ਤੁਹਾਨੂੰ ਦੱਸ ਦਈਏ ਕਿ ਪਿੱਛਲੇ ਦਿਨੀਂ ਸਾਰਕ ਦੇਸ਼ਾਂ ਦੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰਾਂ ਦੀ ਇੱਕ ਮੀਟਿੰਗ ਹੋਈ ਸੀ। ਪਾਕਿਸਤਾਨ ਵਲੋਂ ਹੋਈ ਬੈਠਕ ‘ਚ ਇੱਕ ਨਕਸ਼ੇ ਨੂੰ ਪਿਛੋਕੜ ਵਿੱਚ ਰੱਖਿਆ ਗਿਆ ਸੀ, ਜਿਸ ਵਿੱਚ ਭਾਰਤ ਦੇ ਕੁੱਝ ਹਿੱਸੇ ਦਿਖਾਏ ਗਏ ਸਨ। ਭਾਰਤ ਨੇ ਇਸ ਦਾ ਸਖਤ ਵਿਰੋਧ ਕੀਤਾ ਸੀ ਅਤੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਅਜੀਤ ਡੋਵਾਲ ਬੈਠਕ ਤੋਂ ਉੱਠ ਕੇ ਚਲੇ ਗਏ ਸੀ। ਉਸ ਸਾਰੇ ਵਿਵਾਦ ‘ਤੇ ਵਿਦੇਸ਼ ਮੰਤਰਾਲੇ ਨੇ ਇੱਕ ਬਿਆਨ ਜਾਰੀ ਕੀਤਾ ਸੀ ਕਿ ਰੂਸ ਦੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਦੀ ਪ੍ਰਧਾਨਗੀ ਹੇਠ ਹੋਈ ਇਸ ਬੈਠਕ ‘ਚ ਪਾਕਿਸਤਾਨੀ ਸੁਰੱਖਿਆ ਸਲਾਹਕਾਰ ਨੇ ਗ਼ਲਤ ਢੰਗ ਨਾਲ ਕਾਲਪਨਿਕ ਨਕਸ਼ੇ ਨੂੰ ਪੇਸ਼ ਕੀਤਾ ਜੋ ਕੁੱਝ ਦਿਨ ਪਹਿਲਾਂ ਅਧਿਕਾਰਤ ਤੌਰ’ ਤੇ ਪਾਕਿਸਤਾਨ ਨੇ ਜਾਰੀ ਕੀਤਾ ਸੀ। . ਉਸ ਨੇ ਇਹ ਵੀ ਕਿਹਾ ਕਿ ਇਹ ਮੇਜ਼ਬਾਨ ਦੇਸ਼ ਦੁਆਰਾ ਜਾਰੀ ਕੀਤੀ ਗਈ ਸਲਾਹ ਦੀ ਘੋਰ ਅਣਦੇਖੀ ਅਤੇ ਐਸਸੀਓ ਚਾਰਟਰ ਦੇ ਨਿਯਮਾਂ ਦੀ ਖੁੱਲ੍ਹੀ ਉਲੰਘਣਾ ਹੈ। ਅਨੁਰਾਗ ਸ਼੍ਰੀਵਾਸਤਵ ਨੇ ਕਿਹਾ ਕਿ ਭਾਰਤੀ ਧਿਰ ਨੇ ਮੇਜ਼ਬਾਨ ਰੂਸ ਦੇ ਪੱਖ ਨਾਲ ਸਲਾਹ ਮਸ਼ਵਰਾ ਕਰਕੇ ਉਸੇ ਸਮੇਂ ਬੈਠਕ ਨੂੰ ਛੱਡ ਦਿੱਤਾ ਸੀ। ਇਹ ਇੱਕ ਵਰਚੁਅਲ ਮੀਟਿੰਗ ਸੀ।

The post SAARC ਬੈਠਕ ਦੌਰਾਨ ਇਸ ਵਾਰ ਪਾਕਿਸਤਾਨ ਨੇ ਨਹੀਂ ਲਾਇਆ ਕੋਈ ਨਕਸ਼ਾ, ਪਿੱਛਲੀ ਵਾਰ ਭਾਰਤ ਨੇ ਕੀਤਾ ਸੀ ਵਿਰੋਧ appeared first on Daily Post Punjabi.