ਪਲੇਸਮੈਂਟ ਸੈੱਲ ਦੇ ਡਾਇਰੈਕਟਰ ਡਾ. ਸਰਬਜੀਤ ਸਿੰਘ ਨੇ ਦੱਸਿਆ ਹੈ ਕਿ ਇਹ ਟ੍ਰੇਨਿੰਗ ਫਿਲਹਾਲ ਅਸੀ ਅੰਡਰ ਗ੍ਰੈਜੂਏਟ ਦੇ ਲਈ ਜਰੂਰੀ ਕੀਤੀ ਹੈ। ਇਸ ਤੋਂ ਬਾਅਦ ਪੀ.ਜੀ. ਵਿਦਿਆਰਥੀਆਂ, ਸਟਾਫ ਅਤੇ ਟੀਚਰਾਂ ਨੂੰ ਵੀ ਟ੍ਰੇਨਿੰਗ ਦਿੱਤੀ ਜਾਵੇਗੀ। ਇਕ ਵਿਦਿਆਰਥੀ ਨੂੰ 4 ਘੰਟੇ ਦੀ ਟ੍ਰੇਨਿੰਗ ਕਰਨਾ ਜ਼ਰੂਰੀ ਹੈ। ਟ੍ਰੇਨਿੰਗ ‘ਚ ਉਨ੍ਹਾਂ ਨੂੰ 3 ਸਟੈਂਪਸ ਦਾ ਖਾਸ ਧਿਆਨ ਰੱਖਣ ਦੀ ਪ੍ਰੇਰਿਤ ਕੀਤਾ ਜਾ ਰਿਹਾ ਹੈ। ਇਸ ‘ਚ ਸਭ ਤੋਂ ਪਹਿਲਾਂ ਖੁਦ ਦੀ ਮਦਦ ਭਾਵ ਖੁਦ ਨੂੰ ਖੁਸ਼ ਅਤੇ ਮਾਨਸਿਕ ਤੌਰ ‘ਤੇ ਸਿਹਤਮੰਦ ਰੱਖਣਾ ਜਰੂਰੀ ਹੈ। ਦੂਜੇ ਪੱਧਰ ‘ਤੇ ਦੂਜਿਆਂ ਨੂੰ ਮਦਦ ਦੇਣਾ ਅਤੇ ਤੀਜੇ ‘ਚ ਹੈਪੀਨੈਸ ਸੀਕ੍ਰੇਟ ਨੂੰ ਰੱਖਿਆ ਗਿਆ ਹੈ। ਯੂਨੀਵਰਸਿਟੀ ਵੱਲੋਂ 25 ਟ੍ਰੇਨਿੰਗਾਂ ਦਾ ਆਯੋਜਨ ਕੀਤਾ ਜਾਵੇਗਾ, ਜਿਸ ‘ਚ ਪ੍ਰਸਿੱਧ ਬੁਲਾਰੇ ਵਿਦਿਆਰਥੀਆਂ ਨੂੰ ਸਿਖਲਾਈ ਦੇਣਗੇ।

ਇਸ ਤੋਂ ਇਲਾਵਾ ਡਾ.ਸਿੰਘ ਨੇ ਦੱਸਿਆ ਹੈ ਕਿ ਇਹ ਪ੍ਰੋਫੈਸ਼ਨਲ ਟ੍ਰੇਨਿੰਗ ਨਹੀਂ ਹੈ ਪਰ ਕਈ ਵਾਰ ਅਸੀਂ ਸਿਰਫ ਜੇਕਰ ਸਾਹਮਣੇ ਵਾਲਿਆਂ ਦੀ ਸਮੱਸਿਆਂ ਸੁਣੀਏ ਤਾਂ ਵੀ ਹੱਲ ਨਿਕਲ ਆਉਂਦਾ ਹੈ ਪਰ ਵਿਦਿਆਰਥੀਆਂ ਨੂੰ ਇਹ ਵੀ ਦੱਸਿਆ ਜਾ ਰਿਹਾ ਹੈ ਜੇਕਰ ਕੋਈ ਖੁਦ ਨੂੰ ਨੁਕਸਾਨ ਪਹੁੰਚਾਉਣ ਬਾਰੇ ਸੋਚ ਰਿਹਾ ਹੈ ਤਾਂ ਉਸ ਨੂੰ ਪ੍ਰੋਫੈਸ਼ਨਲ ਜਾਂ ਪਰਿਵਾਰ ਜਾਂ ਅਜਿਹੇ ਵਿਅਕਤੀ ਕੋਲ ਜਾਣ ਜੋ ਮਦਦ ਕਰ ਸਕੇ ਪਰ ਅੱਧੀ ਸਮੱਸਿਆ ਸਿਰਫ ਵਿਅਕਤੀ ਦੀ ਗੱਲ ਸੁਣ ਕੇ ਹੀ ਹੱਲ ਹੋ ਸਕਦਾ ਹੈ। ਅਸੀ ਬੁਕਲੇਟ ਵੀ ਤਿਆਰ ਕਰ ਰਹੇ ਹਾਂ, ਜਿਸ ‘ਚ ਕਈ ਤਰ੍ਹਾਂ ਦੇ ਸਲੋਗਨ ਵੀ ਹਨ। ਇਸ ਬੁਕਲੇਟ ਨੂੰ ਟ੍ਰੇਨਿੰਗ ਖਤਮ ਹੋਣ ‘ਤੇ ਦਿੱਤਾ ਜਾਵੇਗਾ। ਹੁਣ ਇਹ ਟ੍ਰੇਨਿੰਗ ਆਨਲਾਈਨ ਚੱਲ ਰਹੀ ਹੈ, ਜਿਸ ‘ਚ ਯੂਨੀਵਰਸਿਟੀ ਦੇ ਵਾਇਸ ਚਾਂਸਲਰ ਡਾ. ਬਲਦੇਵ ਸਿੰਘ ਢਿੱਲੋ ਅਤੇ ਪੋਸਟ ਗ੍ਰੈਜੂਏਟ ਸਟੱਡੀਜ਼ ਦੀ ਡੀਨ ਡਾ. ਗੁਰਿੰਦਰ ਕੌਰ ਸੰਘਾ ਵੱਲੋਂ ਵੀ ਪੂਰਾ ਸਹਿਯੋਗ ਦਿੱਤਾ ਜਾ ਰਿਹਾ ਹੈ।

ਇਹ ਵੀ ਦੇਖੋ–

The post PAU ਬਣੀ ਦੇਸ਼ ਅਜਿਹੀ ਪਹਿਲੀ ਯੂਨੀਵਰਸਿਟੀ, ਜਿੱਥੇ ਮਾਨਸਿਕ ਸਿਹਤ ਨੂੰ ਬਚਾਉਣ ਲਈ ਦਿੱਤੀ ਜਾ ਰਹੀ ਟ੍ਰੇਨਿੰਗ appeared first on Daily Post Punjabi.