ਸਰਕਾਰ ਦੀ ਮਨਜ਼ੂਰੀ ਤੋਂ ਬਾਅਦ ਖੁੱਲ੍ਹੇ ਹੋਟਲ ਤੇ ਰੈਸਟੋਰੈਂਟ ਪਰ ਨਹੀਂ ਪਹੁੰਚੇ ਗਾਹਕ, ਜਾਣੋ ਕਾਰਨ

Rajdeep Kaur — Thu, 25 Jun 2020 12:33:28 +0000

Hotel restaurants ludhiana:ਸਰਕਾਰ ਦੀ ਮਨਜ਼ੂਰੀ ਮਿਲਣ ਤੋਂ ਬਾਅਦ ਲੁਧਿਆਣਾ ‘ਚ ਹਦਾਇਤਾਂ ਮੁਤਾਬਕ ਹੋਟਲ ਅਤੇ ਰੈਸਟੋਰੈਂਟ ਖੁੱਲ ਗਏ ਪਰ ਗਾਹਕ ਬਹੁਤ ਘੱਟ ਨਜ਼ਰ ਆਏ ਹਨ। ਇਸ ਦੌਰਾਨ ਸ਼ਹਿਰ ‘ਚ ਹਾਲੇ ਕਈ ਹੋਟਲ ਅਤੇ ਰੈਸਟੋਰੈਂਟ ਹਾਲੇ ਵੀ ਬੰਦ ਪਏ ਹਨ। ਇਸ ਸਬੰਧੀ ਹੋਟਲ ਤੇ ਰੈਸਟੋਰੈਂਟ ਮਾਲਕਾਂ ਨੇ ਦੱਸਿਆ ਕਿ ਪ੍ਰਸ਼ਾਸਨ ਦੀਆਂ ਸਖਤ ਹਦਾਇਤਾਂ ਦੀ ਪਾਲਣਾ ਕਰਨ ‘ਚ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਹੈ ਕਿ ਹੋਟਲ ਤੇ ਰੈਸਟੋਰੈਂਟ ‘ਚ ਕੰਮ ਕਰਨ ਵਾਲੇ ਕਾਮਿਆਂ ਦੀ ਕਮੀ ਹੈ ਕਿਉਂਕਿ ਜ਼ਿਆਦਾਤਰ ਕਾਮੇ ਆਪਣੇ ਘਰ ਜਾ ਚੁੱਕੇ ਹਨ। ਇਸ ਦੇ ਨਾਲ ਵੱਧ ਤੋਂ ਵੱਧ 50 ਗਾਹਕਾਂ ਨੂੰ ਬਿਠਾਉਣ ਕਾਰਨ ਖਰਚੇ ਵੀ ਪੂਰੇ ਨਹੀਂ ਹੋ ਸਕਦੇ। ਇਸ ਤੋਂ ਇਲਾਵਾ ਹੋਮ ਡਿਲੀਵਰੀ ਦਾ ਕੰਮ ਵੀ ਬਹੁਤ ਘੱਟ ਹੈ। ਦੂਜੇ ਪਾਸੇ ਹੋਟਲ ਅਤੇ ਰੈਸਟੋਰੈਂਟ ਐਸੋਸੀਏਸ਼ਨ ਲੁਧਿਆਣਾ ਦੇ ਪ੍ਰਧਾਨ ਅਮਰਵੀਰ ਸਿੰਘ ਨੇ ਦੱਸਿਆ ਹੈ ਕਿ ਕਾਮਿਆ ਜਾਂ ਲੇਬਰ ਦੇ ਵਾਪਸ ਆਉਣ ਅਤੇ ਹੋਰ ਦੂਜੇ ਪ੍ਰਬੰਧਾਂ ‘ਚ ਸੁਧਾਰ ਕਰਨ ‘ਚ ਕੁਝ ਸਮਾਂ ਲੱਗੇਗਾ, ਜਿਸ ਤੋਂ ਬਾਅਦ ਹੀ ਆਮ ਹਾਲਾਤਾਂ ਵਾਂਗ ਹੋਟਲਾਂ ‘ਚ ਰੌਣਕਾਂ ਦੀ ਉਮੀਦ ਜਤਾਈ ਜਾ ਸਕੇਗੀ।

Hotel restaurants ludhiana

ਦੱਸਣਯੋਗ ਹੈ ਕਿ ਖਤਰਨਾਕ ਕੋਰੋਨਾਵਾਇਰਸ ਦੇ ਮੱਦੇਨਜ਼ਰ ਲਾਗੂ ਲਾਕਡਾਊਨ ਕਾਰਨ ਹੋਟਲ ਅਤੇ ਰੈਸਟੋਰੈਂਟ ਬੰਦ ਕਰ ਦਿੱਤੇ ਗਏ ਸੀ , ਜਿਨ੍ਹਾਂ ਨੂੰ ਹੁਣ ਸਰਕਾਰ ਵੱਲੋਂ ਕੁਝ ਨਿਯਮਾਂ ਮੁਤਾਬਕ ਖੋਲ੍ਹਣ ਦੀ ਮਨਜ਼ੂਰੀ ਦਿੱਤੀ ਗਈ ਸੀ।

The post ਸਰਕਾਰ ਦੀ ਮਨਜ਼ੂਰੀ ਤੋਂ ਬਾਅਦ ਖੁੱਲ੍ਹੇ ਹੋਟਲ ਤੇ ਰੈਸਟੋਰੈਂਟ ਪਰ ਨਹੀਂ ਪਹੁੰਚੇ ਗਾਹਕ, ਜਾਣੋ ਕਾਰਨ appeared first on Daily Post Punjabi.

restaurants Archives - Daily Post Punjabi

ਸਰਕਾਰ ਦੀ ਮਨਜ਼ੂਰੀ ਤੋਂ ਬਾਅਦ ਖੁੱਲ੍ਹੇ ਹੋਟਲ ਤੇ ਰੈਸਟੋਰੈਂਟ ਪਰ ਨਹੀਂ ਪਹੁੰਚੇ ਗਾਹਕ, ਜਾਣੋ ਕਾਰਨ