ਆਈਕੋਨਿਕ ਸਾਈਲੈਂਟ ਬਟਨ ਨੂੰ ਆਈਫੋਨ 15 ਪ੍ਰੋ ਦੇ ਦੋਵਾਂ ਮਾਡਲਾਂ ਨਾਲ ਹਟਾ ਦਿੱਤਾ ਗਿਆ ਹੈ। ਇਸ ਦੀ ਥਾਂ ‘ਤੇ ਨਵਾਂ ਐਕਸ਼ਨ ਬਟਨ ਦਿੱਤਾ ਗਿਆ ਹੈ। ਨਵੇਂ ਐਕਸ਼ਨ ਬਟਨ ਦੀ ਮਦਦ ਨਾਲ ਫੋਨ ਨੂੰ ਸਾਈਲੈਂਸ ਕਰਨ ਤੋਂ ਇਲਾਵਾ ਫਲਾਈਟ ਮੋਡ ਵਰਗੇ ਕਈ ਹੋਰ ਕੰਮ ਕੀਤੇ ਜਾ ਸਕਦੇ ਹਨ।

ਨਵੇਂ ਆਈਫੋਨ ਦੇ ਨਾਲ ਟਾਈਪ-ਸੀ ਪੋਰਟ ਦਿੱਤਾ ਗਿਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਐਪਲ ਨੇ ਆਪਣੇ ਕਿਸੇ ਵੀ ਆਈਫੋਨ ਨੂੰ ਟਾਈਪ-ਸੀ ਪੋਰਟ ਨਾਲ ਪੇਸ਼ ਕੀਤਾ ਹੈ। ਪਹਿਲਾਂ ਕੰਪਨੀ ਚਾਰਜਿੰਗ ਲਈ ਲਾਈਟਨਿੰਗ ਪੋਰਟ ਦੀ ਵਰਤੋਂ ਕਰਦੀ ਸੀ। ਲੇਟੈਸਟ ਆਈਫੋਨ ਨਾਲ ਕੰਪਨੀ ਦਾ ਇਹ ਸਭ ਤੋਂ ਵੱਡਾ ਬਦਲਾਅ ਹੈ।

ਕੰਪਨੀ ਨੇ iPhone 15 ਸੀਰੀਜ਼ ਦੇ ਪ੍ਰੋ ਵੇਰੀਐਂਟ ਦੇ ਨਾਲ ਨਵਾਂ A17 ਬਾਇਓਨਿਕ ਚਿੱਪਸੈੱਟ ਦਿੱਤਾ ਹੈ। ਜਦੋਂ ਕਿ ਬੇਸ ਵੇਰੀਐਂਟ iPhone ਨੂੰ ਪੁਰਾਣੇ A16 ਬਾਇਓਨਿਕ ਚਿੱਪਸੈੱਟ ਨਾਲ ਲੈਸ ਕੀਤਾ ਗਿਆ ਹੈ। ਇਹ ਪ੍ਰੋਸੈਸਰ iPhone 15 ਅਤੇ iPhone 15 Plus ਵਿੱਚ ਮਿਲਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਪ੍ਰੋਸੈਸਰ ਨਾਲ ਪਿਛਲੇ ਸਾਲ ਆਈਫੋਨ 14 ਸੀਰੀਜ਼ ਦੇ ਦੋ ਮਾਡਲ ਪੇਸ਼ ਕੀਤੇ ਗਏ ਸਨ।

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .

ਕੰਪਨੀ ਨੇ iPhone 15 Pro ਵੇਰੀਐਂਟ ਦੇ ਨਾਲ ਟਾਈਟੇਨੀਅਮ ਡਿਜ਼ਾਈਨ ਦਿੱਤਾ ਹੈ। ਐਪਲ ਮੁਤਾਬਕ, ਨਵੇਂ ਆਈਫੋਨ ਦੇ ਪ੍ਰੋ ਮਾਡਲ ‘ਚ ਵਰਤੇ ਗਏ ਟਾਈਟੇਨੀਅਮ ਗ੍ਰੇਡ ਦੀ ਹੀ ਵਰਤੋਂ ਨਾਸਾ ਦੇ ਮਾਰਸ ਰੋਵਰ ‘ਚ ਕੀਤੀ ਗਈ ਹੈ। ਆਈਫੋਨ 15 ਪ੍ਰੋ ਹੁਣ ਤੱਕ ਦਾ ਸਭ ਤੋਂ ਹਲਕਾ ਪ੍ਰੋ ਮਾਡਲ ਹੋਵੇਗਾ। ਆਈਫੋਨ 15 ਪ੍ਰੋ ਵਿੱਚ 6.1-ਇੰਚ ਦੀ ਡਿਸਪਲੇਅ ਹੈ ਅਤੇ ਆਈਫੋਨ 15 ਪ੍ਰੋ ਮੈਕਸ ਵਿੱਚ 6.7-ਇੰਚ ਦੀ ਡਿਸਪਲੇਅ ਹੈ।