ਦਰਅਸਲ, ਪ੍ਰਸ਼ਾਂਤ ਭੂਸ਼ਣ ਵੱਲੋਂ ਮੁਆਫੀ ਦੇ ਅਦਾਲਤ ਦੇ ਸੁਝਾਅ ਨੂੰ ਰੱਦ ਕਰਨ ਤੋਂ ਬਾਅਦ ਸੀਨੀਅਰ ਵਕੀਲ ਰਾਜੀਵ ਧਵਨ ਨੇ 25 ਅਗਸਤ ਨੂੰ ਸੁਪਰੀਮ ਕੋਰਟ ਨੂੰ ਬੇਨਤੀ ਕੀਤੀ ਕਿ ਅਦਾਲਤ ਨੂੰ ‘ਸਟੇਟਸਮੈਨ’ ਵਰਗਾ ਸੰਦੇਸ਼ ਦੇਣਾ ਚਾਹੀਦਾ ਹੈ ਅਤੇ ਭੂਸ਼ਣ ਨੂੰ ਸ਼ਹੀਦ ਨਹੀਂ ਬਣਾਉਣਾ ਚਾਹੀਦਾ । ਜਸਟਿਸ ਮਿਸ਼ਰਾ ਨੇ ਤਿੰਨ ਜੱਜਾਂ ਦੇ ਬੈਂਚ ਦੀ ਪ੍ਰਧਾਨਗੀ ਕਰਦਿਆਂ ਸਜ਼ਾ ਦੇ ਮੁੱਦੇ ‘ਤੇ ਉਸ ਦਿਨ ਆਪਣਾ ਫੈਸਲਾ ਰਾਖਵਾਂ ਰੱਖ ਲਿਆ । ਜਸਟਿਸ ਮਿਸ਼ਰਾ 2 ਸਤੰਬਰ ਨੂੰ ਸੇਵਾਮੁਕਤ ਹੋ ਰਹੇ ਹਨ।

ਦੱਸ ਦੇਈਏ ਕਿ 14 ਅਗਸਤ ਨੂੰ ਸੁਪਰੀਮ ਕੋਰਟ ਨੇ ਭੂਸ਼ਣ ਨੂੰ ਨਿਆਂਪਾਲਿਕਾ ਖ਼ਿਲਾਫ਼ ਉਸ ਦੇ ਦੋ ਅਪਮਾਨਜਨਕ ਟਵੀਟਾਂ ਲਈ ਅਪਰਾਧਿਕ ਅਪਮਾਨ ਲਈ ਦੋਸ਼ੀ ਠਹਿਰਾਇਆ ਸੀ । ਭੂਸ਼ਣ ਦਾ ਪੱਖ ਰੱਖ ਰਹੇ ਧਵਨ ਨੇ ਭੂਸ਼ਣ ਦੇ ਪੂਰਕ ਬਿਆਨ ਦਾ ਹਵਾਲਾ ਦਿੰਦਿਆਂ ਸੁਪਰੀਮ ਕੋਰਟ ਨੂੰ ਅਪੀਲ ਕੀਤੀ ਸੀ ਕਿ ਉਹ 14 ਅਗਸਤ ਦਾ ਆਪਣਾ ਫੈਸਲਾ ਵਾਪਸ ਲੈਣ ਅਤੇ ਕੋਈ ਸਜ਼ਾ ਨਾ ਦੇਣ । ਉਨ੍ਹਾਂ ਬੇਨਤੀ ਕੀਤੀ ਕਿ ਇਸ ਮਾਮਲੇ ਨੂੰ ਨਾ ਸਿਰਫ ਬੰਦ ਕੀਤਾ ਜਾਵੇ ਬਲਕਿ ਵਿਵਾਦ ਨੂੰ ਵੀ ਖਤਮ ਕੀਤਾ ਜਾਵੇ।

The post ਅਵਮਾਨਨਾ ਕੇਸ: SC ਨੇ ਪ੍ਰਸ਼ਾਂਤ ਭੂਸ਼ਣ ‘ਤੇ ਲਗਾਇਆ 1 ਰੁਪਏ ਦਾ ਜੁਰਮਾਨਾ, ਨਾ ਦੇਣ ‘ਤੇ ਹੋਵੇਗੀ 3 ਮਹੀਨਿਆਂ ਦੀ ਜੇਲ੍ਹ appeared first on Daily Post Punjabi.