ਥਾਇਰਾਇਡ ਕੀ ਹੈ: ਦਰਅਸਲ ਥਾਇਰਾਇਡ ਤਿਤਲੀ ਦੇ ਆਕਾਰ ਦਾ ਇੱਕ ਗਲੈਂਡ ਹੈ ਜੋ ਔਰਤਾਂ ਅਤੇ ਮਰਦ ਦੋਵਾਂ ‘ਚ ਹੁੰਦਾ ਹੈ। ਇਹ ਸਰੀਰ ਦੇ ਮੇਟਾਬੋਲੀਜਿਮ, ਹਾਰਟ ਫ਼ੰਕਸ਼ਨ, ਹੱਡੀਆਂ, ਸਕਿਨ ਅਤੇ ਅੰਤੜੀਆਂ ‘ਚ ਮਹੱਤਵਪੂਰਣ ਭੂਮਿਕਾ ਅਦਾ ਕਰਦਾ ਹੈ। ਇਸ ਤੋਂ ਇਲਾਵਾ ਇਹ ਗਲੈਂਡ ਦੋ ਕਿਸਮਾਂ ਦੇ ਹਾਰਮੋਨਸ ਟੀ3 ਅਤੇ ਟੀ4 ਬਣਾਉਂਦੀ ਹੈ ਪਰ ਜਦੋਂ ਇਨ੍ਹਾਂ ‘ਚ ਗੜਬੜ ਆ ਜਾਵੇ ਤਾਂ ਬਹੁਤ ਸਾਰੀਆਂ ਮੁਸ਼ਕਲਾਂ ਸ਼ੁਰੂ ਹੋ ਜਾਂਦੀਆਂ ਹਨ। ਥਾਇਰਾਇਡ ਕਈ ਵਾਰ ਘੱਟ ਜਾਂ ਜ਼ਿਆਦਾ ਹੋ ਜਾਂਦਾ ਹੈ। ਜਦੋਂ ਇਸ ਦੀ ਕੰਮ ਕਰਨ ਦੀ ਯੋਗਤਾ ਘੱਟ ਜਾਂਦੀ ਹੈ ਤਾਂ ਇਸ ਨੂੰ ਹਾਈਪੋਥਾਈਰੋਡਿਜ਼ਮ ਕਹਿੰਦੇ ਹਨ। ਇਸ ‘ਚ ਚਿਹਰੇ ‘ਤੇ ਥਕਾਵਟ, ਪੀਰੀਅਡਜ਼, ਮੋਟਾਪਾ, ਚਿਹਰੇ ‘ਤੇ ਅਣਚਾਹੇ ਵਾਲ ਵਰਗੀਆਂ ਸਮੱਸਿਆਵਾਂ ਹੋਣ ਲੱਗਦੀਆਂ ਹਨ। ਜਦੋਂ ਕਿ ਹਾਈਪਰਥਾਈਰਾਇਡ ‘ਚ ਘਬਰਾਹਟ, ਚਿੰਤਾ, ਤਣਾਅ ਵਰਗੇ ਲੱਛਣ ਦਿਖਾਈ ਦਿੰਦੇ ਹਨ।

ਔਰਤਾਂ ਨੂੰ ਬਣਾ ਸਕਦਾ ਹੈ ਬਾਂਝ: ਥਾਇਰਾਇਡ ਵੀ ਦੋ ਕਿਸਮਾਂ ਦਾ ਹੁੰਦਾ ਹੈ – ਹਾਈਪੋ ਅਤੇ ਹਾਈਪਰ ਥਾਇਰਾਇਡ। ਹਾਈਪੋ ਥਾਈਰੋਇਡਿਜ਼ਮ ਦੇ ਜ਼ਿਆਦਾਤਰ ਮਾਮਲੇ ਔਰਤਾਂ ‘ਚ ਜ਼ਿਆਦਾ ਆਮ ਹੁੰਦੇ ਹਨ। ਇਹ ਉਨ੍ਹਾਂ ਔਰਤਾਂ ਲਈ ਸਭ ਤੋਂ ਵੱਡੀ ਸਮੱਸਿਆ ਹੈ ਜੋ ਕੰਸੀਵ ਕਰਨਾ ਚਾਹੁੰਦੀਆਂ ਹਨ। ਦਰਅਸਲ ਇਸ ਦੇ ਕਾਰਨ ਪੀਰੀਅਡਜ਼ ਅਤੇ ਓਵੂਲੇਸ਼ਨ ਚੱਕਰ ‘ਤੇ ਅਸਰ ਪੈਂਦਾ ਹੈ ਜੋ ਔਰਤ ਨੂੰ ਮਾਂ ਨਹੀਂ ਬਣਨ ਦਿੰਦੀ ਯਾਨੀ ਕਿ ਬਾਂਝਪਨ ਦੀ ਸਮੱਸਿਆ।

ਕਿਸ ਉਮਰ ‘ਚ ਥਾਇਰਾਇਡ ਦਾ ਖ਼ਤਰਾ: ਥਾਇਰਾਇਡ ਇਕ ਗਲੈਂਡ ਹੈ ਜੋ ਕਿਸੇ ਵੀ ਉਮਰ ‘ਚ ਕੰਮ ਕਰਨਾ ਬੰਦ ਕਰ ਸਕਦੀ ਹੈ। ਦੱਸ ਦਈਏ ਕਿ ਥਾਇਰਾਇਡ ਨਵਜੰਮੇ ਬੱਚੇ ਨੂੰ ਵੀ ਹੋ ਸਕਦਾ ਹੈ। ਅਕਸਰ ਜਦੋਂ ਬੱਚਾ ਪੈਦਾ ਹੁੰਦਾ ਹੈ ਤਾਂ ਬੱਚੇ ਦੇ ਥਾਇਰਾਇਡ ਦੀ ਜਾਂਚ 4-5 ਵੇਂ ਦਿਨ ਕੀਤੀ ਜਾਂਦੀ ਹੈ। ਜੇ ਉਨ੍ਹਾਂ ਦੇ ਥਾਇਰਾਇਡ ‘ਚ ਕੁਝ ਗੜਬੜ ਹੋਵੇ ਤਾਂ ਡਾਕਟਰ ਦਵਾਈ ਦਿੰਦੇ ਹਨ। ਪਰ ਜੇ ਅਜਿਹਾ ਨਹੀਂ ਕੀਤਾ ਜਾਂਦਾ ਹੈ ਤਾਂ ਬਾਅਦ ਵਿਚ ਉਨ੍ਹਾਂ ਨੂੰ ਅੱਗੇ ਚੱਲਕੇ ਸਮੱਸਿਆ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਆਟੋ ਇਮਿਊਨ, ਰਾਇਮੇਟਾਇਡ ਗਠੀਏ ਵਾਲਿਆਂ ਨੂੰ ਵੀ ਇਸ ਦਾ ਜ਼ਿਆਦਾ ਖ਼ਤਰਾ ਹੁੰਦਾ ਹੈ।

ਥਾਇਰਾਇਡ ਦੀ ਦਵਾਈ ਕਦੋਂ ਤੱਕ ਅਤੇ ਕਿਵੇਂ ਲੈਣੀ ਹੈ: ਹਾਈਪੋਥਾਇਰਾਇਡ ਦੀ ਦਵਾਈ ਸਾਰੀ ਉਮਰ ਖਾਣੀ ਪੈਂਦੀ ਹੈ ਜਦੋਂ ਕਿ ਹਾਈਪਰਥਾਈਰੋਇਡ ਦਵਾਈ ਕਦੇ-ਕਦੇ ਪੂਰੀ ਉਮਰ ਨਹੀਂ ਚਲਦੀ। ਹਾਲਾਂਕਿ ਕਈ ਵਾਰ ਇਹ ਸਾਰੀ ਜਿੰਦਗੀ ਵੀ ਖਾਣੀ ਪੈ ਜਾਂਦੀ ਹੈ। ਗਰਭਵਤੀ ਔਰਤਾਂ ਲਈ ਥਾਇਰਾਇਡ ਨੂੰ ਕੰਟਰੋਲ ‘ਚ ਰੱਖਣਾ ਬਹੁਤ ਜ਼ਰੂਰੀ ਹੈ ਕਿਉਂਕਿ ਇਸ ਦਾ ਪੂਰਾ ਅਸਰ ਸ਼ੀਸ਼ੂ ਦੇ ਦਿਮਾਗ ‘ਤੇ ਪੈਂਦਾ ਹੈ। ਜੇ ਥਾਇਰਾਇਡ ਖ਼ਰਾਬ ਹੋ ਜਾਵੇ ਤਾਂ ਬੱਚੇ ਨੂੰ ਮਾਨਸਿਕ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਇਨ੍ਹਾਂ ਚੀਜ਼ਾਂ ਨੂੰ ਯਾਦ ਰੱਖੋ: ਥਾਇਰਾਇਡ ਨੂੰ ਕੰਟਰੋਲ ਕਰਨ ਵਿਚ ਹੈਲਥੀ ਲਾਈਫਸਟਾਈਲ ਦਾ ਬਹੁਤ ਅਹਿਮ ਰੋਲ ਹੈ।

• ਜਿੰਨਾ ਸੰਭਵ ਹੋ ਸਕੇ ਤਣਾਅ, ਚਿੰਤਾ ਤੋਂ ਦੂਰ ਰਹੋ ਅਤੇ ਆਪਣੀ ਰੁਟੀਨ ‘ਚ ਯੋਗਾ ਅਤੇ ਐਕਸਰਸਾਈਜ਼ ਨੂੰ ਸ਼ਾਮਲ ਕਰੋ। ਇਸਦੇ ਲਈ ਤੁਸੀਂ ਮੈਡੀਟੇਸ਼ਨ, ਮੈਟਸਿਆਸਨ, ਹਲਾਸਨ, ਵਿਪਰੀਤ ਕਰਨੀ ਅਤੇ ਸਰਵੰਗਸਨਾ ਕਰ ਸਕਦੇ ਹੋ।
• ਥਾਇਰਾਇਡ ਮਰੀਜ਼ ਨੂੰ ਰੋਜ਼ਾਨਾ 1 ਗਲਾਸ ਦੁੱਧ ਪੀਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਡਾਇਟ ‘ਚ ਮੌਸਮੀ ਫਲ, ਤਾਜ਼ੀਆਂ ਸਬਜ਼ੀਆਂ, ਸਾਬਤ ਅਨਾਜ, ਸੁੱਕੇ ਮੇਵੇ, ਮੁਲੇਠੀ ਆਦਿ ਚੀਜ਼ਾਂ ਦਾ ਸੇਵਨ ਕਰੋ।
• ਸੋਇਆ ਪ੍ਰੋਡਕਟਸ, ਆਇਲੀ ਅਤੇ ਮਸਾਲੇਦਾਰ ਭੋਜਨ, ਹਾਈ ਕੈਲੋਰੀ, ਕੌਫੀ, ਸ਼ੂਗਰ ਵਾਲੀਆਂ ਚੀਜ਼ਾਂ, ਜੰਕ ਫੂਡਜ਼ ਤੋਂ ਪਰਹੇਜ਼ ਕਰੋ ਕਿਉਂਕਿ ਉਹ ਪਾਚਕ ਕਿਰਿਆ ਨੂੰ ਹੌਲੀ ਕਰ ਦਿੰਦਾ ਹੈ ਜਿਸ ਨਾਲ ਬਿਮਾਰੀ ਵਧ ਸਕਦੀ ਹੈ। ਇਸ ਤੋਂ ਇਲਾਵਾ ਸੀ ਫ਼ੂਡ, ਬ੍ਰੋਕਲੀ, ਰੈੱਡ ਮੀਟ, ਰਿਫਾਈਡ ਭੋਜਨ ਦਾ ਸੇਵਨ ਵੀ ਬਿਲਕੁਲ ਨਾ ਕਰੋ।

The post Thyroid ਦੀ ਦਵਾਈ ਗ਼ਲਤ ਤਰੀਕੇ ਨਾਲ ਨਾ ਖਾਓ, ਕੰਟਰੋਲ ‘ਚ ਨਹੀਂ ਆਵੇਗੀ ਬੀਮਾਰੀ appeared first on Daily Post Punjabi.