ਮਾਨਸੂਨ ਦੀ ਪਹਿਲੀ ਬਾਰਿਸ਼ ਕਾਰਨ ਧੱਸੀ ਸੜਕ, ਨਗਰ ਨਿਗਮ ਦੀ ਖੁੱਲ੍ਹੀ ਪੋਲ

Iqbal Kaur — Mon, 06 Jul 2020 11:45:04 +0000

road damage ludhiana: ਲੁਧਿਆਣਾ ‘ਚ ਕਾਫੀ ਤੇਜ਼ ਬਾਰਿਸ਼ ਹੋਣ ਤੋਂ ਬਾਅਦ ਇੱਥੇ ਸੜਕ ਧੱਸ ਗਈ, ਜਿਸ ਨੇ ਨਗਰ ਨਿਗਮ ਦੇ ਪ੍ਰਬੰਧਾਂ ਦੀ ਪੋਲ ਖੋਲ ਕੇ ਰੱਖ ਦਿੱਤੀ ਹੈ। ਦਰਅਸਲ ਇੱਥੇ ਫਿਰੋਜ਼ਪੁਰ ਰੋਡ ਤੋਂ ਹੰਬੜਾ ਰੋਡ ਨੂੰ ਲਿੰਕ ਕਰਨ ਵਾਲੀ ਕਾਕਾ ਮੈਰਿਜ ਪੈਲੇਸ ਦੀ ਸੜਕ ਧੱਸ ਗਈ। ਦੱਸ ਦੇਈਏ ਕਿ ਰੋਡ ‘ਤੇ ਲਗਭਗ 50 ਫੁੱਟ ਚੌੜਾ ਅਤੇ 15 ਫੁੱਟ ਡੂੰਘਾ ਟੋਇਆ ਪੈ ਗਿਆ। ਜਦੋਂ ਸੜਕ ‘ਤੇ ਟੋਇਆ ਦੇਖਿਆ ਤਾਂ ਲੋਕਾਂ ‘ਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ ਅਤੇ ਦੇਖਦੇ ਹੀ ਦੇਖਦੇ ਇਕ ਹੋਰ ਟੋਇਆ ਪੈ ਗਿਆ। ਇਸ ਤੋਂ ਬਾਅਦ ਲੋਕਾਂ ਨੇ ਪੁਲਿਸ ਅਤੇ ਨਿਗਮ ਦੇ ਅਧਿਕਾਰੀਆਂ ਦੇ ਆਉਣ ਤੋਂ ਪਹਿਲਾਂ ਬੈਰੀਕੇਡਿੰਗ ਕਰਨੀ ਸ਼ੁਰੂ ਕਰ ਦਿੱਤੀ। ਪੁਲਿਸ ਨੇ ਪਹੁੰਚ ਕੇ ਵਾਹਨਾਂ ਦੀ ਆਵਾਜਾਈ ਰੋਕ ਦਿੱਤੀ ਅਤੇ ਨਿਗਮ ਦੇ ਅਫਸਰਾਂ ਨੇ ਸੜਕ ਦੀ ਮੁਰੰਮਤ ਕਰਨ ਲਈ ਖੁਦਾਈ ਕਰਨੀ ਸ਼ੁਰੂ ਕਰ ਦਿੱਤੀ। ਇਹ ਵੀ ਦੱਸਿਆ ਜਾਂਦਾ ਹੈ ਕਿ ਕੈਬਨਿਟ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ਅਤੇ ਪੀ.ਐੱਸ.ਆਈ.ਸੀ ਚੇਅਰਮੈਨ ਅਤੇ ਪਰਿਸ਼ਦ ਗੁਰਪ੍ਰੀਤ ਸਿੰਘ ਗੋਗੀ ਵੀ ਉੱਥੇ ਪਹੁੰਚੇ ਇਸ ਦੇ ਨਾਲ ਹੀ ਵਾਰ-ਵਾਰ ਸੜਕ ਧੱਸਣ ‘ਤੇ ਮੰਤਰੀ ਨੇ ਅਫਸਰਾਂ ਨੂੰ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ।

road damage ludhiana

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਇਕ ਵਾਰ ਇੱਥੇ ਸੜਕ ਧੱਸ ਚੁੱਕੀ ਸੀ, ਉਸ ਸਮੇਂ ਸਰੀਏ ਨਾਲ ਭਰਿਆ ਟਰੱਖ ਜ਼ਮੀਨਦੋਜ ਹੋ ਗਿਆ ਸੀ ਇਸ ਦੌਰਾਨ ਜਾਨੀ ਨੁਕਸਾਨ ਵੀ ਹੋਇਆ ਸੀ।

The post ਮਾਨਸੂਨ ਦੀ ਪਹਿਲੀ ਬਾਰਿਸ਼ ਕਾਰਨ ਧੱਸੀ ਸੜਕ, ਨਗਰ ਨਿਗਮ ਦੀ ਖੁੱਲ੍ਹੀ ਪੋਲ appeared first on Daily Post Punjabi.

road damage Archives - Daily Post Punjabi

ਮਾਨਸੂਨ ਦੀ ਪਹਿਲੀ ਬਾਰਿਸ਼ ਕਾਰਨ ਧੱਸੀ ਸੜਕ, ਨਗਰ ਨਿਗਮ ਦੀ ਖੁੱਲ੍ਹੀ ਪੋਲ