ਪਿਤਾ ਨੇ ਕਿਹਾ, ਉਸ ਦੇ ਪੁੱਤਰ ਨੂੰ ਮਾਸਪੇਸ਼ੀਆਂ ਵਿੱਚ ਦਰਦ ਦੀ ਸਮੱਸਿਆ ਸੀ, ਇਸ ਲਈ ਮੈਂ ਇਹ ਸੁਣ ਕੇ ਗੁੱਸੇ ਵਿੱਚ ਆ ਗਿਆ ਅਤੇ ਉਸਨੂੰ ਕੁੱਟਿਆ। ਇਸ ਦੇ ਨਾਲ ਹੀ ਅਧਿਆਪਕ ਦਾ ਕਹਿਣਾ ਹੈ ਕਿ ਮੈਂ 9 ਮਹੀਨੇ ਪਹਿਲਾਂ ਸਕੂਲ ਆਇਆ ਸੀ ਅਤੇ ਮੈਨੂੰ ਬੱਚਿਆਂ ਦੀ ਬੀਮਾਰੀ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਕੁੱਟਮਾਰ ਕਾਰਨ ਅਧਿਆਪਕ ਆਕਾਸ਼ ਯਾਦਵ ਦੇ ਸਰੀਰ ‘ਤੇ ਕਈ ਸੱਟਾਂ ਲੱਗੀਆਂ ਹਨ। ਅਧਿਆਪਕ ਦੀ ਸ਼ਿਕਾਇਤ ‘ਤੇ ਹਨੂਮੰਤ ਵਿਹਾਰ ਪੁਲਿਸ ਨੇ ਬੱਚੇ ਦੇ ਮਾਤਾ-ਪਿਤਾ, ਭਰਾ ਅਤੇ ਅਣਪਛਾਤੇ ਵਿਅਕਤੀ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।

ਈਸ਼ਾਨ ਅਗਨੀਹੋਤਰੀ ਪੁੱਤਰ ਅਜੈ ਅਗਨੀਹੋਤਰੀ ਵਾਸੀ ਭਾਭਾ ਨਗਰ, ਨੌਬਸਤਾ, ਸਾਊਥ ਸਿਟੀ ਪਬਲਿਕ ਸਕੂਲ ‘ਚ 7ਵੀਂ ਜਮਾਤ ਦਾ ਵਿਦਿਆਰਥੀ ਹੈ। ਅਧਿਆਪਕ ਆਕਾਸ਼ ਯਾਦਵ ਗਣਿਤ ਦਾ ਟੀਚਰ ਹੈ। ਜਦੋਂ ਬੱਚੇ ਨੇ ਆਪਣਾ ਹੋਮਵਰਕ ਪੂਰਾ ਨਹੀਂ ਕੀਤਾ ਤਾਂ ਟੀਚਰ ਆਕਾਸ਼ ਨੇ ਕਲਾਸ ਵਿੱਚ ਬੈਠਕਾਂ ਕੱਢਣ ਦੀ ਸਜ਼ਾ ਸੁਣਾ ਦਿੱਤੀ। ਜਦੋਂ ਬੱਚੇ ਦੀ ਮਾਂ ਛੁੱਟੀ ਤੋਂ ਬਾਅਦ ਉਸ ਨੂੰ ਲੈਣ ਸਕੂਲ ਪਹੁੰਚੀ ਤਾਂ ਈਸ਼ਾਨ ਨੇ ਇਸ ਘਟਨਾ ਬਾਰੇ ਦੱਸਿਆ।

ਇਸ ‘ਤੇ ਮਾਂ ਨੇ ਪ੍ਰਿੰਸੀਪਲ ਕਵਿਤਾ ਪਾਂਡੇ ਨੂੰ ਸ਼ਿਕਾਇਤ ਕੀਤੀ ਅਤੇ ਆਪਣੇ ਪਤੀ ਅਜੈ ਅਗਨੀਹੋਤਰੀ ਨੂੰ ਵੀ ਫੋਨ ‘ਤੇ ਘਟਨਾ ਦੀ ਜਾਣਕਾਰੀ ਦਿੱਤੀ। ਅਜੈ ਆਪਣੇ ਤਿੰਨ ਹੋਰ ਦੋਸਤਾਂ ਨਾਲ ਸਕੂਲ ਪਹੁੰਚਿਆ ਅਤੇ ਪ੍ਰਿੰਸੀਪਲ ਦੇ ਦਫਤਰ ਦੇ ਬਾਹਰ ਖੜ੍ਹੀ ਮਹਿਲਾ ਕਰਮਚਾਰੀ ਨੂੰ ਧੱਕਾ ਦੇ ਕੇ ਅੰਦਰ ਦਾਖਲ ਹੋ ਗਿਆ ਅਤੇ ਸਾਹਮਣੇ ਬੈਠੇ ਟੀਚਰ ਆਕਾਸ਼ ਨੂੰ ਬੁਰੀ ਤਰ੍ਹਾਂ ਕੁੱਟਿਆ, ਜਿਸ ਨਾਲ ਆਕਾਸ਼ ਦੀ ਗਰਦਨ, ਪੇਟ ਅਤੇ ਗੁਪਤ ਅੰਗਾਂ ‘ਤੇ ਸੱਟਾਂ ਲੱਗੀਆਂ। ਇਸ ਦੇ ਨਾਲ ਹੀ ਮਹਿਲਾ ਕਰਮਚਾਰੀ ਦੇ ਹੱਥ ਅਤੇ ਸਿਰ ‘ਤੇ ਸੱਟਾਂ ਲੱਗੀਆਂ ਹਨ।

ਅਧਿਆਪਕ ਆਕਾਸ਼ ਯਾਦਵ ਨੇ ਦੱਸਿਆ, ਈਸ਼ਾਨ ਪਿਛਲੇ 4-5 ਦਿਨਾਂ ਤੋਂ ਗਣਿਤ ਦਾ ਕੰਮ ਪੂਰਾ ਨਹੀਂ ਕਰ ਰਿਹਾ ਸੀ। ਇਸ ਸਬੰਧੀ ਉਸ ਨੂੰ ਵਾਰ-ਵਾਰ ਟੋਕਿਆ ਜਾ ਰਿਹਾ ਸੀ। ਘਟਨਾ ਵਾਲੇ ਦਿਨ ਮੈਂ ਉਸ ਨੂੰ ਕਲਾਸ ਵਿਚ ਬੈਠਕਾਂ ਕੱਢਣ ਲਈ ਕਿਹਾ ਅਤੇ ਫਿਰ ਮੈਂ ਪੜ੍ਹਾਉਣਾ ਸ਼ੁਰੂ ਕਰ ਦਿੱਤਾ। ਇਸ ਦੌਰਾਨ ਬੱਚਾ ਬੈਠਕਾਂ ਕੱਢਦਾ ਰਿਹਾ। ਜਿਵੇਂ ਹੀ ਮੈਂ ਵੇਖਿਆ ਮੈਂ ਤੁਰੰਤ ਉਸ ਨੂੰ ਆਪਣੀ ਸੀਟ ‘ਤੇ ਬੈਠਣ ਲਈ ਭੇਜ ਦਿੱਤਾ। ਇਹ ਪੂਰੀ ਘਟਨਾ ਸੀਸੀਟੀਵੀ ਵਿੱਚ ਵੀ ਦੇਖੀ ਜਾ ਸਕਦੀ ਹੈ।

ਇਹ ਵੀ ਪੜ੍ਹੋ : ਇਨਸਾਨੀਅਤ ਸ਼ਮਰਸਾਰ! 3,000 ਪਿੱਛੇ ਸਬਜ਼ੀਵਾਲੇ ਨੂੰ ਅਲਫ਼ ਨੰਗਾ ਕਰ ਮੰਡੀ ‘ਚ ਘੁਮਾਇਆ

ਅਧਿਆਪਕ ਨੇ ਕਿਹਾ, ਮੈਨੂੰ ਬੱਚੇ ਦੀ ਬੀਮਾਰੀ ਬਾਰੇ ਕੁਝ ਨਹੀਂ ਪਤਾ ਸੀ। ਘਟਨਾ ਤੋਂ ਬਾਅਦ ਪਤਾ ਲੱਗਾ ਕਿ ਬੱਚਾ ਮਾਸ-ਪੇਸ਼ੀਆਂ ਨਾਲ ਸਬੰਧਤ ਕਿਸੇ ਬਿਮਾਰੀ ਤੋਂ ਪੀੜਤ ਸੀ, ਕਿਉਂਕਿ ਮੈਂ 9 ਮਹੀਨੇ ਪਹਿਲਾਂ ਹੀ ਸਕੂਲ ਵਿਚ ਆਇਆ ਸੀ। ਇਸ ਤੋਂ ਪਹਿਲਾਂ ਮੈਂ ਕਦੇ ਵੀ ਬੱਚਿਆਂ ਨੂੰ ਹੋਮਵਰਕ ਨਾ ਕਰਨ ਦੀ ਸਜ਼ਾ ਨਹੀਂ ਦਿੱਤੀ। ਕੁਝ ਨਹੀਂ ਕਿਹਾ ਪਰ ਜਦੋਂ ਬੱਚਾ ਲਗਾਤਾਰ ਲਾਪਰਵਾਹ ਹੋ ਰਿਹਾ ਸੀ, ਇਸ ‘ਤੇ ਮੈਂ ਸਜ਼ਾ ਦਿੱਤੀ।

ਵੀਡੀਓ ਲਈ ਕਲਿੱਕ ਕਰੋ -:

“ਹਿੱਟ ਗਾਣਿਆਂ ਦੀ ਝੜੀ ਲਾਉਣ ਵਾਲਾ ਪੰਜਾਬੀ ਗਾਇਕ ਦੇਖੋ ਕਿਉਂ ਬੈਠ ਗਿਆ ਚੁੱਪ ਹੋ ਕੇ ! ਮਿਊਜ਼ਿਕ ਇੰਡਸਟਰੀ ਦੀਆਂ ਖੋਲ੍ਹ…

The post ਹੋਮਵਰਕ ਨਾ ਕਰਨ ‘ਤੇ ਬੱਚੇ ਨੂੰ ਦਿੱਤੀ ਸਜ਼ਾ ਤਾਂ ਪਿਓ ਆ ਧਮਕਿਆ ਸਕੂਲ, ਪ੍ਰਿੰਸੀਪਲ ਸਾਹਮਣੇ ਕੁੱਟਿਆ ਟੀਚਰ appeared first on Daily Post Punjabi.