ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਜੇਕਰ ਵਿਸ਼ਵ ਕੱਪ ਅਤੇ ਆਈਪੀਐਲ ਨੂੰ ਮੁਲਤਵੀ ਕਰ ਦਿੱਤਾ ਜਾਂਦਾ ਹੈ ਤਾਂ ਸਟਾਰ ਇੰਡੀਆ ਨੂੰ ਨੁਕਸਾਨ ਹੋ ਸਕਦਾ ਹੈ। ਸਟਾਰ ਇੰਡੀਆ ਦੋਵਾਂ ਟੂਰਨਾਮੈਂਟਾਂ ਦੇ ਆਯੋਜਨ ਬਾਰੇ ਛੇਤੀ ਫੈਸਲਾ ਚਾਹੁੰਦਾ ਹੈ ਤਾਂ ਕਿ ਉਹ ਆਪਣੀ ਮਾਰਕੀਟਿੰਗ ਯੋਜਨਾ ‘ਤੇ ਧਿਆਨ ਦੇ ਸਕੇ। ਇਨਸਾਈਡ ਸਪੋਰਟ ਦੀ ਰਿਪੋਰਟ ਦੇ ਅਨੁਸਾਰ, “ਸਟਾਰ ਇੰਡੀਆ ਦੀਆਂ ਮੁਸ਼ਕਿਲਾਂ ਵਧੀਆਂ ਹਨ। ਇਹ ਛੋਟਾ ਜਿਹਾ ਹੱਕ ਨਹੀਂ ਹੈ। ਇੱਕ ਵੱਡਾ ਮਾਰਕੀਟ ਮੁੱਲ ਇਸ ਨਾਲ ਜੁੜਿਆ ਹੋਇਆ ਹੈ। ਆਈਪੀਐਲ ਲਈ ਸਟਾਰ ਇੰਡੀਆ ਨੇ ਬਾਜ਼ਾਰ ਤੋਂ 3 ਹਜ਼ਾਰ ਕਰੋੜ ਲਏ ਹਨ।”

ਰਿਪੋਰਟ ਵਿੱਚ ਅੱਗੇ ਕਿਹਾ ਗਿਆ ਹੈ, “ਬਾਜ਼ਾਰ ‘ਚ ਸਥਿਤੀ ਬਹੁਤ ਮਾੜੀ ਹੈ। ਸਟਾਰ ਇੰਡੀਆ ਜਲਦੀ ਤੋਂ ਜਲਦੀ ਪ੍ਰੋਗਰਾਮ ਤਹਿ ਕਰਨਾ ਚਾਹੁੰਦਾ ਹੈ। ਜ਼ਿਆਦਾ ਦੇਰੀ ਕਾਰਨ ਸਟਾਰ ਇੰਡੀਆ ਨੂੰ ਭਾਰੀ ਘਾਟੇ ਦਾ ਸਾਹਮਣਾ ਕਰਨਾ ਪਵੇਗਾ। ਵਰਲਡ ਕੱਪ ਦੇ ਮਾਮਲੇ ਵਿੱਚ ਸਟਾਰ ਇੰਡੀਆ ਨਾਲ ਵੀ ਇਹੀ ਸਥਿਤੀ ਬਣੀ ਹੋਈ ਹੈ।” ਇੰਨਾ ਹੀ ਨਹੀਂ, ਰਿਪੋਰਟ ਵਿੱਚ ਇਹ ਦਾਅਵਾ ਵੀ ਕੀਤਾ ਗਿਆ ਹੈ ਕਿ ਸਟਾਰ ਇੰਡੀਆ ਨੇ ਬੀ.ਸੀ.ਸੀ.ਆਈ ਨੂੰ ਅਧਿਕਾਰਾਂ ਦੀ ਫੀਸ ਘਟਾਉਣ ਲਈ ਕਿਹਾ ਹੈ। ਹਾਲਾਂਕਿ ਬੋਰਡ ਨੇ ਅਜੇ ਇਨ੍ਹਾਂ ਚੀਜ਼ਾਂ ‘ਤੇ ਕੁੱਝ ਨਹੀਂ ਕਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਟਾਰ ਇੰਡੀਆ ਦੇ ਪੰਜ ਕੋਲ ਸਾਲਾਂ ਲਈ ਆਈਪੀਐਲ ਦੇ ਪ੍ਰਸਾਰਣ ਅਧਿਕਾਰ ਹਨ। ਸਿਰਫ ਇਹ ਹੀ ਨਹੀਂ, ਸਟਾਰ ਇੰਡੀਆ 2023 ਤੱਕ ਸਾਰੇ ਆਈਸੀਸੀ ਟੂਰਨਾਮੈਂਟਾਂ ਦਾ ਅਧਿਕਾਰਤ ਪ੍ਰਸਾਰਕ ਹੈ।

The post ਸਟਾਰ ਇੰਡੀਆ ਨੇ IPL ਮੁਕਾਬਲਿਆਂ ‘ਤੇ BCCI ਤੋਂ ਮੰਗਿਆ ਜਵਾਬ, ਦਾਅ ‘ਤੇ ਨੇ ਹਜ਼ਾਰਾਂ ਕਰੋੜ ਰੁਪਏ appeared first on Daily Post Punjabi.