ਚੋਰ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਸ ਦੀ ਜੇਬ੍ਹ ਵਿੱਚੋਂ ਨਸ਼ੇ ਦੀ ਸਰਿੰਜ ਬਰਾਮਦ ਹੋਈ ਅਤੇ ਉਸਨੇ ਕਿਹਾ ਕਿ ਇਹ ਇਹ ਚੋਰੀ ਉਸਨੇ ਨਸ਼ੇ ਦੀ ਹਾਲਤ ਵਿੱਚ ਕੀਤੀ ਹੈ। ਉਸਨੇ ਆਪਣਾ ਨਾਮ ਮਨੀਸ਼ ਸ਼ਰਮਾ ਵਾਸੀ ਪਿੰਡ ਗਾਹਲੜੀ ਦੱਸਿਆ ਤੇ ਕਿਹਾ ਕਿ ਉਹ ਨਸ਼ੇ ਦੀ ਪੂਰਤੀ ਲਈ ਚੋਰੀਆਂ ਕਰਦਾ ਹੈ। ਉਸ ਨੇ ਇਹ ਵੀ ਦੱਸਿਆ ਹੈ ਕਿ ਉਹ ਬਹਿਰਾਮਪੁਰ ਦੇ ਨੇੜੇ ਰਹਿੰਦੇ ਲੋਕਾਂ ਤੋਂ ਸ਼ਰੇਆਮ ਨਸ਼ਾ ਲੈਂਦਾ ਹੈ ਜੋ ਸ਼ਰੇਆਮ ਨਸ਼ਾ ਵੇਚਦੇ ਹਨ।

ਇਹ ਵੀ ਪੜ੍ਹੋ : 12 ਪੰਜਾਬੀ ਅਰਮੇਨੀਆ ਦੀ ਜੇਲ੍ਹ ਵਿਚ ਫਸੇ, ਸੰਤ ਸੀਚੇਵਾਲ ਨੂੰ ਮਿਲੇ ਪੀੜਤਾਂ ਦੇ ਪਰਿਵਾਰ ਵਾਲੇ

ਮੌਕੇ ਤੇ ਮੌਜੂਦ ਗੁਰਮੇਤ ਸਿੰਘ ਦੁਕਾਨ ਦੇ ਮਾਲਕ ਨੇ ਦੱਸਿਆ ਕਿ ਉਹ ਦਿਲਰਾਜ ਟੈਲੀਕੋਮ ਦਾ ਮਾਲਕ ਹੈ ਅਤੇ ਦੁਪਹਿਰ ਨੂੰ ਦੁਕਾਨ ਬੰਦ ਕਰਕੇ ਖਾਣਾ ਖਾਣ ਲਈ ਘਰ ਗਿਆ ਸੀ ਤਾਂ ਪਿੱਛੋਂ ਇਹ ਪੇਚਕਸ ਨਾਲ ਦੁਕਾਨ ਦਾ ਤਾਲਾ ਤੋੜ ਕੇ ਅੰਦਰ ਦਾਖਲ ਹੋ ਗਿਆ ਤਾਂ ਅਮਰਜੀਤ ਕੌਰ ਜਿਸ ਦੀ ਡੇਅਰੀ ਬਿਲਕੁਲ ਨਾਲ ਹੈ ਉਸਨੇ ਚੋਰ ਨੂੰ ਮੌਕੇ ਤੋਂ ਰੰਗੇ ਹੱਥੀ ਫੜ ਲਿਆ ਅਤੇ ਉਸ ਕੋਲੋਂ 50 ਹਜਾਰ ਰੁਪਏ ਖੋਹ ਕੇ ਮੈਨੂੰ ਵਾਪਸ ਕੀਤੇ ਹਨ।

ਪੁਲਿਸ ਪ੍ਰਸ਼ਾਸਨ ਨੇ ਦੋਸ਼ੀ ਨੂੰ ਕਾਬੂ ਕਰਦਿਆਂ ਹੋਇਆ ਕਿਹਾ ਕਿ ਇਸ ਕੋਲੋਂ ਪੁੱਛਗਿੱਛ ਕੀਤੀ ਜਾਵੇਗੀ ਕਿ ਉਸ ਨੇ ਇਹ ਚੋਰੀ ਕਿਉਂ ਕੀਤੀ ਹੈ ਅਤੇ ਕਿੱਥੋਂ ਨਸ਼ਾ ਲਿਆਂਦਾ ਹੈ। ਇਸ ਦੇ ਨਾਲ ਹੀ ਉੱਚ ਅਧਿਕਾਰੀਆਂ ਨੂੰ ਇਸ ਸਬੰਧੀ ਸਾਰੀ ਜਾਣਕਾਰੀ ਦੇ ਦਿੱਤੀ ਜਾਵੇਗੀ।

The post ਖਾਧੀ ਪੀਤੀ ‘ਚ ਦੁਕਾਨ ‘ਚ ਵੜਿਆ ਚੋਰ, ਗੱਲੇ ਚੋਂ ਕੱਢੇ 50,000 ਰੁਪਏ, ਲੋਕਾਂ ਨੇ ਫੜ ਕੇ ਕੀਤੀ ਛਿੱਤਰ ਪਰੇਡ appeared first on Daily Post Punjabi.