ਦਿੱਲੀ ਕੈਪਿਟਲਸ ਵੱਲੋਂ ਧਵਨ ਤੋਂ ਇਲਾਵਾ ਕੋਈ ਹੋਰ ਬੱਲੇਬਾਜ਼ ਕੁਝ ਖਾਸ ਨਹੀਂ ਕਰ ਸਕਿਆ । ਸ਼੍ਰੇਅਸ ਅਈਅਰ ਅਤੇ ਰਿਸ਼ਭ ਪੰਤ ਨੇ 14-14 ਦੌੜਾਂ ਬਣਾਈਆਂ । ਧਵਨ ਨੇ 61 ਗੇਂਦਾਂ ‘ਤੇ 12 ਚੌਕਿਆਂ ਅਤੇ ਤਿੰਨ ਛੱਕਿਆਂ ਦੀ ਮਦਦ ਨਾਲ 106 ਦੌੜਾਂ ਬਣਾਈਆਂ । ਇਸ ਪਾਰੀ ਦੇ ਨਾਲ ਧਵਨ ਨੇ ਆਈਪੀਐਲ ਵਿੱਚ 5000 ਦੌੜਾਂ ਦਾ ਅੰਕੜਾ ਵੀ ਪਾਰ ਕਰ ਲਿਆ । ਆਈਪੀਐਲ ਵਿੱਚ 5000+ ਦੌੜਾਂ ਬਣਾਉਣ ਵਾਲਾ ਧਵਨ ਪੰਜਵਾਂ ਬੱਲੇਬਾਜ਼ ਹੈ । ਇਸ ਪਾਰੀ ਨਾਲ ਧਵਨ ਇਸ ਸਾਲ ਓਰੇਂਜ ਕੈਪ ਦੀ ਦੌੜ ਵਿੱਚ ਦੂਜੇ ਨੰਬਰ ‘ਤੇ ਪਹੁੰਚ ਗਿਆ ਹੈ । ਧਵਨ ਨੇ ਹੁਣ 10 ਮੈਚਾਂ ਵਿੱਚ 66.42 ਦੀ ਔਸਤ ਨਾਲ 465 ਦੌੜਾਂ ਬਣਾਈਆਂ ਹਨ ।

ਦੱਸ ਦੇਈਏ ਕਿ ਧਵਨ ਆਈਪੀਐਲ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦੇ ਮਾਮਲੇ ਵਿੱਚ ਚੌਥੇ ਨੰਬਰ ‘ਤੇ ਪਹੁੰਚ ਗਿਆ ਹੈ। ਧਵਨ ਦੇ ਖਾਤੇ ਵਿੱਚ ਹੁਣ 5044 ਦੌੜਾਂ ਹੋ ਗਈਆਂ ਹਨ । ਇਸ ਸੀਜ਼ਨ ਤੋਂ ਪਹਿਲਾਂ ਧਵਨ ਦੇ ਖਾਤੇ ਵਿੱਚ ਕੋਈ ਸੈਂਕੜਾ ਨਹੀਂ ਸੀ ਅਤੇ ਹੁਣ ਉਨ੍ਹਾਂ ਦੇ ਖਾਤੇ ਵਿੱਚ ਦੋ ਸੈਂਕੜੇ ਹੋ ਗਏ ਹਨ । ਧਵਨ ਨੇ 169 ਮੈਚਾਂ ਵਿੱਚ 35.02 ਦੀ ਔਸਤ ਅਤੇ 126.70 ਦੀ ਸਟ੍ਰਾਈਕ ਰੇਟ ਨਾਲ ਬਣਾਇਆ ਹੈ । ਧਵਨ ਨੇ ਆਈਪੀਐਲ ਵਿੱਚ ਸਭ ਤੋਂ ਵੱਧ ਚੌਕੇ ਲਗਾਏ ਹਨ । ਧਵਨ ਨੇ 575 ਚੌਕੇ ਲਗਾਏ ਹਨ, ਉਸ ਤੋਂ ਬਾਅਦ 498 ਚੌਕਿਆਂ ਦੀ ਮਦਦ ਨਾਲ ਦੂਜੇ ਨੰਬਰ ‘ਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਦੇ ਕਪਤਾਨ ਵਿਰਾਟ ਕੋਹਲੀ ਹਨ।

The post IPL 2020: ਸ਼ਿਖਰ ਧਵਨ ਨੇ ਆਈਪੀਐੱਲ ‘ਚ ਰਚਿਆ ਇਤਿਹਾਸ, ਅਜਿਹਾ ਕਰਨ ਵਾਲੇ ਬਣੇ ਪਹਿਲੇ ਬੱਲੇਬਾਜ਼ appeared first on Daily Post Punjabi.