ਇਸ ਕਰਾਰੀ ਹਾਰ ਦੇ ਨਾਲ, ਵਿਸ਼ਵ ਕੱਪ ਦੇ ਮੈਚਾਂ ਵਿੱਚ ਪਾਕਿਸਤਾਨ ਦੇ ਖਿਲਾਫ ਕਦੇ ਨਾ ਹਾਰਨ ਦੀ ਭਾਰਤ ਦੀ ਲੜੀ ਵੀ ਟੁੱਟ ਗਈ ਹੈ। ਪਾਕਿਸਤਾਨ ਦੇ ਖਿਲਾਫ ਇਸ ਹਾਰ ਤੋਂ ਭਾਰਤੀ ਪ੍ਰਸ਼ੰਸਕ ਕਾਫੀ ਦੁਖੀ ਹਨ। ਦੁਬਈ ਵਿੱਚ ਹੋਏ ਇਸ ਮੈਚ ਵਿੱਚ ਭਾਰਤ ਦੀ ਕਰਾਰੀ ਹਾਰ ਤੇ ਪਾਕਿਸਤਾਨ ਦਾ ਸ਼ਾਨਦਾਰ ਖੇਡ ਚਰਚਾ ਵਿੱਚ ਹੈ। ਇਸ ਦੇ ਨਾਲ ਹੀ ਇਸ ਮੈਚ ਵਿੱਚ ਨਜ਼ਰ ਆਈ ਸ਼ਾਨਦਾਰ ਖੇਡ ਭਾਵਨਾ ਵੀ ਸਾਰਿਆਂ ਦਾ ਧਿਆਨ ਖਿੱਚ ਰਹੀ ਹੈ।

ਉੱਥੇ ਹੀ ਭਾਰਤ-ਪਾਕਿਸਤਾਨ ਮੈਚ ਤੋਂ ਪਹਿਲਾਂ ਕ੍ਰਿਕਟ ਦੇ ਦਿੱਗਜਾਂ ਦਰਮਿਆਨ ਅਕਸਰ ਫੁਲਕੀ ਨੋਕ ਝੋਕ ਹੁੰਦੀ ਰਹਿੰਦੀ ਹੈ। ਹਰਭਜਨ ਸਿੰਘ ਅਤੇ ਸ਼ੋਏਬ ਅਖਤਰ ਵਿਚਾਲੇ ਕਈ ਵਾਰ ਝਨੋਕ ਝੋਕ ਹੋ ਚੁੱਕੀ ਹੈ। ਮੈਚ ਤੋਂ ਪਹਿਲਾਂ ਭੱਜੀ ਨੇ ਸ਼ੋਏਬ ਅਖਤਰ ਨੂੰ ਸਲਾਹ ਦਿੱਤੀ ਸੀ ਕਿ ਵਿਸ਼ਵ ਕੱਪ ‘ਚ ਪਾਕਿਸਤਾਨੀ ਟੀਮ ਨੂੰ ਭਾਰਤ ਖਿਲਾਫ ਵਾਕਓਵਰ ਕਰਨਾ ਚਾਹੀਦਾ ਹੈ। ਭਾਰਤ ਪਾਕਿਸਤਾਨ ਦੇ ਮੈਚ ਤੋਂ ਬਾਅਦ ਪਾਕਿਸਤਾਨ ਦੀ ਜਿੱਤ ਹੋਈ ਹੈ ਅਤੇ ਇਸ ਮੌਕੇ ਵੀ ਸ਼ੋਏਬ ਅਖ਼ਤਰ ਨੇ ਹਰਭਜਨ ਨੂੰ ਉਨ੍ਹਾਂ ਦੇ ਬਿਆਨ ‘ਤੇ ਟ੍ਰੋਲ ਕਰਨ ਦਾ ਮੌਕਾ ਨਹੀਂ ਛੱਡਿਆ। ਹਰਭਜਨ ਸਿੰਘ ਦੀ ਇਸ ਟਿੱਪਣੀ ‘ਤੇ ਹੁਣ ਸ਼ੋਏਬ ਅਖਤਰ ਨੇ ਉਨ੍ਹਾਂ ‘ਤੇ ਵਿਅੰਗ ਕੱਸਿਆ ਹੈ। ਪਾਕਿਸਤਾਨ ਦੇ ਖਿਲਾਫ ਸ਼ਰਮਨਾਕ ਹਾਰ ਤੋਂ ਬਾਅਦ ਸ਼ੋਏਬ ਅਖਤਰ ਨੇ ਟਵੀਟ ਕਰਕੇ ਪੁੱਛਿਆ ਕਿ ਭੱਜੀ ਨੂੰ ਅਜੇ ਵੀ ਵਾਕਓਵਰ ਦੀ ਲੋੜ ਹੈ? ਸ਼ੋਏਬ ਅਖਤਰ ਨੇ ਕਿਹਾ ਹਾਂ ਭੱਜੀ ਹਰਭਜਨ ਸਿੰਘ ਵਾਕਓਵਰ ਲੈਣਾ ਹੈ? ਨਹੀਂ ਲੈਣਾ? ਅੱਛਾ ਚੱਲੋ, ਕੀ ਕਰ ਸਕਦੇ ਹਾਂ ਯਾਰ, ਆਰਾਮ ਕਰੋ, ਦਿਨ ਦਾ ਅਨੰਦ ਲਓ ਅਤੇ ਇਸ ਨੂੰ ਸਹਿਣ ਕਰੋ। ਸ਼ੋਏਬ ਅਖਤਰ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

ਇਹ ਵੀ ਪੜ੍ਹੋ : ਪਾਕਿਸਤਾਨ ਦੇ ਹੱਥੋਂ ਮਿਲੀ ਇੱਕਤਰਫ਼ਾ ਹਾਰ ਤੋਂ ਬਾਅਦ ਇਸ ਖਿਡਾਰੀ ਦੀ ਹੋ ਸਕਦੀ ਹੈ ਅਗਲੇ ਮੈਚ ਤੋਂ ਛੁੱਟੀ !

ਭਾਰਤ ਪਾਕਿਸਤਾਨ ਦੇ ਮੈਚ ਤੋਂ ਪਹਿਲਾਂ ਇਕ ਟੀਵੀ ਚੈਨਲ ਉਪਰ ਹਰਭਜਨ ਸਿੰਘ ਨੇ ਕਿਹਾ ਸੀ ਕਿ ਪਾਕਿਸਤਾਨੀ ਟੀਮ ਨੂੰ ਭਾਰਤ ਨੂੰ ਵਾਕਓਵਰ ਦੇ ਦੇਣਾ ਚਾਹੀਦਾ ਹੈ। ਫਿਰ ਤੋਂ ਹਾਰ ਕੇ ਨਿਰਾਸ਼ ਕਿਉਂ ਹੋਣਾ ਚਾਹੁੰਦੇ ਹਨ। ਹਰਭਜਨ ਸਿੰਘ ਨੇ ਕਿਹਾ ਸੀ,”ਮੈਂ ਸ਼ੋਏਬ ਅਖ਼ਤਰ ਨੂੰ ਕਹਿ ਦਿੱਤਾ ਹੈ ਕਿ ਇਸ ਵਾਰ ਵੀ ਤੁਹਾਡੇ ਖੇਡਣ ਦਾ ਕੀ ਫ਼ਾਇਦਾ ਜੇ ਤੁਸੀਂ ਸਾਨੂੰ ਵਾਕਓਵਰ ਹੀ ਦੇ ਦਿਓ। ਸਾਡੇ ਨਾਲ ਖੇਡੋਗੇ, ਫਿਰ ਹਾਰੋਗੇ,ਫਿਰ ਨਿਰਾਸ਼ ਹੋ ਜਾਵੋਗੇ। ਕੋਈ ਚਾਂਸ ਨਹੀਂ ਹੈ ਭਰਾ ਸਾਡੀ ਟੀਮ ਬਹੁਤ ਮਜ਼ਬੂਤ ਹੈ।” ਸ਼ੋਏਬ ਅਖ਼ਤਰ ਨੇ ਹੁਣ ਇਸ ਸਬੰਧੀ ਇੱਕ ਹੋਰ ਟਵੀਟ ਕਰਕੇ ਹਰਭਜਨ ਸਿੰਘ ਨੂੰ ਪੁੱਛਿਆ ਹੈ,”ਕਿੱਥੇ ਹੋ ਯਾਰ?”

ਵੀਡੀਓ ਲਈ ਕਲਿੱਕ ਕਰੋ-:

Coconut Burfi Recipe in Hindi | 400 ਰੁਪਏ ਦੀ ਬਰਫ਼ੀ ਘਰ ‘ਚ ਬਣਾਓ 100 ਰੁਪਏ ‘ਚ |Nariyal Ki Barfi Recipe

The post ਪਾਕਿਸਤਾਨ ਦੇ ਹੱਥੋਂ ਮਿਲੀ ਕਰਾਰੀ ਹਾਰ ਤੋਂ ਬਾਅਦ ਅਖਤਰ ਦਾ ਹਰਭਜਨ ‘ਤੇ ਤੰਜ, ਪੁੱਛਿਆ – ‘ਕਿੱਥੇ ਹੋ ਯਾਰ?’ appeared first on Daily Post Punjabi.