ਕੇਕੇ ਦਾ ਅੰਤਿਮ ਸੰਸਕਾਰ ਅੱਜ ਮੁੰਬਈ ਵਿੱਚ ਕੀਤਾ ਜਾਵੇਗਾ। ਗਾਇਕ ਕੇਕੇ ਦੀ ਮ੍ਰਿਤਕ ਦੇਹ ਨੂੰ ਪਾਰਕ ਪਲਾਜ਼ਾ ਵਰਸੋਵਾ, ਮੁੰਬਈ ਦੇ ਕੰਪਲੈਕਸ ਦੇ ਹਾਲ ਵਿੱਚ ਅੰਤਿਮ ਸੰਸਕਾਰ ਲਈ ਰੱਖਿਆ ਜਾਵੇਗਾ। ਜਿੱਥੇ ਉਨ੍ਹਾਂ ਦੇ ਸਨੇਹੀ ਸ਼ਰਧਾਂਜਲੀ ਭੇਟ ਕਰ ਸਕਦੇ ਹਨ। ਇਸ ਤੋਂ ਬਾਅਦ ਕੇਕੇ ਦਾ ਅੰਤਿਮ ਸੰਸਕਾਰ ਵਰਸੋਵਾ ਦੇ ਹਿੰਦੂ ਸ਼ਮਸ਼ਾਨਘਾਟ ਵਿੱਚ ਕੀਤਾ ਜਾਵੇਗਾ। ਕੇਕੇ ਆਪਣੇ ਪਿੱਛੇ ਪਤਨੀ ਅਤੇ ਦੋ ਪੁੱਤਰ ਛੱਡ ਗਏ ਹਨ। ਜਿਨ੍ਹਾਂ ਨੂੰ ਕੇਕੇ ਦੀ 53 ਸਾਲ ਦੀ ਛੋਟੀ ਉਮਰ ਵਿੱਚ ਹੋਈ ਮੌਤ ਦਾ ਗਹਿਰਾ ਸਦਮਾ ਲੱਗਾ ਹੈ। ਦੱਖਣੀ ਕੋਲਕਾਤਾ ਦੇ ਨਾਜ਼ਰੂਲ ਮੰਚ ਵਿਖੇ ਇੱਕ ਕਾਲਜ ਵੱਲੋਂ ਸੰਗੀਤ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਜਿਸ ਦੌਰਾਨ ਕੇਕੇ ਕਰੀਬ ਇੱਕ ਘੰਟੇ ਤੱਕ ਗੀਤ ਗਾਉਣ ਤੋਂ ਬਾਅਦ ਵਾਪਸ ਆਪਣੇ ਹੋਟਲ ਪਹੁੰਚ ਗਏ। ਜਿੱਥੇ ਉਸ ਨੂੰ ਸਿਹਤ ਖਰਾਬ ਹੋਣ ਤੋਂ ਬਾਅਦ ਹਸਪਤਾਲ ਲਿਜਾਇਆ ਗਿਆ। ਪਰ ਡਾਕਟਰਾਂ ਦੀ ਟੀਮ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਜਿਸ ਤੋਂ ਬਾਅਦ ਦੇਸ਼ ਭਰ ਤੋਂ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਅਤੇ ਦਿੱਗਜਾਂ ਨੇ ਸੋਗ ਪ੍ਰਗਟ ਕੀਤਾ। ਬੁੱਧਵਾਰ ਨੂੰ ਪੱਛਮੀ ਬੰਗਾਲ ਦੀ ਮਮਤਾ ਸਰਕਾਰ ਨੇ ਕੇਕੇ ਦੀ ਦੇਹ ਨੂੰ ਤੋਪਾਂ ਦੀ ਸਲਾਮੀ ਦੇ ਕੇ ਅੰਤਿਮ ਸ਼ਰਧਾਂਜਲੀ ਦਿੱਤੀ। ਜਿਸ ਤੋਂ ਬਾਅਦ ਕੇਕੇ ਦੀ ਦੇਹ ਨੂੰ ਅੰਤਿਮ ਸੰਸਕਾਰ ਲਈ ਮੁੰਬਈ ਲਿਆਂਦਾ ਗਿਆ ਹੈ। ਕੇ.ਕੇ ਦੀ ਦੇਹ ਅੱਜ ਸਵੇਰੇ 10:30 ਵਜੇ ਤੋਂ 12:30 ਵਜੇ ਤੱਕ ਅੰਤਿਮ ਦਰਸ਼ਨਾਂ ਲਈ ਉਨ੍ਹਾਂ ਦੇ ਗ੍ਰਹਿ ਵਿਖੇ ਰੱਖੀ ਗਈ। ਇਸ ਦੌਰਾਨ ਗਾਇਕ ਦੇ ਕਰੀਬੀ ਲੋਕ ਅਤੇ ਪ੍ਰਸ਼ੰਸਕ ਉਸ ਦਾ ਅੰਤਿਮ ਦਰਸ਼ਨ ਕਰ ਕੀਤੇ। ਕੇ.ਕੇ ਦਾ ਅੰਤਿਮ ਸੰਸਕਾਰ ਵਰਸੋਵਾ ਦੇ ਹਿੰਦੂ ਸ਼ਮਸ਼ਾਨਘਾਟ ‘ਚ ਦੁਪਹਿਰ 1 ਵਜੇ ਹੋਵੇਗਾ, ਜਿਸ ਦੀਆਂ ਤਿਆਰੀਆਂ ਵੀ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ।

The post ਗਾਇਕ KK ਦਾ ਅੱਜ ਮੁੰਬਈ ‘ਚ ਦੁਪਹਿਰ 1 ਵਜੇ ਹੋਵੇਗਾ ਅੰਤਿਮ ਸੰਸਕਾਰ appeared first on Daily Post Punjabi.