ਆਈਬ੍ਰੋ ‘ਤੇ ਰਗੜੋ ਬਰਫ਼ ਦੇ ਟੁਕੜੇ: ਜਦੋਂ ਵੀ ਤੁਸੀਂ ਘਰ ‘ਚ ਜਾਂ ਪਾਰਲਰ ‘ਚ ਥਰੈਡਿੰਗ ਕਰਵਾਉਂਦੇ ਹੋ ਤਾਂ ਸਭ ਤੋਂ ਪਹਿਲਾਂ ਆਪਣੇ ਆਈਬ੍ਰੋ ‘ਤੇ ਬਰਫ਼ ਦੇ ਟੁਕੜੇ ਨੂੰ ਰਗੜੋ। ਜੇਕਰ ਆਈਸ ਕਿਊਬ ਨਹੀਂ ਹੈ ਤਾਂ ਤੁਸੀਂ ਠੰਡੇ ਪਾਣੀ ਨਾਲ ਵੀ ਚਿਹਰਾ ਧੋ ਸਕਦੇ ਹੋ। ਅਜਿਹਾ ਕਰਨ ਤੋਂ ਬਾਅਦ ਹੀ ਥਰੈਡਿੰਗ ਬਣਵਾਓ। ਇਸ ਨਾਲ ਤੁਹਾਨੂੰ ਜ਼ਿਆਦਾ ਦਰਦ ਨਹੀਂ ਹੋਵੇਗਾ।

ਐਲੋਵੇਰਾ ਜੈੱਲ ਲਗਾਓ: ਕੁਝ ਔਰਤਾਂ ਨੂੰ ਥਰੈਡਿੰਗ ਕਰਵਾਉਣ ਤੋਂ ਬਾਅਦ ਜਲਨ ਅਤੇ ਸੋਜ ਵਰਗੀਆਂ ਸਮੱਸਿਆਵਾਂ ਹੋਣ ਲੱਗਦੀਆਂ ਹਨ। ਅਜਿਹੀ ਸਮੱਸਿਆ ਹੋਣ ‘ਤੇ ਐਲੋਵੇਰਾ ਜੈੱਲ ਨਾਲ ਜਲਣ ਅਤੇ ਸੋਜ ਵਾਲੀ ਥਾਂ ‘ਤੇ ਮਾਲਿਸ਼ ਕਰੋ ਤੁਹਾਨੂੰ ਜਲਦੀ ਆਰਾਮ ਮਿਲੇਗਾ।

ਦਾਲਚੀਨੀ ਟੋਨਰ ਦੀ ਕਰੋ ਵਰਤੋਂ: ਦਾਲਚੀਨੀ ਟੋਨਰ ਵੀ ਥਰੈਡਿੰਗ ਬਣਵਾਉਣ ਤੋਂ ਬਾਅਦ ਹੋਣ ਵਾਲੇ ਦਰਦ ਤੋਂ ਵੀ ਰਾਹਤ ਦਿਵਾਉਂਦਾ ਹੈ। ਥ੍ਰੈਡਿੰਗ ਕਰਵਾਉਣ ਤੋਂ ਪਹਿਲਾਂ ਤੁਸੀਂ ਆਪਣੀਆਂ ਆਈਬ੍ਰੋ ‘ਤੇ ਦਾਲਚੀਨੀ ਚਾਹ ਦਾ ਟੋਨਰ ਸਪਰੇਅ ਕਰੋ। ਅਜਿਹਾ ਕਰਨ ਨਾਲ ਆਈਬ੍ਰੋ ਦੇ ਵਾਲ ਜਲਦੀ ਨਿਕਲ ਜਾਣਗੇ ਅਤੇ ਤੁਹਾਨੂੰ ਦਰਦ ਵੀ ਘੱਟ ਹੋਵੇਗਾ।

ਤੁਰੰਤ ਬਲੀਚ ਨਾ ਕਰਾਓ: ਜ਼ਿਆਦਾਤਰ ਔਰਤਾਂ ਥਰੈਡਿੰਗ ਕਰਵਾਉਣ ਤੋਂ ਬਾਅਦ ਬਲੀਚ ਵੀ ਕਰਵਾਉਂਦੀਆਂ ਹਨ ਜੋ ਕਿ ਗਲਤ ਹੈ। ਅਜਿਹਾ ਕਰਨ ਨਾਲ ਆਈਬ੍ਰੋ ਦੇ ਆਲੇ-ਦੁਆਲੇ ਜਲਣ ਅਤੇ ਸੋਜ ਵਰਗੀਆਂ ਸਮੱਸਿਆਵਾਂ ਹੋਰ ਵੀ ਵੱਧ ਜਾਂਦੀਆਂ ਹਨ। ਇਸ ਲਈ ਕੋਸ਼ਿਸ਼ ਕਰੋ ਕਿ ਥਰੈਡਿੰਗ ਤੋਂ ਇਕ ਦਿਨ ਪਹਿਲਾਂ ਜਾਂ ਬਾਅਦ ‘ਚ ਬਲੀਚ ਕਰਵਾਓ।

The post ਥਰੈਡਿੰਗ ਕਰਵਾਉਣ ਤੋਂ ਬਾਅਦ ਨਹੀਂ ਹੋਵੇਗੀ ਜਲਣ ਅਤੇ ਸੋਜ਼ ਬਸ ਰੱਖੋ ਇਨ੍ਹਾਂ ਗੱਲਾਂ ਦਾ ਖਾਸ ਧਿਆਨ appeared first on Daily Post Punjabi.