ਇਹ ਮਾਮਲਾ ਲਾਂਜੀ ਖੇਤਰ ਦਾ ਹੈ, ਜਿਥੇ ਸਿਟੀ ਕੌਂਸਲ ਦੇ ਸੀਐਮਓ ਵੱਲੋਂ ਇੱਥੋਂ ਦੇ ਸਰਕਾਰੀ ਹਸਪਤਾਲ ਦੇ ਬਾਹਰ ਇੱਕ ਨੌਜਵਾਨ ਨਾਲ ਧੱਕਾਮੁੱਕੀ ਕਰਨ ਅਤੇ ਥੱਪੜ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਿਤਾ ਦੀ ਕੋਰੋਨਾ ਕਾਰਨ ਮੌਤ ਤੋਂ ਬਾਅਦ ਉਹ ਮ੍ਰਿਤਕ ਦੇਹ ਦਾ ਸੰਸਕਾਰ ਕਰਨ ਦੀ ਮੰਗ ਕਰ ਰਿਹਾ ਸੀ, ਪਰ ਪ੍ਰਸ਼ਾਸਨ ਕੋਵਿਡ ਪ੍ਰੋਟੋਕੋਲ ਦੇ ਅਨੁਸਾਰ ਮ੍ਰਿਤਕ ਦੇਹ ਪਰਿਵਾਰ ਨੂੰ ਨਾ ਦੇ ਕੇ ਅੰਤਿਮ ਸੰਸਕਾਰ ਕਰਨ ਦੀ ਤਿਆਰੀ ਕਰ ਰਿਹਾ ਸੀ। ਸੀਐਮਓ ਦੇਵੇਂਦਰ ਕੁਮਾਰ ਮਾਰਸਕੋਲੇ ਦਾ ਇਸੇ ਗੱਲ ਨੂੰ ਲੈ ਕੇ ਨੌਜਵਾਨ ਨਾਲ ਝਗੜਾ ਹੋ ਗਿਆ। ਸੀ.ਐੱਮ.ਓ ਨੇ ਨੌਜਵਾਨ ਨੂੰ ਦਿਲਾਸਾ ਦੇਣ ਦੀ ਬਜਾਏ ਉਸ ਦੇ ਥੱਪੜ ਮਾਰ ਦਿੱਤਾ। ਵਿਵਾਦ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ।

ਇਸ ਸਬੰਧ ਵਿੱਚ ਸੀਐਮਓ ਦੇਵੇਂਦਰ ਕੁਮਾਰ ਨੇ ਦੱਸਿਆ ਕਿ ਮ੍ਰਿਤਕ ਦੇ ਪੁੱਤਰ ਨੂੰ ਕੋਵਿਡ ਪ੍ਰੋਟੋਕੋਲ ਬਾਰੇ ਦੱਸਦਿਆਂ ਮ੍ਰਿਤਕ ਦੇਹ ਨਾ ਦਿੱਤੇ ਜਾਣ ਸਬੰਧੀ ਸਮਝਾ ਦਿੱਤਾ ਗਿਆ ਸੀ। ਪਰ ਲੜਕੇ ਦੇ ਨਾਲ ਆਏ ਉਸਦੇ ਦੋ ਰਿਸ਼ਤੇਦਾਰਾਂ ਨੇ ਸ਼ਰਾਬ ਪੀ ਕੇ ਉਸ ਨਾਲ ਬਦਸਲੂਕੀ ਕੀਤੀ ਅਤੇ ਗਾਲੀਗਲੋਚ ਕੀਤੀ। ਵਾਰ ਵਾਰ ਸਮਝਾਉਣ ਤੋਂ ਬਾਅਦ ਵੀ ਉਹ ਗਾਲਾਂ ਕੱਢਦੇ ਰਹੇ। ਇਸ ਸਮੇਂ ਦੇ ਦੌਰਾਨ, ਮੈਂ ਆਪਣਾ ਆਪਾ ਖੋ ਬੈਠਾ ਅਤੇ ਵਿਵਾਦ ਵੱਧ ਗਿਆ। ਮੈਨੂੰ ਇਹ ਨਹੀਂ ਕਰਨਾ ਚਾਹੀਦਾ ਸੀ, ਪਰ ਉਹ ਨੌਜਵਾਨ ਗਲਤ ਸੀ।

ਇਹ ਵੀ ਦੇਖੋ : ਪੁੱਤ ਨੇ ਮੰਗੀ ਕੋਰੋਨਾ ਪੀੜਤ ਪਿਤਾ ਦੀ ਮ੍ਰਿਤਕ ਦੇਹ, ਡਾਕਟਰ ਨੇ ਕੁੱਟ ਦਿੱਤਾ ਨੌਜਵਾਨ, ਕੱਢੀਆਂ ਗਾਲਾਂ

The post ਕੋਰੋਨਾ ਕਾਰਨ ਮੌਤ ਤੋਂ ਬਾਅਦ ਪੁੱਤ ਨੇ ਮੰਗੀ ਪਿਤਾ ਦੀ ਮ੍ਰਿਤਕ ਦੇਹ, ਅਧਿਕਾਰੀ ਨੇ ਥੱਪੜ ਮਾਰ ਭਜਾਇਆ, ਦੇਖੋ ਵੀਡੀਓ appeared first on Daily Post Punjabi.