ਪਿੰਡ ਬਹਾਦਰਪੁਰ ਵਾਸੀ ਅਰਵਿੰਦਰ ਕੌਰ ਨੇ ਦੱਸਿਆ ਕਿ ਉਹ ਦੁਪਹਿਰ ਕਰੀਬ 12 ਵਜੇ ਤਿੱਬੜੀ ਰੋਡ ਸਥਿਤ ਸਟੇਟ ਬੈਂਕ ਆਫ਼ ਇੰਡੀਆ ਵਿੱਚ ਖਾਤਾ ਖੋਲ੍ਹਣ ਆਈ ਸੀ। ਇਸ ਦੌਰਾਨ ਉਸ ਦਾ ਪਰਸ ਬਾਹਰ ਸੜਕ ‘ਤੇ ਡਿੱਗ ਪਿਆ, ਜਿਸ ‘ਚ 35 ਹਜ਼ਾਰ ਰੁਪਏ ਸਨ। ਇਸ ਤੋਂ ਇਲਾਵਾ ਕੁਝ ਕਾਰਡ ਵੀ ਸਨ। ਪਿੰਡ ਜਾ ਕੇ ਜਦੋਂ ਉਸ ਨੂੰ ਪਤਾ ਲੱਗਾ ਤਾਂ ਕੁਝ ਦੇਰ ਬਾਅਦ ਵਾਪਸ ਆ ਕੇ ਆਸ-ਪਾਸ ਦੇ ਦੁਕਾਨਦਾਰਾਂ ਤੋਂ ਪਰਸ ਬਾਰੇ ਪੁੱਛਗਿੱਛ ਕੀਤੀ। ਉਨ੍ਹਾਂ ਬੈਂਕਾਂ ਅਤੇ ਦੁਕਾਨਾਂ ਦੇ ਬਾਹਰ ਲੱਗੇ ਸੀਸੀਟੀਵੀ ਵੀ ਚੈੱਕ ਕੀਤੇ।

ਇਸ ਦੌਰਾਨ ਇਕ ਵਿਅਕਤੀ ਆਇਆ ਅਤੇ ਉਸ ਦਾ ਪਰਸ ਵਾਪਸ ਕਰ ਦਿੱਤਾ, ਜਿਸ ਵਿਚ ਸਾਰੇ ਪੈਸੇ ਅਤੇ ਕਾਰਡ ਆਦਿ ਸਨ। ਮਹਿਲਾ ਨੇ ਸੁਰੱਖਿਆ ਗਾਰਡ ਨੂੰ ਧੰਨਵਾਦ ਕੀਤਾ। ਦੂਜੇ ਪਾਸੇ ਪਰਸ ਵਾਪਸ ਕਰਨ ਵਾਲੇ ਪਰਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਤਿੱਬੜੀ ਰੋਡ ’ਤੇ ਇੱਕ ਉਸਾਰੀ ਅਧੀਨ ਇਮਾਰਤ ਵਿੱਚ ਸੁਰੱਖਿਆ ਗਾਰਡ ਵਜੋਂ ਕੰਮ ਕਰਦਾ ਹੈ ਅਤੇ ਉਸ ਨੂੰ ਪਰਸ ਸੜਕ ਕਿਨਾਰੇ ਪਿਆ ਮਿਲਿਆ। ਉਸ ਨੇ ਕੁਝ ਲੋਕਾਂ ਤੋਂ ਪਰਸ ਬਾਰੇ ਪੁੱਛਗਿੱਛ ਕੀਤੀ, ਪਰ ਕਿਸੇ ਨੇ ਕੁਝ ਨਹੀਂ ਦੱਸਿਆ।

ਇਹ ਵੀ ਪੜ੍ਹੋ : ਕੈਨੇਡਾ ‘ਚ ਪੰਜਾਬੀ ਨੌਜਵਾਨ ਦੀ ਹਾਰਟ ਅਟੈਕ ਕਾਰਨ ਮੌ.ਤ, 3 ਸਾਲ ਪਹਿਲਾਂ ਗਿਆ ਸੀ ਵਿਦੇਸ਼

ਉਸ ਨੇ ਦੱਸਿਆ ਕਿ ਪਰਸ ਵਿੱਚ 500 ਰੁਪਏ ਦੇ ਕਈ ਨੋਟ ਅਤੇ ਕੁਝ ਕਾਰਡ ਸਨ। 3-4 ਘੰਟੇ ਬਾਅਦ ਜਦੋਂ ਉਸ ਨੇ ਇੱਕ ਦੁਕਾਨ ਦੇ ਕੋਲ ਭੀੜ ਅਤੇ ਪੁਲਿਸ ਮੁਲਾਜ਼ਮਾਂ ਨੂੰ ਇਕੱਠਾ ਦੇਖਿਆ ਤਾਂ ਉਹ ਉੱਥੇ ਆ ਗਿਆ। ਉਥੇ ਔਰਤ ਪਰਸ ਦੀ ਤਲਾਸ਼ ਕਰ ਰਹੀ ਸੀ। ਉਸ ਨੇ ਉਸ ਦਾ ਪਰਸ ਔਰਤ ਨੂੰ ਵਾਪਸ ਕਰ ਦਿੱਤਾ, ਜਿਸ ਨਾਲ ਉਸ ਨੂੰ ਬਹੁਤ ਖ਼ੁਸ਼ੀ ਹੋਈ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “

The post ਇਮਾਨਦਾਰੀ ਦੀ ਮਿਸਾਲ! ਸੁਰੱਖਿਆ ਗਾਰਡ ਨੇ ਸੜਕ ਤੇ ਡਿੱਗਿਆ 35 ਹਜ਼ਾਰ ਦੀ ਨਗਦੀ ਭਰਿਆ ਪਰਸ ਕੀਤਾ ਵਾਪਸ appeared first on Daily Post Punjabi.