ਜਾਣਕਰੀ ਅਨੁਸਾਰ ਸ਼ਾਮ ਨੂੰ ਗਲੀ ‘ਚ ਪਰੀਕਸ਼ਤ, ਸ਼ਿਵਾਂਸ਼, ਵਿਵਾਨ ਅਤੇ ਰਿਧੀ ਖੇਡ ਰਹੇ ਸਨ। ਬੱਚਿਆਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਗਲੀ ਦੀਆਂ ਟਾਈਲਾਂ ‘ਤੇ ਕੋਈ ਚਿੱਟੀ ਜਾਂ ਚਮਕੀਲੀ ਚੀਜ਼ ਡਿੱਗੀ ਦੇਖੀ। ਜਿਸ ਤੋਂ ਬਾਅਦ ਉਹ ਤੁਰੰਤ ਪਿੱਛੇ ਹਟ ਗਏ। ਬੱਚਿਆਂ ਅਨੁਸਾਰ ਜਿਸ ਥਾਂ ‘ਤੇ ਬਿਜਲੀ ਡਿੱਗੀ, ਉੱਥੇ ਸੀਮਿੰਟ-ਇੰਟਰਲਾਕਿੰਗ ਟਾਈਲਾਂ ‘ਤੇ ਇੱਕ ਛੋਟਾ ਜਿਹਾ ਕਾਲਾ ਧੱਬਾ ਵੀ ਪਾਇਆ ਗਿਆ ਹੈ।

ਇਹ ਵੀ ਪੜ੍ਹੋ : ਖੰਨਾ ‘ਚ ਇੱਕ ਫੈਕਟਰੀ ਨੂੰ ਲੱਗੀ ਅੱ.ਗ, ਮੁਲਾਜ਼ਮਾਂ ਨੂੰ ਪੈ ਗਈਆਂ ਭਾਜੜਾਂ, ਮੌਕੇ ‘ਤੇ ਪਹੁੰਚੀ ਫਾਇਰ ਬ੍ਰਿਗੇਡ ਦੀ ਟੀਮ

ਇਲਾਕੇ ‘ਚ ਰਹਿ ਰਹੇ ਯਸ਼ਪਾਲ ਜਿੰਦਲ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜਿਸ ਸਮੇਂ ਇਹ ਘਟਨਾ ਵਾਪਰੀ ਉਦੋਂ ਉਸ ਦੇ ਘਰ ਮਕੈਨਿਕ ਡਰਿਲ ਦਾ ਕੰਮ ਕਰ ਰਿਹਾ ਸੀ ਕਿ ਅਚਾਨਕ ਉਸ ਨੂੰ ਬਿਜਲੀ ਦਾ ਕਰੰਟ ਮਹਿਸੂਸ ਹੋਇਆ। ਮਕੈਨਿਕ ਨੇ ਤੁਰੰਤ ਡਰਿੱਲ ਸੁੱਟ ਦਿੱਤੀ। ਉਨ੍ਹਾਂ ਦੇ ਬਿਲਕੁਲ ਸਾਹਮਣੇ ਹਰੀਸ਼ ਬਾਂਸਲ ਦੇ ਘਰ ਦਾ ਟੀਵੀ ਅਤੇ ਪਾਣੀ ਦੀ ਮੋਟਰ ਸੜ ਗਈ।

ਇਸੇ ਗਲੀ ਵਿੱਚ ਰਹਿੰਦੇ ਜਗਦੀਸ਼ ਕੁਮਾਰ ਦੇ ਘਰ ਦਾ ਟੀਵੀ ਅਤੇ ਹੋਰ ਸਾਮਾਨ, ਅੰਕੁਰ ਆਹੂਜਾ ਦੀ ਐਲਈਡੀ ਅਤੇ ਕੈਮਰੇ ਦੇ ਕਾਰੋਬਾਰੀ ਪ੍ਰਿੰਸ ਦਾ ਪ੍ਰਿੰਟਰ ਸੜ ਗਿਆ। ਇਸ ਤੋਂ ਇਲਾਵਾ ਇਲਾਕੇ ਦੇ ਸੁਰਿੰਦਰ ਗੁਪਤਾ ਸਮੇਤ ਗਲੀ ਦੇ ਕਈ ਲੋਕਾਂ ਦੇ ਮੋਡਮ ਬੰਦ ਹੋ ਗਏ। ਖੁਸ਼ਕਿਸਮਤੀ ਦੀ ਗੱਲ ਹੈ ਕਿ ਇਸ ਘਟਨਾ ‘ਚ ਕਿਸੇ ਤਰ੍ਹਾਂ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ।

The post ਮੋਗਾ ‘ਚ ਗਲੀ ‘ਚ ਖੇਡਦੇ 4 ਮਾਸੂਮਾਂ ‘ਤੇ ਡਿੱਗੀ ਅਸਮਾਨੀ ਬਿਜਲੀ, ਵਾਲ-ਵਾਲ ਬਚੇ ਬੱਚੇ appeared first on Daily Post Punjabi.