ਅਜੈ ਦੇਵਗਨ ਅਤੇ ਆਰ ਮਾਧਵਨ ਦੀ ਫਿਲਮ ਨੇ ਪਹਿਲੇ ਦਿਨ ਦੁਨੀਆ ਭਰ ਦੇ ਬਾਕਸ ਆਫਿਸ ‘ਤੇ 22.5 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਦੂਜੇ ਦਿਨ ਵੀ ਫਿਲਮ ਨੇ ਦੁਨੀਆ ਭਰ ‘ਚ ਕਾਫੀ ਧੂਮ ਮਚਾਈ ਹੋਈ ਹੈ।  ਰਿਪੋਰਟ ਮੁਤਾਬਕ ‘ਸ਼ੈਤਾਨ’ ਨੇ ਦੂਜੇ ਦਿਨ 25.4 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਇਸ ਦੇ ਨਾਲ ਹੀ ਫਿਲਮ ਨੇ ਦੋ ਦਿਨਾਂ ‘ਚ ਕੁੱਲ 47.90 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਰਿਪੋਰਟਾਂ ਮੁਤਾਬਕ ‘ਸ਼ੈਤਾਨ’ ਦਾ ਬਜਟ 60 ਤੋਂ 65 ਕਰੋੜ ਰੁਪਏ ਹੈ। ਬਾਕਸ ਆਫਿਸ ‘ਤੇ ਫਿਲਮ ਦੀ ਰਫਤਾਰ ਨੂੰ ਦੇਖਦੇ ਹੋਏ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਫਿਲਮ ਸੰਡੇ ਕਲੈਕਸ਼ਨ ਦੇ ਨਾਲ ਆਪਣੀ ਕੀਮਤ ਨੂੰ ਠੀਕ ਕਰ ਲਵੇਗੀ। ਫਿਲਮ ਨੂੰ ਘਰੇਲੂ ਬਾਕਸ ਆਫਿਸ ‘ਤੇ ਵੀ ਕਾਫੀ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ ਅਤੇ ਇਕੱਲੇ ਭਾਰਤ ‘ਚ ਹੀ ਫਿਲਮ ਨੇ 33.5 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ‘

ਫਿਲਮ ਦੀ ਕਹਾਣੀ ਗੁਜਰਾਤੀ ਫਿਲਮ ‘ਵਸ਼’ ‘ਤੇ ਆਧਾਰਿਤ ਹੈ। ਫਿਲਮ ਇੱਕ ਡਰਾਉਣੀ-ਸਸਪੈਂਸ ਹੈ ਜਿਸ ਵਿੱਚ ਆਰ ਮਾਧਵਨ, ‘ਸ਼ੈਤਾਨ’ ਦੇ ਰੂਪ ਵਿੱਚ, ਅਜੇ ਦੇਵਗਨ ਦੀ ਬੇਟੀ ਨੂੰ ਫੜ ਕੇ ਡਰਾ ਰਿਹਾ ਹੈ। ਫਿਲਮ ‘ਚ ਅਜੈ ਅਤੇ ਮਾਧਵਨਤੋਂ ਇਲਾਵਾ ਜਾਨਕੀ ਬੋਦੀਵਾਲਾ ਅਤੇ ਜੋਤਿਕਾ ਮੁੱਖ ਭੂਮਿਕਾਵਾਂ ‘ਚ ਹਨ। ਅਜੈ ਦੇਵਗਨ ਦੀਆਂ ਕਈ ਫਿਲਮਾਂ ਹਨ ਜੋ ਇਸ ਸਾਲ ਰਿਲੀਜ਼ ਹੋਣ ਲਈ ਤਿਆਰ ਹਨ। ਇਸ ਲਿਸਟ ‘ਚ ‘ਮੈਦਾਨ’, ‘ਰੇਡ 2’, ‘ਔਰੋਂ ਮੈਂ ਕਹਾਂ ਦਮ ਥਾ’ ਅਤੇ ‘ਸਿੰਘਮ ਅਗੇਨ’ ਸ਼ਾਮਲ ਹਨ।

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .