ਸਾਰਾ ਖਾਨ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀ ‘ਤੇ ਇਕ ਪੋਸਟ ਰਾਹੀਂ ਆਪਣੇ ਬ੍ਰੇਕਅੱਪ ਦੀ ਜਾਣਕਾਰੀ ਸਾਂਝੀ ਕੀਤੀ ਹੈ। ਇਸ ਪੋਸਟ ‘ਚ ਸਾਰਾ ਨੇ ਲਿਖਿਆ, “ਆਪਸੀ ਸਹਿਮਤੀ ਨਾਲ ਮੈਂ ਅਤੇ ਮੇਰੇ ਪਾਰਟਨਰ ਨੇ ਇਕ-ਦੂਜੇ ਤੋਂ ਵੱਖ ਹੋਣ ਦਾ ਫੈਸਲਾ ਕੀਤਾ ਹੈ। ਹੁਣ ਤੋਂ ਅਸੀਂ ਦੋਵੇਂ ਆਪਣੀ ਜ਼ਿੰਦਗੀ ‘ਚ ਇਕੱਲੇ ਹੀ ਅੱਗੇ ਵਧਾਂਗੇ। ਪਰ ਅਸੀਂ ਅਜੇ ਵੀ ਇਕ ਦੂਜੈ ਲਈ ਬਰਾਬਰ ਦਾ ਸਤਿਕਾਰ ਰਖਦੇ ਹਾਂ, ਇਸ ਲਈ ਕਿਰਪਾ ਕਰਕੇ ਸਾਡੀ ਗੋਪਨੀਯਤਾ ਦਾ ਵੀ ਧਿਆਨ ਰੱਖੋ…ਮੇਰੀ ਗੱਲ ਨੂੰ ਸਮਝਣ ਲਈ ਤੁਹਾਡਾ ਧੰਨਵਾਦ..” ਤੁਹਾਨੂੰ ਦੱਸ ਦੇਈਏ ਕਿ ਸਾਰਾ ਖਾਨ ਦਾ ਬੁਆਏਫ੍ਰੈਂਡ ਸ਼ਾਂਤਨੂ ਪਾਇਲਟ ਹੈ। ਜਿਸ ਨੂੰ ਅਦਾਕਾਰਾ ਪਿਛਲੇ ਚਾਰ ਸਾਲਾਂ ਤੋਂ ਡੇਟ ਕਰ ਰਹੀ ਸੀ।

ਖਬਰਾਂ ਮੁਤਾਬਕ ਦੋਵੇਂ ਜਲਦ ਹੀ ਵਿਆਹ ਕਰਨ ਵਾਲੇ ਸਨ। ਪਰ ਹੁਣ ਇਸ ਜੋੜੀ ਦੇ ਰਸਤੇ ਵੱਖ ਹੋ ਗਏ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਾਲ ਇੰਟਰਵਿਊ ਵਿੱਚ ਸਾਰਾ ਨੇ ਕਿਹਾ ਸੀ ਕਿ ਉਹ ਜਲਦੀ ਹੀ ਸ਼ਾਂਤਨੂ ਨਾਲ ਵਿਆਹ ਕਰਨ ਜਾ ਰਹੀ ਹੈ। ਉਸ ਨੇ ਸ਼ਾਂਤਨੂ ਨੂੰ ਆਪਣਾ ਸਭ ਤੋਂ ਵਧੀਆ ਸਾਥੀ ਵੀ ਕਿਹਾ। ਇਸ ਤੋਂ ਪਹਿਲਾਂ ਸਾਰਾ ਖਾਨ ਬਿੱਗ ਬੌਸ ਦੇ ਘਰ ਵਿੱਚ ਅਦਾਕਾਰ ਅਲੀ ਮਰਚੈਂਟ ਨਾਲ ਪਿਆਰ ਵਿੱਚ ਪੈ ਗਈ ਸੀ। ਦੋਵਾਂ ਨੇ ਉੱਥੇ ਵਿਆਹ ਵੀ ਕਰ ਲਿਆ। ਪਰ ਸ਼ੋਅ ਤੋਂ ਬਾਹਰ ਆਉਣ ਤੋਂ ਬਾਅਦ ਉਨ੍ਹਾਂ ਦਾ ਵਿਆਹ ਟੁੱਟ ਗਿਆ ਅਤੇ ਜੋੜਾ ਵੱਖ ਹੋ ਗਿਆ।