‘ਟਾਈਗਰ 3’ OTT ਪਲੇਟਫਾਰਮ Amazon Prime Video ‘ਤੇ ਰਿਲੀਜ਼ ਹੋਵੇਗੀ। Amazon Prime Video ਨੇ ਆਪਣੇ ਅਧਿਕਾਰਤ X ਹੈਂਡਲ ‘ਤੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਪੋਸਟ ਵਿੱਚ ਲਿਖਿਆ ਹੈ, “ਅਸੀਂ ਦਹਾੜ ਸੁਣੀ, ਟਾਈਗਰ ਆਪਣੇ ਰਾਹ ‘ਤੇ ਹੈ, ਟਾਈਗਰ 3 ਪ੍ਰਾਈਮ ‘ਤੇ, ਜਲਦੀ ਆ ਰਹੀ ਹੈ।” ਹਾਲਾਂਕਿ ‘ਟਾਈਗਰ 3’ ਦੀ ਓਟੀਟੀ ਰਿਲੀਜ਼ ਡੇਟ ਅਜੇ ਸਾਹਮਣੇ ਨਹੀਂ ਆਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹਿੰਦੀ ਤੋਂ ਇਲਾਵਾ ਇਹ ਫਿਲਮ ਓਟੀਟੀ ‘ਤੇ ਤਾਮਿਲ ਅਤੇ ਤੇਲਗੂ ‘ਚ ਵੀ ਦਿਖਾਈ ਜਾ ਸਕਦੀ ਹੈ।  ਸਲਮਾਨ ਖਾਨ ਦੀ ‘ ਟਾਈਗਰ 3’ ਨੇ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਓਪਨਿੰਗ ਕੀਤੀ ਸੀ ਅਤੇ ਘਰੇਲੂ ਬਾਕਸ ਆਫਿਸ ‘ਤੇ ਪੰਜ ਹਫਤਿਆਂ ਤੱਕ ਕਾਫੀ ਧਮਾਲ ਮਚਾਈ ਸੀ। ਫਿਲਮ ਦੀ ਕਮਾਈ ਦੀ ਗੱਲ ਕਰੀਏ ਤਾਂ ਇਸ ਨੇ ਘਰੇਲੂ ਬਾਜ਼ਾਰ ‘ਚ 282.79 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ, ਜਦੋਂ ਕਿ ਇਸ ਫਿਲਮ ਦੀ ਦੁਨੀਆ ਭਰ ‘ਚ ਕਮਾਈ 464 ਕਰੋੜ ਰੁਪਏ ਸੀ।

we heard the roars, tiger is on his way #Tiger3OnPrime, coming soon@BeingSalmanKhan #KatrinaKaif @emraanhashmi #ManeeshSharma @yrf pic.twitter.com/Fv9zB1oHJg

— prime video IN (@PrimeVideoIN) January 6, 2024

ਮਨੀਸ਼ ਸ਼ਰਮਾ ਦੁਆਰਾ ਨਿਰਦੇਸ਼ਤ, ‘ਟਾਈਗਰ 3’ ਪ੍ਰਸਿੱਧ ਐਕਸ਼ਨ ਫਰੈਂਚਾਇਜ਼ੀ ਦੀ ਤੀਜੀ ਫਿਲਮ ਹੈ। ਇਸ ਫਿਲਮ ‘ਚ ਸਲਮਾਨ ਨੇ ਇਕ ਵਾਰ ਫਿਰ ਏਜੰਟ ਟਾਈਗਰ ਦੇ ਕਿਰਦਾਰ ‘ਚ ਵਾਪਸੀ ਕੀਤੀ ਹੈ ਅਤੇ ਕੈਟਰੀਨਾ ਕੈਫ ਨੇ ਜ਼ੋਇਆ ਦੇ ਕਿਰਦਾਰ ‘ਚ ਵਾਪਸੀ ਕੀਤੀ ਹੈ। ਫਿਲਮ ‘ਚ ਇਮਰਾਨ ਹਾਸ਼ਮੀ ਨੂੰ ਖਲਨਾਇਕ ਦੇ ਰੂਪ ‘ਚ ਦਿਖਾਇਆ ਗਿਆ ਹੈ। ‘ਟਾਈਗਰ 3’ ‘ਚ ਦੋ ਖਾਸ ਕੈਮਿਓ ਨੇ ਕਾਫੀ ਸੁਰਖੀਆਂ ਬਟੋਰੀਆਂ ਸਨ। ਇਸ ਐਕਸ਼ਨ ਐਂਟਰਟੇਨਮੈਂਟ ਵਿੱਚ ਸ਼ਾਹਰੁਖ ਖਾਨ ਨੇ ਸਲਮਾਨ ਖਾਨ ਨਾਲ ‘ਪਠਾਨ’ ਅਤੇ ਰਿਤਿਕ ਰੋਸ਼ਨ ਨੇ ‘ਕਬੀਰ’ ਦੇ ਰੂਪ ਵਿੱਚ ਫਰੇਮ ਸਾਂਝਾ ਕੀਤਾ ਹੈ।