ਮੁਥਾਰਾ ਦੇ ਪੁਜਾਰੀਆਂ ਨੇ ਸੰਨੀ ਲਿਓਨ ਦੇ ਨਵੇਂ ਗੀਤ ਮਧੂਬਨ ‘ਚ ਰਾਧਿਕਾ ਦੇ ਡਾਂਸ ਖਿਲਾਫ ਮੋਰਚਾ ਖੋਲ੍ਹ ਦਿੱਤਾ ਹੈ। ਪੁਜਾਰੀਆਂ ਨੇ ਗੀਤ ‘ਤੇ ਪਾਬੰਦੀ ਲਾਉਣ ਦੀ ਮੰਗ ਕੀਤੀ ਹੈ। ਮਥੁਰਾ ਦੇ ਪੁਜਾਰੀਆਂ ਦਾ ਕਹਿਣਾ ਹੈ ਕਿ ਸੰਨੀ ਨੇ ਗੀਤ ‘ਤੇ ਅਸ਼ਲੀਲ ਡਾਂਸ ਕਰਕੇ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਇੰਨਾ ਹੀ ਨਹੀਂ ਪੁਜਾਰੀਆਂ ਨੇ ਇੱਥੇ ਕਿਹਾ ਹੈ ਕਿ ਜੇਕਰ ਸਰਕਾਰ ਨਾਲ ਗੱਲਬਾਤ ਨਾ ਹੋਈ ਤਾਂ ਉਹ ਇਸ ਮਾਮਲੇ ਨੂੰ ਲੈ ਕੇ ਅਦਾਲਤ ਜਾਣਗੇ। ਰਿਪੋਰਟ ਮੁਤਾਬਕ ਵਰਿੰਦਾਵਨ ਦੇ ਸੰਤ ਨਵਲ ਗਿਰੀ ਮਹਾਰਾਜ ਨੇ ਇਸ ਮਾਮਲੇ ‘ਤੇ ਸਰਕਾਰ ਤੋਂ ਸੰਨੀ ਲਿਓਨ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ ਹੈ। ਇਸ ਦੇ ਨਾਲ ਹੀ ਉਹ ਚਾਹੁੰਦੇ ਹਨ ਕਿ ਮਧੂਬਨ ਗੀਤ ‘ਤੇ ਜਲਦ ਤੋਂ ਜਲਦ ਪਾਬੰਦੀ ਲਗਾਈ ਜਾਵੇ। ਜੇਕਰ ਸਰਕਾਰ ਨੇ ਉਨ੍ਹਾਂ ਦੀਆਂ ਦੋਵੇਂ ਗੱਲਾਂ ਨਾ ਸੁਣੀਆਂ ਤਾਂ ਉਹ ਮਦਦ ਲਈ ਅਦਾਲਤ ਦਾ ਦਰਵਾਜ਼ਾ ਵੀ ਖੜਕਾਉਣਗੇ।

ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਇੱਥੋਂ ਤੱਕ ਕਹਿ ਦਿੱਤਾ ਕਿ ਜੇਕਰ ਸੰਨੀ ਲਿਓਨ ਗੀਤ ‘ਚੋਂ ਆਪਣੇ ਸੀਨ ਨਹੀਂ ਹਟਾਉਂਦੀ ਅਤੇ ਮੁਆਫੀ ਨਹੀਂ ਮੰਗਦੀ ਤਾਂ ਉਸ ਨੂੰ ਦੇਸ਼ ‘ਚ ਨਹੀਂ ਰਹਿਣ ਦਿੱਤਾ ਜਾਵੇਗਾ। ਸੰਨੀ ਲਿਓਨ ਦਾ ਨਵਾ ਗੀਤ ਕਨਿਕਾ ਕਪੂਰ ਅਤੇ ਅਰਿੰਦਮ ਚੱਕਰਵਰਤੀ ਨੇ ਗਾਇਆ। ਇਸ ਤੋਂ ਪਹਿਲਾਂ ਕਨਿਕਾ ਕਪੂਰ ਨੇ ਸੰਨੀ ਲਿਓਨ ਲਈ ਬੇਬੀ ਡੌਲ ਗੀਤ ਗਾਇਆ ਸੀ। ਇਸ ਜੋੜੀ ਨੇ ਬੇਬੀ ਡੌਲ ਗੀਤ ਵਿੱਚ ਧਮਾਲ ਮਚਾ ਦਿੱਤੀ ਅਤੇ ਸੁਪਰਹਿੱਟ ਰਿਹਾ। ਗੀਤ ਨੂੰ ਗਣੇਸ਼ ਆਚਾਰੀਆ ਨੇ ਕੋਰੀਓਗ੍ਰਾਫ ਕੀਤਾ ਹੈ ਅਤੇ ਬੋਲ ਮਨੋਜ ਯਾਦਵ ਨੇ ਲਿਖੇ ਹਨ। ਪਿਛਲੇ ਹਫਤੇ ਸੰਨੀ ਲਿਓਨ ਅਤੇ ਕਨਿਕਾ ਕਪੂਰ ਗੀਤ ਨੂੰ ਪ੍ਰਮੋਟ ਕਰਨ ਲਈ ਬਿੱਗ ਬੌਸ ਦੇ ਸਟੇਜ ‘ਤੇ ਪਹੁੰਚੇ ਸਨ। ਸਾਰੇ ਵਿਵਾਦਾਂ ਦੇ ਵਿਚਕਾਰ ਸੰਨੀ ਲਿਓਨ ਦਾ ਨਵਾਂ ਗੀਤ ਯੂਟਿਊਬ ‘ਤੇ ਟ੍ਰੈਂਡ ਕਰ ਰਿਹਾ ਹੈ। ਹੁਣ ਦੇਖਦੇ ਹਾਂ ਕਿ ਇਸ ਮਾਮਲੇ ‘ਤੇ ਸੰਨੀ ਲਿਓਨ ਅਤੇ ਸਰਕਾਰ ਦਾ ਕੀ ਸਟੈਂਡ ਹੈ।

The post ਸੰਨੀ ਲਿਓਨ ਦੇ ‘ਮਧੂਬਨ’ ਗੀਤ ‘ਤੇ ਵਿਵਾਦ, ਮਥੁਰਾ ਦੇ ਪੁਜਾਰੀਆਂ ਨੇ ਗੀਤ ‘ਤੇ ਪਾਬੰਦੀ ਦੀ ਕੀਤੀ ਮੰਗ appeared first on Daily Post Punjabi.