ਪੌਪ ਗਾਇਕਾ ਰਿਹਾਨਾ ਅਤੇ ਵਾਤਾਵਰਣ ਵਰਕਰ ਗ੍ਰੇਟਾ ਥਨਬਰਗ ਵਰਗੀਆਂ ਗਲੋਬਲ ਮਸ਼ਹੂਰ ਹਸਤੀਆਂ, ਜਿਨ੍ਹਾਂ ਨੇ ਕਿਸਾਨ ਅੰਦੋਲਨ ਦਾ ਸਮਰਥਨ ਕੀਤਾ ਹੈ, ਉੱਤੇ ਭਾਰਤ ਨੇ ਸਖਤ ਪ੍ਰਤੀਕ੍ਰਿਆ ਦਿੱਤੀ ਹੈ। ਬਾਲੀਵੁੱਡ ਦੇ ਕਈ ਅਦਾਕਾਰਾਂ, ਕ੍ਰਿਕਟਰਾਂ ਅਤੇ ਕੇਂਦਰੀ ਮੰਤਰੀਆਂ ਨੇ ਸਰਕਾਰ ਦੇ ਇਸ ਰੁਖ ਦਾ ਸਮਰਥਨ ਕੀਤਾ ਹੈ। ਪਰ ਇਸ ਤੋਂ ਬਾਅਦ ਥਰੂਰ ਨੇ ਟਵੀਟ ਕੀਤਾ, “ਭਾਰਤ ਸਰਕਾਰ ਲਈ ਇਹ ਸ਼ਰਮਨਾਕ ਹੈ ਕਿ ਭਾਰਤੀ ਮਸ਼ਹੂਰ ਹਸਤੀਆਂ ਤੋਂ ਪੱਛਮੀ ਮਸ਼ਹੂਰ ਹਸਤੀਆਂ ‘ਤੇ ਪਲਟਵਾਰ ਕਰਵਾਉਣਾ ਪੈ ਰਿਹਾ ਹੈ। ਭਾਰਤ ਸਰਕਾਰ ਦੇ ਕਠੋਰ ਅਤੇ ਅਣਸੁਖਾਵੇਂ ਵਿਵਹਾਰ ਨਾਲ ਭਾਰਤ ਦੇ ਗਲੋਬਲ ਅਕਸ ਨੂੰ ਹੋਏ ਨੁਕਸਾਨ ਦੀ ਭਰਪਾਈ ਕ੍ਰਿਕਟਰਾਂ ਦੇ ਟਵੀਟ ਨਾਲ ਨਹੀਂ ਕੀਤੀ ਜਾ ਸਕਦੀ।” ਸਾਬਕਾ ਕ੍ਰਿਕਟਰ ਸਚਿਨ ਤੇਂਦੁਲਕਰ, ਅਨਿਲ ਕੁੰਬਲੇ ਅਤੇ ਰਵੀ ਸ਼ਾਸਤਰੀ ਨੇ ” ਇੰਡੀਆ ਟੂਗੇਦਰ” (ਭਾਰਤ ਇਕਜੁੱਟ ਹੈ) ਅਤੇ ”ਇੰਡੀਆ ਅਗੇਂਸਟ ਪ੍ਰਪੇਗਾਂਡਾ” ਹੈਸ਼ ਟੈਗ ਨਾਲ ਟਵੀਟ ਕੀਤਾ ਹੈ। ਇਸ ਤੋਂ ਬਾਅਦ ਥਰੂਰ ਨੇ ਇਹ ਟਿੱਪਣੀ ਕੀਤੀ ਹੈ। ਸਾਬਕਾ ਵਿਦੇਸ਼ ਰਾਜ ਮੰਤਰੀ ਥਰੂਰ ਨੇ ਕਿਹਾ, “ਕਾਨੂੰਨ ਵਾਪਿਸ ਲਓ ਅਤੇ ਕਿਸਾਨਾਂ ਨਾਲ ਹੱਲ ਬਾਰੇ ਵਿਚਾਰ ਵਟਾਂਦਰੇ ਕਰੋ ਅਤੇ ਤੁਸੀ ”ਇੰਡੀਆ ਟੂਗੇਦਰ ਪਾਉਗੇ।”

ਇਹ ਵੀ ਦੇਖੋ : ਕਿਸਾਨਾਂ ਲਈ ਦਿੱਲੀ ਚੱਲੇ ਵਿਰੋਧੀ ਧਿਰ ਦੇ ਸਾਂਸਦ ਗਾਜ਼ੀਪੁਰ ‘ਚ ਰੋਕੇ ਪੁਲਿਸ ਨੇ,ਭੜਕੀ ਹਰਸਿਮਰਤ ਬਾਦਲ LIVE !…

The post ਮੋਦੀ ਸਰਕਾਰ ‘ਤੇ ਥਰੂਰ ਦਾ ਵਾਰ, ਕਿਹਾ- ਦੇਸ਼ ਦੇ ਅਕਸ ਨੂੰ ਹੋਇਆ ਨੁਕਸਾਨ ਕ੍ਰਿਕਟਰਾਂ ਦੇ ਟਵੀਟ ਨਾਲ ਨਹੀਂ ਹੋਵੇਗਾ ਸਹੀ, ਕਾਨੂੰਨ ਰੱਦ ਕਰੋ… appeared first on Daily Post Punjabi.