ਦਹੀਂ, ਐਲੋਵੇਰਾ ਅਤੇ ਨਾਰੀਅਲ ਤੇਲ ਦਾ ਮਾਸਕ: ਐਲੋਵੇਰਾ ‘ਚ ਵਿਟਾਮਿਨ-ਈ ਚੰਗੀ ਮਾਤਰਾ ‘ਚ ਪਾਇਆ ਜਾਂਦਾ ਹੈ। ਇਹ ਤੁਹਾਡੇ ਵਾਲਾਂ ਨੂੰ ਨਰਮ ਅਤੇ ਮੁਲਾਇਮ ਬਣਾਉਣ ‘ਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਦਹੀਂ ‘ਚ ਪ੍ਰੋਟੀਨ, ਵਿਟਾਮਿਨ-ਬੀ7 ਅਤੇ ਲੈਕਟਿਕ ਐਸਿਡ ਮੌਜੂਦ ਹੁੰਦਾ ਹੈ। ਇਹ ਤੁਹਾਡੇ ਵਾਲਾਂ ਨੂੰ ਮਜ਼ਬੂਤ ਬਣਾਉਣ ਦੇ ਨਾਲ-ਨਾਲ ਵਧਣ ‘ਚ ਵੀ ਮਦਦ ਕਰਦਾ ਹੈ। ਨਾਰੀਅਲ ਦੇ ਤੇਲ ‘ਚ ਹੈਲਥੀ ਫੈਟ, ਐਂਟੀਫੰਗਲ, ਐਂਟੀਆਕਸੀਡੈਂਟ, ਐਂਟੀਬੈਕਟੀਰੀਅਲ ਅਤੇ ਐਂਟੀਵਾਇਰਲ ਗੁਣ ਹੁੰਦੇ ਹਨ। ਇਹ ਗੁਣ ਤੁਹਾਡੇ ਵਾਲਾਂ ਨੂੰ ਮਜ਼ਬੂਤ ਬਣਾਉਣ ‘ਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਇਹ ਸਕੈਲਪ ‘ਚ ਮੌਜੂਦ ਹਾਨੀਕਾਰਕ ਬੈਕਟੀਰੀਆ, ਐਲਰਜੀ ਅਤੇ ਡੈਂਡਰਫ ਤੋਂ ਛੁਟਕਾਰਾ ਪਾਉਣ ‘ਚ ਵੀ ਮਦਦ ਕਰਦਾ ਹੈ।

ਸਮੱਗਰੀ

• ਐਲੋਵੇਰਾ ਜੈੱਲ – 3 ਚੱਮਚ
• ਦਹੀਂ – 3 ਚੱਮਚ
• ਨਾਰੀਅਲ ਤੇਲ – 2-3 ਚੱਮਚ

ਕਿਵੇਂ ਕਰੀਏ ਵਰਤੋਂ ?

1. ਸਭ ਤੋਂ ਪਹਿਲਾਂ ਇੱਕ ਕੌਲੀ ‘ਚ ਐਲੋਵੇਰਾ ਜੈੱਲ ਪਾਓ।
2. ਫਿਰ ਇਸ ‘ਚ ਦਹੀਂ ਮਿਲਾਓ। ਦਹੀਂ ਨੂੰ ਮਿਲਾਉਣ ਤੋਂ ਬਾਅਦ ਇਸ ‘ਚ ਨਾਰੀਅਲ ਦਾ ਤੇਲ ਮਿਲਾਓ।
3. ਤਿੰਨਾਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਲਾ ਲਓ।
4. ਇਸ ਤੋਂ ਬਾਅਦ ਵਾਲਾਂ ਨੂੰ ਚੰਗੀ ਤਰ੍ਹਾਂ ਗਿੱਲਾ ਕਰੋ।
5. ਗਿੱਲਾ ਕਰਨ ਤੋਂ ਬਾਅਦ ਇਸ ਮਿਸ਼ਰਣ ਨੂੰ ਸਪਾ ਦੀ ਤਰ੍ਹਾਂ ਵਾਲਾਂ ‘ਤੇ ਲਗਾਓ।
6. 30 ਮਿੰਟ ਬਾਅਦ ਵਾਲਾਂ ਨੂੰ ਚੰਗੀ ਤਰ੍ਹਾਂ ਧੋ ਲਓ।

ਮਾਸਕ ਲਗਾਉਣ ਦੇ ਫਾਇਦੇ

ਵਾਲਾਂ ਦਾ ਝੜਨਾ ਹੋਵੇਗਾ ਘੱਟ: ਵਾਲਾਂ ਨੂੰ ਝੜਨ ਤੋਂ ਰੋਕਣ ਲਈ ਨਾਰੀਅਲ ਤੇਲ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਸ ‘ਚ ਹੈਲਥੀ ਫੈਟ, ਫੈਟੀ ਐਸਿਡ, ਐਂਟੀਫੰਗਲ, ਐਂਟੀਆਕਸੀਡੈਂਟ, ਐਂਟੀਬੈਕਟੀਰੀਅਲ ਅਤੇ ਐਂਟੀਵਾਇਰਲ ਗੁਣ ਹੁੰਦੇ ਹਨ। ਇਸ ਨਾਲ ਤੁਹਾਡੀ ਸਕੈਲਪ ‘ਚ ਬਲੱਡ ਸਰਕੂਲੇਸ਼ਨ ਵੀ ਵਧੀਆ ਹੋਵੇਗਾ। ਵਾਲਾਂ ਦੀਆਂ ਜੜ੍ਹਾਂ ਨੂੰ ਪੋਸ਼ਣ ਮਿਲੇਗਾ। ਜੜ੍ਹਾਂ ਮਜ਼ਬੂਤ ਹੋਣਗੀਆਂ ਅਤੇ ਵਾਲਾਂ ਦਾ ਝੜਨਾ ਵੀ ਘੱਟ ਹੋਵੇਗਾ।

ਡੈਂਡਰਫ ਵੀ ਹੋਵੇਗਾ ਦੂਰ: ਵਾਲਾਂ ‘ਚ ਡੈਂਡਰਫ ਵੀ ਇੱਕ ਵੱਡੀ ਸਮੱਸਿਆ ਹੈ। ਨਾਰੀਅਲ ਤੇਲ ਤੁਹਾਡੀ ਸਿਰ ਦੀ ਖੁਜਲੀ ਦੀ ਸਮੱਸਿਆ ਨੂੰ ਵੀ ਘੱਟ ਕਰੇਗਾ। ਇਸ ‘ਚ ਨਮੀ ਦੇਣ ਵਾਲੇ ਗੁਣ ਹਨ ਇਹ ਤੁਹਾਡੀ ਸਕੈਲਪ ਨੂੰ ਨਮੀ ਦਿੰਦਾ ਹੈ। ਇਸ ਤੇਲ ਨੂੰ ਲਗਾਉਣ ਨਾਲ ਡ੍ਰਾਈ ਸਕੈਲਪ ਦੀ ਸਮੱਸਿਆ ਵੀ ਦੂਰ ਹੋ ਜਾਂਦੀ ਹੈ।

ਗ੍ਰੋਥ ਨੂੰ ਮਿਲੇਗਾ ਵਧਾਵਾ: ਨਾਰੀਅਲ ਤੇਲ, ਐਲੋਵੇਰਾ ਜੈੱਲ ਵੀ ਵਾਲਾਂ ਦੇ ਵਾਧੇ ‘ਚ ਬਹੁਤ ਫਾਇਦੇਮੰਦ ਹੈ। ਇਹ ਤੁਹਾਡੇ ਵਾਲਾਂ ਦੇ ਵਾਧੇ ‘ਚ ਵੀ ਮਦਦ ਕਰਦਾ ਹੈ। ਇਸ ਦੀ ਨਿਯਮਤ ਵਰਤੋਂ ਕਰਨ ਨਾਲ ਵਾਲਾਂ ਦਾ ਵਿਕਾਸ ਵੀ ਹੋਵੇਗਾ।

The post ਸਿਰਫ਼ ਇਹ 3 ਚੀਜ਼ਾਂ ਨਾਲ ਵਾਲਾਂ ‘ਚ ਆਵੇਗੀ ਸ਼ਾਇਨ, ਨਹੀਂ ਪਵੇਗੀ Hair Spa ਦੀ ਜ਼ਰੂਰਤ appeared first on Daily Post Punjabi.