ਸੰਪਾਦਕੀ ਵਿੱਚ ਪੀਐਮ ਮੋਦੀ ‘ਤੇ ਵੀ ਨਿਸ਼ਾਨਾ ਸਾਧਿਆ ਗਿਆ ਹੈ। ਸੰਪਾਦਕੀ ਵਿੱਚ ਲਿਖਿਆ ਗਿਆ ਹੈ ਕਿ ਪ੍ਰਧਾਨ ਮੰਤਰੀ ਦੇ ਸੰਬੋਧਨ ਵਿੱਚ ਪਾਕਿਸਤਾਨ ਦਾ ਜ਼ਿਕਰ ਹੁੰਦਾ ਹੈ। ਪਰ ਉਨ੍ਹਾਂ ਦੇ ਸੰਬੋਧਨ ਵਿੱਚ ਚੀਨ ਦਾ ਕਦੇ ਜ਼ਿਕਰ ਨਹੀਂ ਹੁੰਦਾ। ਤੰਜ ਕਸਦਿਆਂ ਸੰਪਾਦਕੀ ਵਿੱਚ ਅੱਗੇ ਲਿਖਿਆ ਹੈ ਕਿ ਸਾਰਾ ਹਮਲਾਵਰਰੁੱਖ ਸਿਰਫ ਪਾਕਿਸਤਾਨ ਲਈ ਹੈ। ਸਾਬਕਾ ਮੁੱਖ ਮੰਤਰੀ ਅਤੇ ਵਿਰੋਧੀ ਧਿਰ ਦੇ ਨੇਤਾ ਦੇਵੇਂਦਰ ਫੜਨਵੀਸ ਦੇ ਬਿਆਨ ਦਾ ਜ਼ਿਕਰ ਕਰਦਿਆਂ ਸ਼ਿਵ ਸੈਨਾ ਨੇ ਕਿਹਾ ਹੈ ਕਿ ਉਹ ਬਿਆਨ ਦੇ ਰਹੇ ਹਨ ਕਿ ਇਸ ਚੋਣ ਵਿੱਚ ਬੀਐਮਸੀ ਉੱਤੇ ਭਾਜਪਾ ਦਾ ਭਗਵਾਂ ਝੰਡਾ ਲਹਿਰਾਇਆ ਜਾਵੇਗਾ। ਸੰਪਾਦਕੀ ਵਿੱਚ ਕਿਹਾ ਗਿਆ ਹੈ ਕਿ ਭਾਜਪਾ ਨੂੰ ਚਿੰਤਾ ਕਰਨੀ ਚਾਹੀਦੀ ਹੈ। ਕਸ਼ਮੀਰ ਦੇ ਲਾਲ ਚੌਕ ਵਿਖੇ ਲਾਲ ਝੰਡਾ ਲਹਿਰਾਉਣਾ ਅਜੇ ਵੀ ਗੁਨਾਹ ਹੈ। ਸੰਪਾਦਕੀ ਵਿੱਚ ਇਹ ਵੀ ਲਿਖਿਆ ਗਿਆ ਹੈ ਕਿ ਉਨ੍ਹਾਂ ਨੂੰ ਚਿੰਤਾ ਹੋਣੀ ਚਾਹੀਦੀ ਹੈ ਕਿ ਲਾਲ ਝੰਡਾ ਸਾਡੀਆਂ ਸਰਹੱਦਾਂ ‘ਤੇ ਚੀਨ ਲਹਿਰਾ ਰਿਹਾ ਹੈ, ਇਸ ਨੂੰ ਕਿਵੇਂ ਰੋਕਿਆਂ ਜਾਵੇ। ਉਨ੍ਹਾਂ ਨੂੰ ਚਿੰਤਾ ਕਰਨੀ ਚਾਹੀਦੀ ਹੈ ਕਿ ਕਿਵੇਂ ਸ਼ਹੀਦ ਹੋਣ ਵਾਲੇ ਸੈਨਿਕਾਂ ਦੀ ਗਿਣਤੀ ਘੱਟ ਕੀਤੀ ਜਾਵੇ। ਪਰ ਉਹ ਅਸਲ ਮੁੱਦਿਆਂ ‘ਤੇ ਨਹੀਂ ਬੋਲ ਰਹੇ।

ਇਹ ਵੀ ਦੇਖੋ : ਨਹੀਂ ਰੁੱਕ ਰਿਹਾ ਪੰਜਾਬ ‘ਚ ਖਾਲਿਸਤਾਨ ਦੇ ਨਾਅਰਿਆਂ ਦਾ ਦੌਰ, ਪੁਲਿਸ ਲਈ ਬਣਿਆ ਚਿੰਤਾ ਦਾ ਵਿਸ਼ਾ !

The post ਸ਼ਿਵ ਸੈਨਾ ਦਾ ਭਾਜਪਾ ‘ਤੇ ਵਾਰ, ਪੁੱਛਿਆ- ਚੀਨ ਸਬੰਧੀ ਕੀ ਹੈ ਯੋਜਨਾ? appeared first on Daily Post Punjabi.