ਰਿਪੋਰਟ ਮੁਤਾਬਕ ਆਂਧਰਾ ਪ੍ਰਦੇਸ਼ ਦੇ ਵਿਜੇਵਾੜਾ ਵਿੱਚ ਫ਼ਿਲਮ ਪ੍ਰੇਮੀਆਂ ਦਾ ਗੁੱਸਾ ਸੱਤਵੇਂ ਅਸਮਾਨ ‘ਤੇ ਪਹੁੰਚ ਗਿਆ ਜਦੋਂ ਤਕਨੀਕੀ ਖ਼ਰਾਬੀ ਕਾਰਨ ਫ਼ਿਲਮ ਦੀ ਸਕ੍ਰੀਨਿੰਗ ਰੋਕਣੀ ਪਈ। ਉੱਥੇ ਲੋਕਾਂ ਨੇ ਭੰਨਤੋੜ ਕਰਨੀ ਸ਼ੁਰੂ ਕਰ ਦਿੱਤੀ। ਲੋਕਾਂ ਨੇ Nail Fencing ਹਟਾ ਦਿੱਤੀ, ਖਿੜਕੀ ਤੋੜ ਦਿੱਤੀ। ਇਹ ਹਾਦਸਾ ਵਿਜੇਵਾੜਾ ਦੇ ਅੰਨਪੂਰਨਾ ਥੀਏਟਰ ‘ਚ ਵਾਪਰਿਆ। ਜੂਨੀਅਰ ਐਨਟੀਆਰ ਅਤੇ ਰਾਮਚਰਨ ਦੇ ਪ੍ਰਸ਼ੰਸਕਾਂ ਨੇ ਥੀਏਟਰ ਦੀ ਜਾਇਦਾਦ ਨੂੰ ਤਬਾਹ ਕਰਨ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡੀ। ‘RRR’ ਨੂੰ ਲੈ ਕੇ ਲੋਕਾਂ ਦਾ ਉਤਸ਼ਾਹ ਇਸ ਤੋਂ ਦੇਖਣ ਨੂੰ ਮਿਲਦਾ ਹੈ। ਹਾਲਾਂਕਿ ਫਿਲਮ ਜਾਂ ਸਿਤਾਰਿਆਂ ਨੂੰ ਲੈ ਕੇ ਕ੍ਰੇਜ਼ ਤਾਂ ਠੀਕ ਹੈ ਪਰ ਇਸ ਤਰ੍ਹਾਂ ਦੀ ਹਮਲਾਵਰਤਾ ਦਿਖਾਉਣਾ ਵੀ ਠੀਕ ਨਹੀਂ ਹੈ। ਇਸ ਨੂੰ ਰੰਗ ਚ ਭੰਗ ਤੋਂ ਇਲਾਵਾ ਕੁਝ ਨਹੀਂ ਕਿਹਾ ਜਾਵੇਗਾ।

‘RRR’ ਨੂੰ ਲੈ ਕੇ ਸਿਨੇਮਾਘਰਾਂ ‘ਚ ਲੋਕਾਂ ਦਾ ਕ੍ਰੇਜ਼ ਸਾਫ ਨਜ਼ਰ ਆ ਰਿਹਾ ਹੈ। ਜੂਨੀਅਰ ਐਨਟੀਆਰ ਅਤੇ ਰਾਮਚਰਨ ਦੀ ਐਂਟਰੀ ‘ਤੇ ਲੋਕ ਸੀਟੀ ਮਾਰ ਰਹੇ ਹਨ। ਤਾੜੀਆਂ ਵਜਾਉਂਦੇ ਹੋਏ ਕਈ ਲੋਕ ਅਜਿਹੇ ਵੀ ਸਨ ਜੋ ਸਿਨੇਮਾਘਰਾਂ ‘ਚ ਪੈਸਿਆਂ ਦੀ ਬਰਸਾਤ ਕਰ ਰਹੇ ਸਨ। ਕੁਝ ਲੋਕ ਸਕਰੀਨ ਦੇ ਸਾਹਮਣੇ ਨੱਚ ਰਹੇ ਹਨ। ‘RRR’ ਨੂੰ ਲੈ ਕੇ ਦੇਸ਼ ਭਰ ਤੋਂ ਪ੍ਰਸ਼ੰਸਕਾਂ ਦੇ ਅਜਿਹੇ ਕਈ ਵੀਡੀਓ ਦੇਖਣ ਨੂੰ ਮਿਲ ਰਹੇ ਹਨ। ਫਿਲਮ ਦੇ ਬਾਕਸ ਆਫਿਸ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਪਹਿਲੇ ਹੀ ਦਿਨ ਫਿਲਮ ਨੇ ਕਮਾਈ ਦੇ ਰਿਕਾਰਡ ਤੋੜ ਦਿੱਤੇ ਹਨ। ਫਿਲਮ ਨੇ ਪਹਿਲੇ ਦਿਨ ਭਾਰਤ ਵਿੱਚ ਹਰ ਭਾਸ਼ਾ ਵਿੱਚ 156 ਕਰੋੜ ਦੀ ਕਮਾਈ ਕੀਤੀ ਹੈ। ਇਸ ਦੇ ਨਾਲ ਹੀ ਵਰਲਡਵਾਈਡ ‘ਚ ਮੂਵੀ ਨੇ 223 ਕਰੋੜ ਦੇ ਅੰਕੜੇ ਨੂੰ ਛੂਹ ਲਿਆ ਹੈ। ਉੱਤਰੀ ਭਾਰਤ ‘ਚ ਫਿਲਮ ਨੇ 25 ਕਰੋੜ ਦਾ ਸ਼ਾਨਦਾਰ ਅੰਕੜਾ ਪਾਰ ਕਰ ਲਿਆ ਹੈ।

The post ‘RRR’ ਦੀ ਸਕਰੀਨਿੰਗ ‘ਚ ਤਕਨੀਕੀ ਖਰਾਬੀ ਆਉਣ ‘ਤੇ ਭੜਕੇ ਪ੍ਰਸ਼ੰਸਕ, ਥੀਏਟਰ ‘ਚ ਕੀਤੀ ਭੰਨਤੋੜ appeared first on Daily Post Punjabi.