ਅਸਲ ‘ਚ ਸੋਨਾ ਮਹਾਪਾਤਰਾ ਦੀ ਸ਼ਹਿਨਾਜ਼ ਗਿੱਲ ਨਾਲ ਇਕੋ ਇਕ ਸਮੱਸਿਆ ਇਹ ਹੈ ਕਿ ਉਸ ਨੇ ‘ਮੀਟੂ’ ਦੇ ਦੋਸ਼ੀ ਸਾਜਿਦ ਖਾਨ ਦਾ ਸਮਰਥਨ ਕੀਤਾ। ਇਸ ਤੋਂ ਬਾਅਦ ਸੋਨਾ ਕਈ ਵਾਰ ਸ਼ਹਿਨਾਜ਼ ਨੂੰ ਤਾਅਨੇ ਮਾਰ ਚੁੱਕੀ ਹੈ। ਹਾਲ ਹੀ ‘ਚ ਉਨ੍ਹਾਂ ਨੇ ਇਕ ਵਾਰ ਫਿਰ ਸ਼ਹਿਨਾਜ਼ ‘ਤੇ ਨਿਸ਼ਾਨਾ ਸਾਧਿਆ, ਜਿਸ ਤੋਂ ਬਾਅਦ ਉਹ ਸੋਸ਼ਲ ਮੀਡੀਆ ‘ਤੇ ਬੁਰੀ ਤਰ੍ਹਾਂ ਟ੍ਰੋਲ ਹੋਈ। ਹੁਣ ਟ੍ਰੋਲਰਾਂ ਨੂੰ ਜਵਾਬ ਦਿੰਦੇ ਹੋਏ ਅਦਾਕਾਰਾ ਨੇ ਸ਼ਹਿਨਾਜ਼ ਦੇ ਟੈਲੇਂਟ ‘ਤੇ ਸਵਾਲ ਖੜ੍ਹੇ ਕੀਤੇ ਹਨ। ਸੋਨਾ ਦਾ ਇਹ ਟਵੀਟ ਕਾਫੀ ਵਾਇਰਲ ਹੋ ਰਿਹਾ ਹੈ।

ਆਪਣੇ ਤਾਜ਼ਾ ਟਵੀਟ ਵਿੱਚ ਸੋਨਾ ਨੇ ਸ਼ਹਿਨਾਜ਼ ਗਿੱਲ ਲਈ ਲਿਖਿਆ ਮੈਨੂੰ ਨਹੀਂ ਪਤਾ ਕਿ ਸ਼ਹਿਨਾਜ਼ ਦੀ ਖਾਸ ਪ੍ਰਤਿਭਾ ਕੀ ਹੈ। ਉਸ ਨੂੰ ਹੁਣੇ-ਹੁਣੇ ਇੱਕ ਲੋਅ-ਬ੍ਰਾਉ ਰਿਐਲਿਟੀ ਟੀਵੀ ਸ਼ੋਅ ਤੋਂ ਪ੍ਰਸਿੱਧੀ ਮਿਲੀ ਹੈ। ਮੈਂ ਉਨ੍ਹਾਂ ਔਰਤਾਂ ਦੇ ਤਰੀਕਿਆਂ ਨੂੰ ਜਾਣਦੀ ਹਾਂ ਜੋ ਰੋਲ ਜਾਂ ਪੈਸਾ ਹਾਸਲ ਕਰਨ ਲਈ ਸ਼ਾਰਟਕੱਟ ਲੈਂਦੀਆਂ ਹਨ। ਦੱਸ ਦੇਈਏ ਕਿ ਸਾਜਿਦ ਖਾਨ ‘ਤੇ ਸਾਲ 2018 ‘ਚ ਮੀਟੂ ਦਾ ਦੋਸ਼ ਲੱਗਾ ਸੀ। ਇਸ ਕਾਰਨ ਉਨ੍ਹਾਂ ਨੂੰ ਇਕ ਸਾਲ ਲਈ ਫਿਲਮ ਇੰਡਸਟਰੀ ਤੋਂ ਵੀ ਬਰਖਾਸਤ ਕਰ ਦਿੱਤਾ ਗਿਆ ਸੀ। ਸਾਜਿਦ ਨੇ ‘ਬਿੱਗ ਬੌਸ 16’ ਨਾਲ ਗਲੈਮਰ ਦੀ ਦੁਨੀਆ ‘ਚ ਵਾਪਸੀ ਕੀਤੀ ਸੀ। ਉਸ ਸਮੇਂ ਇੱਕ ਪਾਸੇ ਸਾਜਿਦ ਦੇ ਖਿਲਾਫ ਮੋਰਚਾ ਸੀ ਅਤੇ ਸ਼ਹਿਨਾਜ਼ ਨੇ ਉਸਦਾ ਸਾਥ ਦਿੱਤਾ ਸੀ। ਉਦੋਂ ਤੋਂ ਸੋਨਾ ਅਕਸਰ ਟਵਿੱਟਰ ‘ਤੇ ਉਸ ‘ਤੇ ਹਮਲਾ ਕਰਦੀ ਨਜ਼ਰ ਆਉਂਦੀ ਹੈ।

The post ਗਾਇਕਾ ਸੋਨਾ ਮੋਹਪਾਤਰਾ ਨੇ ਫਿਰ ਸਾਧਿਆ ਅਦਾਕਾਰਾ ਸ਼ਹਿਨਾਜ਼ ਗਿੱਲ ‘ਤੇ ਨਿਸ਼ਾਨਾ, ਸ਼ੇਅਰ ਕੀਤਾ ਟਵੀਟ appeared first on Daily Post Punjabi.