ਪੀੜਤ ਔਰਤ ਨੇ ਆਪਣੇ ਬਿਆਨ ਵੀ ਦਰਜ ਕਰਵਾਏ ਤੇ ਦੱਸਿਆ ਕਿ ਉਸ ਨੇ 75 ਗਜ਼ ਦਾ ਬਣਿਆ ਹੋਇਆ ਮਕਾਨ ਸੁਖਚੈਨ ਸਿੰਘ ਨਾਮ ਦੇ ਬਿਲਡਰ ਤੋਂ ਖਰੀਦਿਆ ਸੀ। ਇਹ ਮਕਾਨ ਉਸ ਨੇ 18 ਲੱਖ ‘ਚ ਖਰੀਦਿਆ ਸੀ ਜਿਸ ਵਿੱਚੋਂ 11 ਲੱਖ ਰੁਪਏ ਉਸ ਨੇ ਨਕਦ ਦਿੱਤੇ ਸਨ ਤੇ 10 ਲੱਖ ਦਾ ਕਰਜ਼ਾ ਬੈਂਕ ਤੋਂ ਲਿਆ ਸੀ। ਮਕਾਨ ਖਰੀਦਣ ਤੋਂ ਲੱਗਭਗ ਇੱਕ ਮਹੀਨੇ ਬਾਅਦ ਮੇਰੇ ਪਤੀ ਦੀ ਬੀਮਾਰੀ ਕਾਰਨ ਮੌਤ ਹੋ ਗਈ ਤੇ ਹੁਣ ਸਾਰੀ ਜ਼ਿੰਮੇਵਾਰੀ ਮੇਰੇ ‘ਤੇ ਆ ਗਈ ਜਿਸ ਤੋਂ ਬਾਅਦ ਬੈਂਕ ਦੀਆਂ ਕਿਸ਼ਤਾਂ ਦੇਣੀਆਂ ਮੁਸ਼ਕਿਲ ਹੋ ਗਈਆਂ ਸੀ। ਪੀੜਤਾ ਨੇ ਡੇਲੀ ਪੋਸਟ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਜਦੋਂ ਉਸ ਨੂੰ ਬੈਂਕ ਤੋਂ ਕਰਜ ਦੇ ਆਧਾਰ ਤੇ ਲਏ ਘਰ ਬਚਾਉਣ ਦੀ ਕੋਈ ਉਮੀਦ ਨਾ ਦਿਖੀ ਤਾਂ ਉਨ੍ਹਾਂ ਨੇ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਕੋਲੋਂ ਮਦਦ ਮੰਗੀ। ਪੀੜਤਾ ਨੇ ਕਿਹਾ ਮੈਨੂੰ ਉਮੀਦ ਤਾਂ ਸੀ ਕਿ ਬੈਂਸ ਮੇਰੀ ਮਦਦ ਕਰਨਗੇ ਪਰ ਉਨ੍ਹਾਂ ਨੇ ਮਦਦ ਦੇ ਨਾਮ ‘ਤੇ ਮੇਰੀ ਇੱਜਤ ਨਾਲ ਖਿਲਵਾੜ ਕੀਤਾ।

ਪੀੜਤਾ ਮੁਤਾਬਿਕ ਸਿਮਰਜੀਤ ਸਿੰਘ ਬੈਂਸ ਨੇ ਆਪਣੇ ਪਾਰਟੀ ਦਫਤਰ ਅਤੇ ਆਪਣੇ ਇੱਕ ਗੁਆਂਡੀ ਦੇ ਘਰ ਉਸ ਨਾਲ ਇਹ ਸ਼ਰਮਨਾਕ ਕਾਰਾ ਕਈ ਵਾਰ ਕੀਤਾ ਸੀ। ਪੀੜਤ ਮਹਿਲਾ ਨੇ ਕਿਹਾ ਕਿ ਉਸ ਨੇ ਆਪਣਾ ਇੱਕ ਘਰ ਵੇਚਿਆ ਸੀ ਪਰ ਪ੍ਰਾਪਰਟੀ ਡੀਲਰ ਨੇ ਪੂਰੀ ਰਕਮ ਦੇਣ ਤੋਂ ਪੱਲਾ ਝਾੜਨਾ ਸ਼ੁਰੂ ਕਰ ਦਿੱਤਾ ਤਾ ਪੀੜਤਾ ਨੇ ਵਿਧਾਇਕ ਨੂੰ ਮਦਦ ਮੰਗੀ ਸੀ, ਪਰ ਬੈਂਸ ਸਾਹਿਬ ਨੇ ਉਸ ਦਾ ਫਾਇਦਾ ਚੁੱਕਣਾ ਸ਼ੁਰੂ ਕਰ ਦਿੱਤਾ। ਇਹ ਦੋਸ਼ ਲਗਾਉਂਦਿਆਂ ਪੀੜਤ ਨੇ ਹੁਣ ਇਨਸਾਫ ਦੀ ਮੰਗ ਕੀਤੀ ਹੈ।

ਇਹ ਵੀ ਦੇਖੋ : MLA Bains ਤੇ ਬਲਾਤਕਾਰ ਦੇ ਦੋਸ਼ ਲਾਉਣ ਵਾਲੀ ਮਹਿਲਾ ਦਾ Exclusive ਇੰਟਰਵਿਊ

The post ਸਿਮਰਜੀਤ ਬੈਂਸ ‘ਤੇ ਜ਼ਬਰ-ਜਨਾਹ ਦੇ ਦੋਸ਼ ਲਾਉਣ ਵਾਲੀ ਪੀੜਤਾ ਨੇ ਕੀਤੇ ਵੱਡੇ ਖੁਲਾਸੇ appeared first on Daily Post Punjabi.