ਕੰਗਨਾ ਰਣੌਤ ਦੀਆਂ ਪਿਛਲੀਆਂ ਕਈ ਫਿਲਮਾਂ ਫਲਾਪ ਹੋ ਚੁੱਕੀਆਂ ਹਨ, ਜਿਸ ਕਾਰਨ ਲੋਕਾਂ ਨੂੰ ਤੇਜਸ ਤੋਂ ਉਮੀਦਾਂ ਸਨ। ਫਿਲਮ ਦੇ ਟ੍ਰੇਲਰ ਨੂੰ ਕਾਫੀ ਪਸੰਦ ਕੀਤਾ ਗਿਆ ਪਰ ਅਸਲ ‘ਚ ਇਸ ਫਿਲਮ ਨੂੰ ਪਸੰਦ ਨਹੀਂ ਕੀਤਾ ਜਾ ਰਿਹਾ ਹੈ। ਕੰਗਨਾ ਦੀ ਤੇਜਸ ਦੀ ਕਮਾਈ ਕਰੋੜਾਂ ‘ਚ ਵੀ ਨਹੀਂ ਹੈ। SACNILC ਦੀ ਰਿਪੋਰਟ ਮੁਤਾਬਕ ਤੇਜਸ ਪਹਿਲੇ ਦਿਨ ਸਿਰਫ 75 ਲੱਖ ਰੁਪਏ ਦਾ ਕਾਰੋਬਾਰ ਕਰ ਸਕਦੀ ਹੈ।  ਕੰਗਨਾ ਦੀ ਇਹ ਫਿਲਮ ਭਾਰਤ ‘ਚ ਕਰੀਬ 1300 ਸਕ੍ਰੀਨਜ਼ ‘ਤੇ ਰਿਲੀਜ਼ ਹੋ ਚੁੱਕੀ ਹੈ।ਖਬਰਾਂ ਹਨ ਕਿ ਵੀਕੈਂਡ ‘ਤੇ ਫਿਲਮ ਦੀ ਕਮਾਈ ਵਧ ਸਕਦੀ ਹੈ।

ਕੰਗਨਾ ਰਣੌਤ ਦੀ ਤੇਜਸ ਦੇ ਨਾਲ ਹੀ ਰਾਧਿਕਾ ਮਦਾਨ ਅਤੇ ਨਿਮਰਤ ਕੌਰ ਦੀ ਸਾਜਨੀ ਸ਼ਿੰਦੇ ਦਾ ਵਾਇਰਲ ਵੀਡੀਓ ਵੀ ਰਿਲੀਜ਼ ਹੋਇਆ ਹੈ। ਫਿਲਮ ਨੂੰ ਆਲੋਚਕਾਂ ਵੱਲੋਂ ਬਹੁਤ ਵਧੀਆ ਸਮੀਖਿਆਵਾਂ ਮਿਲੀਆਂ ਹਨ। ਤੇਜਸ ਦੀ ਗੱਲ ਕਰੀਏ ਤਾਂ ਇਸ ਦਾ ਨਿਰਦੇਸ਼ਨ ਸਰਵੇਸ਼ ਮਾਰਵਾਹ ਨੇ ਕੀਤਾ ਹੈ। ਫਿਲਮ ‘ਚ ਕੰਗਨਾ ਦੇ ਨਾਲ ਅੰਸ਼ੁਲ ਚੌਹਾਨ, ਵਰੁਣ ਮਿੱਤਰਾ, ਆਸ਼ੀਸ਼ ਵਿਦਿਆਰਥੀ ਅਤੇ ਵਿਸਾਖ ਨਾਇਰ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆ ਰਹੇ ਹਨ।