ਦੂਜਾ ਮਾਮਲਾ ਬਾਂਦਰਾ ਵਿੱਚ ਇਕੱਠੀ ਹੋਈ ਭੀੜ ਦਾ ਹੈ। ਨੋਟਿਸ ‘ਚ ਕਿਹਾ ਗਿਆ ਹੈ ਕਿ ਦੋਵਾਂ ਪ੍ਰੋਗਰਾਮਾਂ ਦੌਰਾਨ ਲੌਕਡਾਊਨ ਹੋਣ ਦੇ ਕਾਰਨ ਦੰਗੇ ਨਹੀਂ ਹੋਏ ਸਨ। ਅਰਨਬ ਤੋਂ ਇਲਾਵਾ ਮੁੰਬਈ ਪੁਲਿਸ ਨੇ ਕੁੱਝ ਦਿਨ ਪਹਿਲਾਂ ਖਾਰ ਮਾਮਲੇ ਵਿੱਚ ਰੀਪਬਲਿਕ ਟੀਵੀ ਚੈਨਲ ਦੇ ਇੱਕ ਹੋਰ ਪੱਤਰਕਾਰ ਪ੍ਰਦੀਪ ਭੰਡਾਰੀ ਨੂੰ ਵੀ ਤਲਬ ਕੀਤਾ ਸੀ। ਟੀਆਰਪੀ ਮਾਮਲੇ ਵਿੱਚ, ਮੁੰਬਈ ਕ੍ਰਾਈਮ ਬ੍ਰਾਂਚ ਦੀ ਟੀਮ ਨੇ ਮੰਗਲਵਾਰ ਨੂੰ ਪਰੇਲ ਵਿੱਚ ਬੀਏਆਰਸੀ ਦਫਤਰ ਦਾ ਦੌਰਾ ਕੀਤਾ ਅਤੇ ਸਮਝਿਆ ਕਿ ਕਿਵੇਂ ਟੀਆਰਪੀ ਦੀ ਨਿਗਰਾਨੀ ਕੀਤੀ ਜਾਂਦੀ ਹੈ। ਹੰਸਾ ਕੰਪਨੀ ਦੀ ਇੱਕ ਰਿਪੋਰਟ ਕੂਝ ਦਿਨ ਪਹਿਲਾਂ ਰੀਪਬਲਿਕ ਚੈਨਲ ‘ਤੇ ਦਿਖਾਈ ਗਈ ਸੀ। ਮੁੰਬਈ ਕ੍ਰਾਈਮ ਬ੍ਰਾਂਚ ਨੇ ਰਿਪੋਰਟ ਦੀ ਭਰੋਸੇਯੋਗਤਾ ਦੀ ਜਾਂਚ ਲਈ ਆਪਣੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਫਰਜ਼ੀ ਟੀਆਰਪੀ ਮਾਮਲੇ ਦੀ ਜਾਂਚ ਕਰ ਰਹੀ ਕ੍ਰਾਈਮ ਇੰਟੈਲੀਜੈਂਸ ਯੂਨਿਟ (ਸੀਆਈਯੂ) ਨੇ ਰੀਪਬਲਿਕ ਚੈਨਲ ਨਾਲ ਸਬੰਧਿਤ ਦੋ ਹੋਰ ਲੋਕਾਂ ਨਿਰੰਜਨ ਨਰਾਇਣ ਸਵਾਮੀ ਅਤੇ ਅਭਿਸ਼ੇਕ ਕਪੂਰ ਨੂੰ ਸੰਮਨ ਭੇਜਿਆ ਹੈ। ਏਸੀਪੀ ਸ਼ਸ਼ਾਂਕ ਸੰਦਭੌਰ ਵੱਲੋਂ ਭੇਜੇ ਨੋਟਿਸ ‘ਚ ਦੋਵਾਂ ਨੂੰ ਬੁੱਧਵਾਰ ਦੁਪਹਿਰ 12 ਵਜੇ ਮੁੰਬਈ ਪੁਲਿਸ ਹੈੱਡਕੁਆਰਟਰ ਵਿਖੇ ਜਾਂਚ ਟੀਮ ਸਾਹਮਣੇ ਪੇਸ਼ ਹੋਣ ਲਈ ਕਿਹਾ ਗਿਆ ਹੈ। ਇਸ ਸੰਮਨ ਵਿਚਲੀਆਂ ਬਹੁਤ ਸਾਰੀਆਂ ਚੀਜ਼ਾਂ ਤੋਂ ਇਲਾਵਾ ਦੋ ਚੀਜ਼ਾਂ ਦਾ ਵਿਸ਼ੇਸ਼ ਤੌਰ ਤੇ ਜ਼ਿਕਰ ਕੀਤਾ ਗਿਆ ਹੈ। ਪਹਿਲਾ ਇਹ ਕਿ CIU ਨੇ ਕੁੱਝ ਦਿਨ ਪਹਿਲਾਂ ਹੰਸਾ ਕੰਪਨੀ ਦੇ ਕਰਮਚਾਰੀ ਵਿਸ਼ਾਲ ਭੰਡਾਰੀ ਨੂੰ ਟੀਆਰਪੀ ਨਾਲ ਛੇੜਛਾੜ ਕਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਸੀ। ਸੰਮਨ ‘ਚ ਇੱਕ ਹੋਰ ਮਹੱਤਵਪੂਰਣ ਗੱਲ ਹੈ ਕੇ 10 ਅਕਤੂਬਰ ਨੂੰ ਰਿਪਬਲਿਕ ਟੀਵੀ ਉੱਤੇ ਦਿਖਾਈ ਹੰਸਾ ਦੀ ਰਿਪੋਰਟ ਦਾ ਜ਼ਿਕਰ ਹੈ।

The post ਰੀਪਬਲਿਕ ਟੀਵੀ ਦੇ ਮੁੱਖ ਸੰਪਾਦਕ ਅਰਨਬ ਗੋਸਵਾਮੀ ਦੀਆਂ ਵਧੀਆਂ ਮੁਸ਼ਕਿਲਾਂ, ਮੁੰਬਈ ਪੁਲਿਸ ਨੇ ਦਿੱਤਾ ਨੋਟਿਸ appeared first on Daily Post Punjabi.