ਸ਼ੰਕਰਾਚਾਰੀਆ ਸਵਰੂਪਾਨੰਦ ਸਰਸਵਤੀ ਨੇ ਕਿਹਾ ਕਿ ਅਸੀਂ ਰਾਮ ਭਗਤ ਹਾਂ, ਰਾਮ ਮੰਦਰ ਕੋਈ ਵੀ ਬਣਾਵੇ ਸਾਨੂੰ ਖੁਸ਼ੀ ਹੋਵੇਗੀ, ਪਰ ਉਸ ਲਈ ਢੁੱਕਵੀਂ ਤਾਰੀਖ ਅਤੇ ਸ਼ੁਭ ਸਮਾਂ ਹੋਣਾ ਚਾਹੀਦਾ ਹੈ। ਨਾਲ ਹੀ ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਲੋਕਾਂ ਦੇ ਪੈਸੇ ਨਾਲ ਮੰਦਰ ਦਾ ਨਿਰਮਾਣ ਹੋ ਰਿਹਾ ਹੈ ਤਾਂ ਉਨ੍ਹਾਂ ਦੀ ਰਾਏ ਵੀ ਮੰਗੀ ਜਾਣੀ ਚਾਹੀਦੀ ਹੈ।

ਦਰਅਸਲ, ਸ਼੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਦੇ ਪ੍ਰਧਾਨ ਮਹੰਤ ਨ੍ਰਿਤਿਆ ਗੋਪਾਲ ਦਾਸ ਦੇ ਉੱਤਰਾਧਿਕਾਰੀ ਮਹੰਤ ਕਮਲ ਨਯਨ ਦਾਸ ਨੇ ਦੱਸਿਆ ਕਿ ਭਗਵਾਨ ਰਾਮ ਦੇ ਮੰਦਰ ਦਾ ਭੂਮੀ ਪੂਜਨ ਦਾ ਪ੍ਰੋਗਰਾਮ 3 ਦਿਨਾਂ ਤੱਕ ਚੱਲੇਗਾ। ਸ਼੍ਰੀ ਰਾਮ ਮੰਦਰ ਦੇ ਭੂਮੀ ਪੂਜਨ ਦਾ ਪ੍ਰੋਗਰਾਮ 3 ਅਗਸਤ ਤੋਂ ਸ਼ੁਰੂ ਹੋਵੇਗਾ । ਜਿੱਥੇ 3 ਅਗਸਤ ਨੂੰ ਪਹਿਲੇ ਦਿਨ ਗਣੇਸ਼ ਪੂਜਾ ਹੋਵੇਗੀ।  ਜਿਸ ਤੋਂ ਬਾਅਦ 4 ਅਗਸਤ ਨੂੰ ਰਾਮਚਰਨ ਅਤੇ 5 ਅਗਸਤ ਨੂੰ 12: 15 ਵਜੇ ਪ੍ਰਧਾਨ ਮੰਤਰੀ ਰਾਮ ਮੰਦਰ ਦਾ ਨੀਂਹ ਪੱਥਰ ਰੱਖਣਗੇ । ਇਸ ਦੌਰਾਨ ਕਾਸ਼ੀ, ਪ੍ਰਯਾਗਰਾਜ ਅਤੇ ਅਯੁੱਧਿਆ ਦੇ ਵੈਦਿਕ ਵਿਦਵਾਨ ਅਤੇ ਅਚਾਰੀਆ ਪੰਡਿਤ ਵੱਲੋਂ ਰਾਮਲਲਾ ਦੇ ਮੰਦਰ ਦਾ ਭੂਮੀ ਪੂਜਨ ਕੀਤਾ ਜਾਵੇਗਾ।

ਜ਼ਿਕਰਯੋਗ ਹੈ ਕਿ ਟਰੱਸਟ ਦਾ ਗਠਨ 9 ਨਵੰਬਰ ਨੂੰ ਅਯੁੱਧਿਆ ਵਿਵਾਦ ਬਾਰੇ ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਬਾਅਦ ਹੋਇਆ ਸੀ ਅਤੇ ਟਰੱਸਟ ਨੇ ਰਾਮ ਜਨਮ ਭੂਮੀ ਦੇ ਅਹਾਤੇ ਵਿਚ ਰਾਮ ਮੰਦਰ ਦੀ ਉਸਾਰੀ ਦੀਆਂ ਤਿਆਰੀਆਂ ਤੇਜ਼ ਕਰ ਦਿੱਤੀਆਂ ਸਨ। ਇਸੇ ਕੜੀ ਵਿੱਚ 25 ਮਾਰਚ ਨੂੰ ਰਾਮਲਲਾ ਨੂੰ ਅਸਥਾਈ ਮੰਦਰ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਸੀ। ਬਿਰਾਜਮਾਨ ਰਾਮਲਲਾ ਨੂੰ ਤਬਦੀਲ ਕਰਨ ਤੋਂ ਬਾਅਦ ਜ਼ਮੀਨ ਦਾ ਪੱਧਰ ਨਿਰਮਾਣ ਮੁਕੰਮਲ ਹੋ ਗਿਆ ਹੈ। ਪ੍ਰਮਾਤਮਾ ਦਾ ਗਰਭ ਗ੍ਰਹਿ 2.77 ਏਕੜ ਦੇ ਅੰਦਰ ਰਹੇਗਾ, ਜਿਸ ਵਿੱਚ ਕਾਸ਼ੀ ਵਿਦਵਾਨ ਅਤੇ ਅਯੁੱਧਿਆ ਦੇ ਪੁਜਾਰੀ ਪੂਰੇ ਵੈਦਿਕ ਰਿਵਾਜਾਂ ਨਾਲ ਪ੍ਰਧਾਨ ਮੰਤਰੀ ਤੋਂ ਭੂਮੀ ਪੂਜਨ ਕਰਵਾਉਣਗੇ ।

The post ਸ਼ੰਕਰਾਚਾਰੀਆ ਸਵਰੂਪਾਨੰਦ ਸਰਸਵਤੀ ਨੇ ਰਾਮ ਮੰਦਰ ਦੇ ਮਹੂਰਤ ‘ਤੇ ਖੜ੍ਹੇ ਕੀਤੇ ਸਵਾਲ, ਦੱਸਿਆ ਅਸ਼ੁੱਭ ਘੜੀ appeared first on Daily Post Punjabi.