ਇਸ ਸੀਰੀਜ਼ ‘ਚ ਅਜੇ ਦੇਵਗਨ ਦੇ ਨਾਲ ਈਸ਼ਾ ਦਿਓਲ ਅਹਿਮ ਭੂਮਿਕਾ ‘ਚ ਨਜ਼ਰ ਆਉਣਗੀ। ਰੁਦਰ ਡਿਜ਼ਨੀ ਪਲੱਸ ਹੌਟਸਟਾਰ ‘ਤੇ ਰਿਲੀਜ਼ ਹੋਵੇਗੀ। ਇਸ ਸੀਰੀਜ਼ ‘ਚ ਪ੍ਰਸ਼ੰਸਕ ਇਕ ਵਾਰ ਫਿਰ ਅਜੇ ਦੇਵਗਨ ਨੂੰ ਪੁਲਸ ਵਾਲੇ ਦੀ ਭੂਮਿਕਾ ‘ਚ ਦੇਖਣਗੇ। ਰੁਦਰ ਦੇ ਪੋਸਟਰ ‘ਚ ਅਜੇ ਦੇਵਗਨ ਦਾ ਜ਼ਬਰਦਸਤ ਲੁੱਕ ਨਜ਼ਰ ਆ ਰਿਹਾ ਹੈ। ਟ੍ਰੇਲਰ ਰਿਲੀਜ਼ ਹੋਣ ਦੇ ਐਲਾਨ ਤੋਂ ਬਾਅਦ ਹੀ ਉਨ੍ਹਾਂ ਦੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ। ਵੈਸੇ ਵੀ, ਅਜੇ ਦੇਵਗਨ ਜਦੋਂ ਵੀ ਪੁਲਿਸ ਵਾਲੇ ਦੇ ਰੋਲ ‘ਚ ਪਰਦੇ ‘ਤੇ ਆਉਂਦੇ ਹਨ ਤਾਂ ਹੰਗਾਮਾ ਮਚ ਜਾਂਦਾ ਹੈ। ਅਜੇ ਦੇਵਗਨ ਮੁਤਾਬਕ ਇਸ ਸੀਰੀਜ਼ ‘ਚ ਉਨ੍ਹਾਂ ਦੀ ਭੂਮਿਕਾ ਤੀਬਰ, ਗੁੰਝਲਦਾਰ ਅਤੇ ਡਾਰਕ ਹੈ।

ਸੀਰੀਜ਼ ‘ਚ ਅਜੇ ਦੇ ਕਿਰਦਾਰ ‘ਚ ਗ੍ਰੇ ਸ਼ੇਡ ਨਜ਼ਰ ਆਉਣਗੇ। ਰੁਦਰ ਬ੍ਰਿਟਿਸ਼ ਸੀਰੀਜ਼ ਲੂਥਰ ਦਾ ਹਿੰਦੀ ਰੀਮੇਕ ਹੈ। ਅਜੇ ਦੇਵਗਨ ਅਤੇ ਈਸ਼ਾ ਦਿਓਲ ਇਸ ਤੋਂ ਪਹਿਲਾਂ ‘ਯੁਵਾ’, ‘ਮੈਂ ਐਸੀ ਹੀ ਹੂੰ’, ‘ਕਾਲ’, ‘ਐਲਓਸੀ-ਕਾਰਗਿਲ’ ਵਿੱਚ ਇਕੱਠੇ ਕੰਮ ਕਰ ਚੁੱਕੇ ਹਨ। ਕਈ ਸਾਲਾਂ ਬਾਅਦ ਦੋਵਾਂ ਦੀ ਜੋੜੀ ਹੁਣ ਪਰਦੇ ‘ਤੇ ਨਜ਼ਰ ਆਉਣ ਵਾਲੀ ਹੈ। ਈਸ਼ਾ ਦਿਓਲ ਵੀ ਇਸ ਪ੍ਰੋਜੈਕਟ ਦਾ ਹਿੱਸਾ ਬਣ ਕੇ ਬਹੁਤ ਖੁਸ਼ ਹੈ। ਈਸ਼ਾ ਇਸ ਤੋਂ ਪਹਿਲਾਂ ਸ਼ਾਰਟ ਫਿਲਮ ਕੇਕਵਾਕ ‘ਚ ਕੰਮ ਕਰਦੀ ਨਜ਼ਰ ਆਈ ਸੀ। ਬ੍ਰਿਟਿਸ਼ ਡਰਾਮਾ ਲੂਥਰ ਦੀ ਗੱਲ ਕਰੀਏ ਤਾਂ ਇਹ 2010 ਵਿੱਚ ਰਿਲੀਜ਼ ਹੋਇਆ ਸੀ। ਇਸ ਦੇ 5 ਸੀਜ਼ਨ ਸਨ। ਜੇਕਰ ਤੁਸੀਂ ਅਜੇ ਦੇਵਗਨ ਦੀ ਕ੍ਰਾਈਮ ਡਰਾਮਾ ਤੋਂ ਪਹਿਲਾਂ ਲੂਥਰ ਨੂੰ ਦੇਖਣਾ ਚਾਹੁੰਦੇ ਹੋ, ਤਾਂ ਇਸ ਨੂੰ ਐਮਾਜ਼ਾਨ ਪ੍ਰਾਈਮ ਵੀਡੀਓ ‘ਤੇ ਦੇਖਿਆ ਜਾ ਸਕਦਾ ਹੈ।

The post ਅਜੈ ਦੇਵਗਨ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ, ਸ਼ਨੀਵਾਰ ਨੂੰ ਰਿਲੀਜ਼ ਹੋਵੇਗਾ ‘Rudra’ ਦਾ ਟ੍ਰੇਲਰ appeared first on Daily Post Punjabi.