ਯੂਪੀ ਵਿੱਚ ਵੀ ਵਿਧਾਨ ਸਭਾ ਚੋਣਾਂ ਦੀਆਂ ਤਰੀਕਾਂ ਦੇ ਐਲਾਨ ਤੋਂ ਬਾਅਦ ਇੱਕ ਤੋਂ ਬਾਅਦ ਇੱਕ ਪਾਰਟੀ ਛੱਡਣ ਦਾ ਸਿਲਸਿਲਾ ਜਾਰੀ ਹੈ। ਤਾਜ਼ਾ ਮਾਮਲੇ ‘ਚ ਹੁਣ ਭਾਜਪਾ ਵਿਧਾਇਕ ਅਵਤਾਰ ਭਡਾਣਾ ਆਰ.ਐਲ.ਡੀ ‘ਚ ਸ਼ਾਮਿਲ ਹੋ ਗਏ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਭਡਾਣਾ ਮੁਜ਼ੱਫਰਨਗਰ ਦੀ ਮੀਰਾਪੁਰ ਸੀਟ ਤੋਂ ਵਿਧਾਇਕ ਹਨ। ਦਿੱਲੀ ਵਿੱਚ ਆਰ.ਐਲ.ਡੀ ਦੇ ਮੁਖੀ ਜਯਤ ਚੌਧਰੀ ਦੇ ਨਾਲ ਮੁਲਾਕਾਤ ਤੋਂ ਬਾਅਦ ਭਾਜਪਾ ਆਗੂ ਆਰ.ਐਲ.ਡੀ ਵਿੱਚ ਸ਼ਾਮਿਲ ਹੋ ਗਏ ਸਨ। ਹੁਣ ਇਨ੍ਹਾਂ ਵਿਧਾਨ ਸਭਾ ਚੋਣਾਂ ਵਿੱਚ ਉਨ੍ਹਾਂ ਦੇ ਗੁਰਜਰ ਬਹੁਲ ਖੇਤਰ ਗੌਤਮ ਬੁੱਧ ਨਗਰ ਦੀ ਜੇਵਰ ਸੀਟ ਤੋਂ ਚੋਣ ਲੜਨ ਦੀ ਚਰਚਾ ਹੈ।

ਇਹ ਵੀ ਪੜ੍ਹੋ : Breaking : ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਹੋਇਆ ਕੋਰੋਨਾ

ਭਾਰਤੀ ਜਨਤਾ ਪਾਰਟੀ ਲਈ ਇਹ ਇੱਕ ਹੋਰ ਵੱਡਾ ਝਟਕਾ ਹੈ। ਅਵਤਾਰ ਚਾਰ ਵਾਰ ਸੰਸਦ ਮੈਂਬਰ ਵੀ ਰਹਿ ਚੁੱਕੇ ਹਨ। ਬੁੱਧਵਾਰ ਸਵੇਰੇ ਉਨ੍ਹਾਂ ਨੇ ਆਰਐਲਡੀ ਮੁਖੀ ਜਯੰਤ ਚੌਧਰੀ ਨਾਲ ਮੁਲਾਕਾਤ ਕੀਤੀ ਸੀ। ਜਯੰਤ ਨੇ ਇਸ ਦੀ ਤਸਵੀਰ ਵੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ। ਯੂਪੀ ਵਿੱਚ 7 ਪੜਾਅ ਦੇ ਵਿੱਚ 10 ਫਰਵਰੀ, 14 ਫਰਵਰੀ, 20 ਫਰਵਰੀ, 23 ਫਰਵਰੀ, 27 ਫਰਵਰੀ, 3 ਮਾਰਚ ਅਤੇ 7 ਮਾਰਚ ਨੂੰ ਵੋਟਾਂ ਪੈਣਗੀਆਂ। ਚੋਣ ਨਤੀਜੇ 10 ਮਾਰਚ ਨੂੰ ਆਉਣਗੇ।

ਵੀਡੀਓ ਲਈ ਕਲਿੱਕ ਕਰੋ -:

“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”

The post ਯੂਪੀ : BJP ਨੂੰ ਲੱਗਿਆ ਇੱਕ ਹੋਰ ਝਟਕਾ, ਮੁਜ਼ੱਫਰਨਗਰ ਦੇ ਵਿਧਾਇਕ ਭਡਾਣਾ RLD ‘ਚ ਹੋਏ ਸ਼ਾਮਿਲ appeared first on Daily Post Punjabi.

ਬਸਪਾ ਦੁਆਰਾ ਦਾਅਵਾ ਕੀਤਾ ਗਿਆ ਹੈ ਕਿ ਉਹ ਹੁਣ ਤੱਕ ਐਲਾਨੇ ਨਤੀਜਿਆਂ ਵਿੱਚ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉਭਰੀ ਹੈ। ਮੇਰਠ ਦੀਆਂ ਕੁੱਲ 33 ਸੀਟਾਂ ‘ਚੋਂ ਬਸਪਾ ਨੇ 9 ਸੀਟਾਂ ਜਿੱਤੀਆਂ ਹਨ, ਜਦਕਿ ਸਪਾ ਅਤੇ ਭਾਜਪਾ ਨੇ 6-6 ਸੀਟਾਂ ਜਿੱਤੀਆਂ ਹਨ। ਇੱਥੇ ਆਰਐਲਡੀ ਨੇ ਪੰਜ ਜ਼ਿਲ੍ਹਾ ਪੰਚਾਇਤ ਸੀਟਾਂ ਜਿੱਤੀਆਂ ਹਨ ਜਦਕਿ ਆਜ਼ਾਦ ਉਮੀਦਵਾਰਾਂ ਨੇ 7 ਸੀਟਾਂ ਜਿੱਤੀਆਂ ਹਨ। ਸ਼ਾਮਲੀ ਵਿੱਚ ਆਰਐਲਡੀ ਨੇ ਭਾਜਪਾ ਨੂੰ ਲੱਗਭਗ ਗੋਡਿਆਂ ‘ਤੇ ਲੈ ਆਂਦਾ ਹੈ। ਭਾਜਪਾ ਦੇ ਖੇਤਰੀ ਪ੍ਰਧਾਨ ਅਤੇ ਰਾਜ ਮੰਤਰੀ ਰਾਜ ਦਾ ਗ੍ਰਹਿ ਜ਼ਿਲ੍ਹਾ ਹੋਣ ਦੇ ਬਾਵਜੂਦ, ਆਰਐਲਡੀ ਨੇ 19 ਸੀਟਾਂ ਚੋਂ 8 ਸੀਟਾਂ ਜਿੱਤੀਆਂ ਹਨ, ਜਦਕਿ ਭਾਜਪਾ ਸਿਰਫ 6 ਸੀਟਾਂ ‘ਤੇ ਸਿਮਟ ਗਈ ਹੈ। ਇਸ ਤੋਂ ਇਲਾਵਾ ਸੱਤ ਹੋਰ ਉਮੀਦਵਾਰ ਜਿੱਤੇ ਹਨ।

ਇਸ ਖੇਤਰ ਨੂੰ ਪੂਰੀ ਤਰ੍ਹਾਂ ਜਾਟ ਅਤੇ ਗੁਰਜਰ-ਪ੍ਰਮੁੱਖ ਮੰਨਿਆ ਜਾਂਦਾ ਹੈ ਅਤੇ ਕਿਸਾਨੀ ਲਹਿਰ ਦਾ ਸਭ ਤੋਂ ਜਿਆਦਾ ਗਰਮ ਸਥਾਨ ਵੀ ਇੱਥੇ ਰਿਹਾ ਹੈ। ਬਿਜਨੌਰ ਵਿੱਚ ਵੀ ਬੀਜੇਪੀ ਨੂੰ ਸਖਤ ਟੱਕਰ ਮਿਲੀ ਹੈ। ਬਿਜਨੌਰ ਦੀਆਂ ਜ਼ਿਲ੍ਹਾ ਪੰਚਾਇਤ ਚੋਣਾਂ ਵਿੱਚ ਭਾਜਪਾ ਨੂੰ ਸਿਰਫ 7 ਸੀਟਾਂ ਮਿਲੀਆਂ ਹਨ ਜਦਕਿ ਸਪਾ ਨੇ 20 ਸੀਟਾਂ ਜਿੱਤੀਆਂ ਹਨ। ਇਸ ਤੋਂ ਇਲਾਵਾ ਬਸਪਾ 7 ਅਤੇ ਆਰਐਲਡੀ ਸਮੇਤ ਹੋਰਨਾਂ ਨੇ 22 ਸੀਟਾਂ ਜਿੱਤੀਆਂ ਹਨ। ਕਿਸਾਨ ਅੰਦੋਲਨ ਦਾ ਅਸਰ ਹਾਪੁੜ ਵਿੱਚ ਵੀ ਦਿਖਾਈ ਦੇ ਰਿਹਾ ਹੈ, ਬਸਪਾ ਇੱਥੇ ਲੜਾਈ ਵਿੱਚ ਨਜ਼ਰ ਆ ਰਹੀ ਹੈ। 19 ਵਾਰਡਾਂ ਵਿੱਚ ਬਸਪਾ ਨੂੰ 5, ਭਾਜਪਾ ਨੂੰ 3, ਸਪਾ ਨੂੰ 2 ਅਤੇ ਹੋਰਾਂ ਨੂੰ ਤਿੰਨ ਸੀਟਾਂ ਮਿਲੀਆਂ ਹਨ। ਬਾਗਪਤ ਵਿੱਚ ਆਰਐਲਡੀ ਅਤੇ ਭਾਜਪਾ ਦਰਮਿਆਨ ਸਖਤ ਟੱਕਰ ਹੈ, ਪਰ ਚੌਧਰੀ ਅਜੀਤ ਸਿੰਘ ਦਾ ਪੱਲੜਾ ਭਾਰੀ ਹੈ।

ਇਹ ਵੀ ਦੇਖੋ : Lockdown Guidelines ‘ਚ ਕੋਈ ਭੰਬਲਭੂਸਾ ਹੈ? ਤਾਂ ਇਸ ਵੀਡੀਓ ‘ਚ ਮਿਲਣਗੇ ਤੁਹਾਡੇ ਸਾਰੇ ਸਵਾਲਾਂ ਦੇ ਜਵਾਬ

The post RLD ਲਈ ਸੰਜੀਵਨੀ ਬਣਿਆ ਕਿਸਾਨ ਅੰਦੋਲਨ ‘ਤੇ BJP ਨੂੰ ਬੰਗਾਲ ਤੋਂ ਬਾਅਦ ਹੁਣ UP ‘ਚ ਵੀ ਲੱਗ ਰਹੇ ਨੇ ਝੱਟਕੇ appeared first on Daily Post Punjabi.