਂਗਵੇ (ਵੈਸਟੀਬਿਊਲ) ਆਦਿ ਸਹੂਲਤਾਂ ਯਾਤਰਾ ਨੂੰ ਬਹੁਤ ਖਾਸ ਬਣਾ ਦੇਣਗੀਆਂ। ਹਰੇਕ ਰੇਕ ਵਿੱਚ ਛੇ ਯਾਤਰੀ ਕੋਚ ਅਤੇ ਇੱਕ ਪਾਵਰ-ਕਮ-ਲਾਗੇਜ ਕੋਚ ਵੈਨ ਸਮੇਤ ਸੱਤ ਕੋਚ ਹੋਣਗੇ।

RCF ਦੇ ਲੋਕ ਸੰਪਰਕ ਅਧਿਕਾਰੀ (PRO) ਜਿਤੇਸ਼ ਕੁਮਾਰ ਨੇ ਦੱਸਿਆ ਕਿ ਕੋਚ ਸ਼ੈੱਲ ਦਾ ਟਰਾਇਲ ਟੈਸਟ ਪਾਸ ਕਰਨ ਤੋਂ ਬਾਅਦ ਚਾਰ ਏਸੀ ਐਗਜ਼ੀਕਿਊਟਿਵ ਚੇਅਰ ਕਾਰ, ਏਸੀ ਚੇਅਰ ਕਾਰ, ਨਾਨ ਏਸੀ ਚੇਅਰ ਕਾਰ ਅਤੇ ਪਾਵਰ-ਕਮ-ਲਾਗੇਜ ਕੋਚ ਟਰਾਇਲ ਲਈ ਤਿਆਰ ਹਨ, ਜਿਨ੍ਹਾਂ ਦੀ ਜਾਂਚ ਕੀਤੀ ਜਾਵੇਗੀ ਅਤੇ ਸੋਮਵਾਰ ਨੂੰ ਰਵਾਨਾ ਕੀਤਾ ਜਾਵੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”

The post 115 ਸਾਲ ਪੁਰਾਣੀ TOY TRAIN ਨੂੰ ਬਦਲੇਗੀ RCF, ਕਾਲਕਾ-ਸ਼ਿਮਲਾ ਟ੍ਰੈਕ ‘ਤੇ ਚੱਲਣਗੇ 4 ਸੈਮੀ-ਵਿਸਟਾਡੋਮ ਕੋਚ appeared first on Daily Post Punjabi.