ਅਲ-ਜੌਫ ਖੇਤਰ ਵਿੱਚ ਸਥਿਤ ਗੈਸ ਭੰਡਾਰ ਦਾ ਨਾਮ ਹਦਬਤ ਅਲ-ਹਜ਼ਰਾ ਗੈਸ ਫੀਲਡ ਅਤੇ ਉੱਤਰੀ ਸਰਹੱਦੀ ਖੇਤਰ ਦੇ ਤੇਲ ਭੰਡਾਰ ਨੂੰ ਅਬਰਾਕ ਅਲ ਤਾਲੂਲ ਦਾ ਨਾਮ ਦਿੱਤਾ ਗਿਆ ਹਨ। ਪ੍ਰਿੰਸ ਅਬਦੁੱਲ ਅਜ਼ੀਜ਼ ਨੇ ਪ੍ਰੈਸ ਏਜੰਸੀ ਨੂੰ ਦੱਸਿਆ ਕਿ ਹਦਬਤ ਅਲ-ਹਜ਼ਰਾ ਫੀਲਡ ਦੇ ਅਲ ਸਰਾਰਾ ਭੰਡਾਰ ਤੋਂ 16 ਮਿਲੀਅਨ ਕਿਊਬਿਕ ਫੁੱਟ ਪ੍ਰਤੀ ਦਿਨ ਦੀ ਦਰ ਨਾਲ ਕੁਦਰਤੀ ਗੈਸ ਨਿਕਲਦੀ ਹੈ ਅਤੇ ਇਸਦੇ ਨਾਲ 1944 ਬੈਰਲ ਕੰਡੇਨਸੇਟਸ ਵੀ ਨਿਕਲਿਆ ਹੈ।

ਉੱਥੇ ਹੀ ਅਬਰਾਕ ਅਲ-ਤੁਲੂਲ ਤੋਂ ਹਰ ਦਿਨ ਲਗਭਗ 3,189 ਬੈਰਲ ਸੁਪਰ ਲਾਈਟ ਕਰੂਡ ਨਿਕਲ ਸਕਦਾ ਹੈ। ਨਾਲ ਹੀ 1.1 ਮਿਲੀਅਨ ਕਿਊਬਿਕ ਫੁੱਟ ਗੈਸ ਨਿਕਲ ਸਕਦੀ ਹੈ। ਅਰਾਮਕੋ ਗੈਸ ਅਤੇ ਤੇਲ ਫੀਲਡ ਵਿੱਚ ਪਾਏ ਜਾਣ ਵਾਲੇ ਤੇਲ, ਗੈਸ ਅਤੇ ਕੰਡੇਨਸੇਟ ਦੀ ਗੁਣਵੱਤਾ ਦੀ ਜਾਂਚ ਸ਼ੁਰੂ ਕਰੇਗੀ। ਪ੍ਰਿੰਸ ਅਬਦੁੱਲ ਅਜ਼ੀਜ਼ ਨੇ ਕਿਹਾ ਕਿ ਤੇਲ ਅਤੇ ਗੈਸ ਭੰਡਾਰਾਂ ਦੇ ਖੇਤਰ ਅਤੇ ਅਕਾਰ ਦਾ ਸਹੀ ਪਤਾ ਲਗਾਉਣ ਲਈ ਹੋਰ ਖੂਹ ਪੁੱਟੇ ਜਾਣਗੇ । ਪ੍ਰਿੰਸ ਨੇ ਦੇਸ਼ ਨੂੰ ਖੁਸ਼ਹਾਲੀ ਦੇਣ ਲਈ ਪ੍ਰਮਾਤਮਾ ਦਾ ਧੰਨਵਾਦ ਕੀਤਾ।

ਜ਼ਿਕਰਯੋਗ ਹੈ ਕਿ ਸਾਊਦੀ ਅਰਾਮਕੋ ਵਿਸ਼ਵ ਦੀ ਸਭ ਤੋਂ ਵੱਡੀ ਤੇਲ ਕੰਪਨੀ ਹੈ ਅਤੇ ਦੁਨੀਆ ਵਿੱਚ ਰੋਜ਼ਾਨਾ ਤੇਲ ਦੇ ਉਤਪਾਦਨ ਦੇ ਮਾਮਲੇ ਵਿੱਚ ਸਭ ਤੋਂ ਅੱਗੇ ਹੈ। ਇਸਦਾ ਸਭ ਤੋਂ ਵੱਡਾ ਬਾਜ਼ਾਰ ਏਸ਼ੀਆ ਹੈ, ਜਿੱਥੇ ਕੋਰੋਨਾ ਮਹਾਂਮਾਰੀ ਤੋਂ ਪਹਿਲਾਂ ਇਸ ਦਾ 70% ਨਿਰਯਾਤ ਹੁੰਦਾ ਸੀ। ਵੈਨੇਜ਼ੂਏਲਾ ਤੋਂ ਬਾਅਦ ਸਾਊਦੀ ਅਰਬ ਕੋਲ ਸਭ ਤੋਂ ਵੱਧ ਪ੍ਰਮਾਣਿਕ ਤੇਲ ਭੰਡਾਰ ਹਨ। ਦੁਨੀਆ ਭਰ ਦੇ ਭੰਡਾਰਾਂ ਵਿੱਚ ਸਾਊਦੀ ਦੀ ਹਿੱਸੇਦਾਰੀ 17.2 ਪ੍ਰਤੀਸ਼ਤ ਹੈ। ਹਾਲਾਂਕਿ, ਸਾਊਦੀ ਕੋਲ ਤੇਲ ਦੇ ਮੁਕਾਬਲੇ ਗੈਸ ਭੰਡਾਰ ਘੱਟ ਹਨ ਅਤੇ ਗਲੋਬਲ ਗੈਸ ਭੰਡਾਰ ਦਾ ਸਿਰਫ 3 ਪ੍ਰਤੀਸ਼ਤ ਹੈ।

ਦੱਸ ਦੇਈਏ ਕਿ ਸਾਊਦੀ ਅਰਬ ਦੇਸ਼ ਦਾ ਪਹਿਲਾ ਵਿੰਡ ਪਾਵਰ ਪਲਾਂਟ ਬਣਾਉਣ ‘ਤੇ ਵੀ ਕੰਮ ਕਰ ਰਿਹਾ ਹੈ। ਇਹ ਨਵੇਂ ਖੇਤਰ ਸਾਊਦੀ ਦੇ ਉਸੇ ਹੀ ਵਿੰਡ ਕੋਰੀਡੋਰ ਵਿੱਚ ਸਥਿਤ ਹਨ। ਸਾਊਦੀ ਦੇ ਉੱਤਰੀ ਹਿੱਸੇ ਵਿੱਚ ਅਲ-ਜੌਫ ਵਿੱਚ ਸਕਾਕਾ ਪਾਵਰ ਪਲਾਂਟ ਬਣਾਇਆ ਜਾ ਰਿਹਾ ਹੈ, ਜਿਸਦੀ ਲਾਗਤ 302 ਅਰਬ ਡਾਲਰ ਹੈ। ਸਾਊਦੀ ਅਰਬ ਉੱਤਰੀ ਹਿੱਸੇ ਵਿੱਚ ਆਪਣੀ ਨਿਯੋਮ ਨਾਮ ਦੀ ਯੋਜਨਾ ਨਾਲ ਇੱਕ ਸ਼ਹਿਰ ਬਣਾਉਣ ਜਾ ਰਿਹਾ ਹੈ, ਜਿਸਦੀ ਲਾਗਤ 500 ਅਰਬ ਡਾਲਰ ਹੈ। ਇਹ ਜੌਰਡਨ ਅਤੇ ਮਿਸਰ ਦੀ ਸਰਹੱਦ ਨਾਲ ਲੱਗਦਾ ਹੋਵੇਗਾ। ਇਸ ਸ਼ਹਿਰ ਵਿੱਚ ਭਵਿੱਖ ਦੇ ਕਈ ਮਹੱਤਵਪੂਰਨ ਊਰਜਾ ਪ੍ਰਾਜੈਕਟਾਂ ‘ਤੇ ਵੀ ਕੰਮ ਕੀਤਾ ਜਾਵੇਗਾ।

The post ਕੋਰੋਨਾ ਮਹਾਂਮਾਰੀ ਵਿਚਾਲੇ ਸਾਊਦੀ ਅਰਬ ਦੇ ਹੱਥ ਲੱਗੇ ਦੋ ਵੱਡੇ ਖਜ਼ਾਨੇ appeared first on Daily Post Punjabi.

ਇੱਕ ਖਬਰ ਅਨੁਸਾਰ ਕੋਰੋਨਾ ਕਾਲ ਦੌਰਾਨ ਤੇਲ ਕਾਫ਼ੀ ਸਸਤਾ ਹੋ ਗਿਆ ਹੈ। ਤੇਲ ਕੰਪਨੀਆਂ ਨੂੰ ਭਾਰੀ ਨੁਕਸਾਨ ਹੋ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ ਮੌਜੂਦਾ ਸਥਿਤੀ ਨੂੰ ਧਿਆਨ ਵਿੱਚ ਰੱਖਦਿਆਂ ਅਰਾਮਕੋ ਨੇ ਇਸ ਸੌਦੇ ਨੂੰ ਖਤਮ ਕਰਨ ਦਾ ਫੈਸਲਾ ਕੀਤਾ ਹੈ। ਜਿਸ ਗਤੀ ਨਾਲ ਕੋਰੋਨਾ ਦੇ ਕੇਸ ਵੱਧ ਰਹੇ ਹਨ, ਉਸ ਰਫ਼ਤਾਰ ਨੂੰ ਟੀਕੇ ਤੋਂ ਬਿਨ੍ਹਾਂ ਲਗਾਮ ਲਗਾਉਣਾ ਸੰਭਵ ਨਹੀਂ ਹੈ ਅਤੇ ਦੂਰ-ਦੂਰ ਤੱਕ ਹਾਲੇ ਵੈਕਸੀਨ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਇਹ ਅੰਦਾਜ਼ਾ ਲਗਾਉਣਾ ਮੁਸ਼ਕਿਲ ਹੈ ਕਿ ਮਾਰਕੀਟ ਅਤੇ ਉਦਯੋਗਿਕ ਗਤੀਵਿਧੀ ਕਿੰਨੀ ਦੇਰ ਪ੍ਰਭਾਵਤ ਹੋਵੇਗੀ।

ਤੇਲ ਕੰਪਨੀਆਂ ਦੀ ਹਾਲਤ ਪੂਰੀ ਦੁਨੀਆ ਵਿੱਚ ਲਗਭਗ ਇਕੋ ਜਿਹੀ ਹੈ। ਮੰਗ ਅਤੇ ਕੀਮਤ ਵਿੱਚ ਕਮੀ ਕਾਰਨ ਉਨ੍ਹਾਂ ਨੂੰ ਭਾਰੀ ਨੁਕਸਾਨ ਹੋ ਰਿਹਾ ਹੈ। ਅਰਾਮਕੋ ਇਸ ਵੇਲੇ ਪੂੰਜੀ ਖਰਚਿਆਂ ਨੂੰ ਘਟਾਉਣ ‘ਤੇ ਕੇਂਦ੍ਰਤ ਹੈ। ਕੰਪਨੀ ਨੇ 75 ਬਿਲੀਅਨ ਡਾਲਰ ਦਾ ਲਾਭਅੰਸ਼ ਜਾਰੀ ਕਰਨ ਦਾ ਫੈਸਲਾ ਵੀ ਕੀਤਾ ਹੈ। ਇਸ ਲਾਭਅੰਸ਼ ਦਾ ਜ਼ਿਆਦਾਤਰ ਹਿੱਸਾ ਸਾਊਦੀ ਕਿੰਗਡਮ ਨੂੰ ਜਾਂਦਾ ਹੈ, ਜੋ ਇਸ ਵੇਲੇ ਵਡੀ ਕੈਸ਼ ਕਿੱਲਤ ਵਿੱਚੋਂ ਲੰਘ ਰਿਹਾ ਹੈ।

ਦੱਸ ਦੇਈਏ ਕਿ ਅਰਾਮਕੋ ਦੇ ਇਸ ਫੈਸਲੇ ਤੋਂ ਬਾਅਦ ਸਰਕਾਰ ਦੀ ਨਜ਼ਰ ਹੁਣ ਭਾਰਤ ਨਾਲ 44 ਬਿਲੀਅਨ ਡਾਲਰ ਦੇ ਸੌਦੇ ‘ਤੇ ਹੈ। ਅਰਾਮਕੋ ਨੇ ਮਹਾਂਰਾਸ਼ਟਰ ਵਿੱਚ ਰਤਨਾਗਿਰੀ ਮੈਗਾ ਰਿਫਾਇਨਰੀ ਪ੍ਰਾਜੈਕਟ ਵਿੱਚ 44 ਬਿਲੀਅਨ ਡਾਲਰ ਦੇ ਨਿਵੇਸ਼ ਦਾ ਐਲਾਨ ਕੀਤਾ ਸੀ। ਤੇਲ ਦੀ ਲਗਾਤਾਰ ਘੱਟ ਰਹੀ ਕੀਮਤ ਅਤੇ ਮੰਗ ਦੇ ਵਿਚਕਾਰ ਇਸ ਗੱਲ ਦੀ ਸੰਭਾਵਨਾ ਹੈ ਕਿ ਅਰਾਮਕੋ ਭਾਰਤ ਨਾਲ ਇਸ ਸੌਦੇ ‘ਤੇ ਪਿੱਛੇ ਨਹੀਂ ਹਟੇਗੀ।

The post ਸਾਊਦੀ ਅਰਾਮਕੋ ਨੇ ਚੀਨ ਨਾਲ ਖ਼ਤਮ ਕੀਤੀ 75000 ਕਰੋੜ ਦੀ ਡੀਲ, ਭਾਰਤ ਹੋਇਆ ਚੌਕੰਨਾ appeared first on Daily Post Punjabi.