ਇਸ ਸਬੰਧੀ ਪੁਰਾਤੱਤਵ ਵਿਭਾਗ ਦੇ ਅਧਿਕਾਰੀ ਫਜ਼ਲੇ ਖਲੀਕ ਨੇ ਦੱਸਿਆ ਕਿ ਇਹ ਮੰਦਿਰ 1300 ਸਾਲ ਪਹਿਲਾਂ ਹਿੰਦੂ ਸ਼ਾਹੀ ਸਮੇਂ ਦੌਰਾਨ ਬਣਾਇਆ ਗਿਆ ਸੀ। ਗੌਰਤਲਬ ਹੈ ਕਿ 850 ਅਤੇ 1026 ਈ. ਦੇ ਵਿਚਕਾਰ ਹਿੰਦੂ ਸ਼ਾਹੀ ਇੱਕ ਹਿੰਦੂ ਖ਼ਾਨਦਾਨ ਸੀ ਜਿਸਨੇ ਕਾਬੁਲ ਘਾਟੀ (ਪੂਰਬੀ ਅਫਗਾਨਿਸਤਾਨ), ਗੰਧਾਰ (ਆਧੁਨਿਕ ਪਾਕਿਸਤਾਨ) ਅਤੇ ਵਰਤਮਾਨ ਉੱਤਰ ਪੱਛਮੀ ਭਾਰਤ ਵਿੱਚ ਰਾਜ ਕੀਤਾ ਸੀ । ਪੁਰਾਤੱਤਵ ਵਿਗਿਆਨੀਆਂ ਨੇ ਖੁਦਾਈ ਦੌਰਾਨ ਮੰਦਿਰ ਵਾਲੀ ਜਗ੍ਹਾ ਨੇੜੇ ਛਾਉਣੀ ਤੇ ਪਹਿਰੇ ਲਈ ਮੀਨਾਰਾਂ ਵੀ ਲੱਭੀਆਂ ਹਨ।

ਉੱਥੇ ਹੀ ਪਾਣੀ ਦੇ ਕੁੰਡ ਬਾਰੇ ਪੁਰਾਤੱਤਵ-ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਮੰਦਿਰ ਵਿੱਚ ਸ਼ਾਇਦ ਕੁੰਡ ਵਿੱਚ ਇਸ਼ਨਾਨ ਕਰਨ ਦੀ ਪ੍ਰਥਾ ਹੋਵੇਗੀ। ਖਲੀਕ ਨੇ ਕਿਹਾ ਕਿ ਇਸ ਖੇਤਰ ਵਿੱਚ ਪਹਿਲੀ ਵਾਰ ਹਿੰਦੂ ਸ਼ਾਹੀ ਦੌਰ ਦੇ ਨਿਸ਼ਾਨ ਮਿਲੇ ਹਨ। ਇਟਲੀ ਦੇ ਪੁਰਾਤੱਤਵ ਮਿਸ਼ਨ ਦੇ ਮੁਖੀ ਡਾ. ਲੂਕਾ ਨੇ ਕਿਹਾ ਕਿ ਸਵਾਤ ਜ਼ਿਲ੍ਹੇ ਵਿੱਚ ਮਿਲਿਆ ਗੰਧਾਰ ਸੱਭਿਅਤਾ ਦਾ ਇਹ ਪਹਿਲਾ ਮੰਦਿਰ ਹੈ। ਸਵਾਤ ਜ਼ਿਲੇ ਵਿੱਚ ਬੁੱਧ ਧਰਮ ਦੇ ਬਹੁਤ ਸਾਰੇ ਪੂਜਾ ਸਥਾਨ ਵੀ ਸਥਿਤ ਹਨ। 

ਇਹ ਵੀ ਦੇਖੋ: ”ਸਰਪੰਚਾਂ ਨੂੰ ਪੈਸੇ ਖਾਣ ਵਾਲੇ ਬੰਦੇ ਹੀ ਨਾ ਸਮਝੋ”, ਸੁਣੋ ਇਸ ਨੌਜਵਾਨ ਸਰਪੰਚ ਦੀਆਂ ਖਰੀਆਂ ਗੱਲਾਂ

The post ਪਾਕਿਸਤਾਨ ‘ਚ ਮਿਲਿਆ 1300 ਸਾਲ ਪੁਰਾਣਾ ਭਗਵਾਨ ਵਿਸ਼ਨੂੰ ਦਾ ਪ੍ਰਾਚੀਨ ਮੰਦਿਰ appeared first on Daily Post Punjabi.