Tiktok star noor gift Archives - Daily Post Punjabi

ਕੀ Apple ਖਰੀਦੇਗਾ Tiktok ?

Damanjot Khurana — Wed, 05 Aug 2020 08:41:00 +0000

apple willl buy tiktok: ਪਾਪੁਲਰ ਵੀਡੀਓ ਐਪ ਟਿਕਟੋਕ ਅੱਜ ਕੱਲ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੀ ਹੈ। ਭਾਰਤ ‘ਚ ਬੰਦ ਹੋਣ ਤੋਂ ਬਾਅਦ ਹੁਣ ਅਮਰੀਕਾ ‘ਚ ਵੀ ਰੋਕ ਦਾ ਖ਼ਤਰਾ ਮੰਡਰਾ ਰਿਹਾ ਹੈ। ਹਾਲ ਹੀ ‘ਚ ਇੱਕ ਰਿਪੋਰਟ ਨੇ ਦਾਅਵਾ ਕੀਤਾ ਜਾ ਰਿਹਾ ਸੀ ਕਿ ਟੇਕ ਜਾਇੰਟ ਐਪਲ ਟਿਕ ਟਾਕ ਦਾ ਮਾਲਿਕਾਨਾ ਹੱਕ ਰੱਖਣ ਵਾਲੀ ਕੰਪਨੀ ਬਾਇਟਡਾਂਸ ਨੂੰ ਖਰੀਦ ਸਕਦਾ ਹੈ। ਪਰ ਐਪਲ ਨੇ ਸਾਫ਼ ਕੀਤਾ ਹੈ ਕਿ ਉਸਦੀ ਟਿਕਟੋਕ ਨੂੰ ਖਰੀਦਣ ‘ਚ ਹਜੇ ਕੋਈ ਦਿਲਚਸਪੀ ਨਹੀਂ ਹੈ। ਹਾਲਾਂਕਿ ਅਮਰੀਕਾ ਦੀ ਇੱਕ ਹੋਰ ਟੇਕ ਜਾਇੰਟ ਕੰਪਨੀ ਮਾਇਕਰੋਸਾਫਟ ਨੇ ਟਿਕਟੋਕ ਨੂੰ ਖਰੀਦਣ ਵਿੱਚ ਰੂਚੀ ਵਿਖਾਈ ਹੈ। ਟਰੰਪ ਨੇ ਟਿਕ ਟਾਕ ਨੂੰ ਵੇਚਣ ਲਈ ਬਾਇਟਡਾਂਸ ਨੂੰ 45 ਦਿਨ ਦਾ ਵਕਤ ਦਿੱਤਾ ਹੈ। ਮਾਇਕਰੋਸਾਫਟ ਟਿਕਟਾਕ ਨੂੰ ਖਰੀਦਣ ਲਈ ਮੋਲਭਾਵ ਕਰ ਰਿਹਾ ਹੈ।

ਟਰੰਪ ਪ੍ਰਸ਼ਾਸਨ ਨੇ ਪਿਛਲੇ ਹਫਤੇ ਨੇ ਰਾਸ਼ਟਰੀ ਸੁਰੱਖਿਆ ਦੇ ਮੱਦੇਨਜਰ ਟਿਕਟੋਕ ਨੂੰ ਲੈਕੇ ਚਿੰਤਾ ਸਾਫ਼ ਜ਼ਾਹਰ ਕੀਤੀ ਸੀ। ਟਰੰਪ ਦਾ ਦਾਅਵਾ ਹੈ ਕਿ ਟਿਕਟੋਕ ਰਾਸ਼ਟਰੀ ਸੁਰੱਖਿਆ ਲਈ ਬਹੁਤ ਖ਼ਤਰਾ ਹੈ। ਇਸਤੋਂ ਪਹਿਲਾਂ ਟਰੰਪ ਚੀਨ ਦੀ ਇੱਕ ਹੋਰ ਵੱਡੀ ਕੰਪਨੀ ਹੁਆਵੇ ‘ਤੇ ਪਹਿਲਾਂ ਹੀ ਵੱਡੀ ਕਾਰਵਾਈ ਕਰ ਚੁੱਕੇ ਹਨ। ਉਥੇ ਹੀ ਵਹਾਇਟ ਹਾਉਸ ਦੀ ਪ੍ਰਵਕਤਾ ਦਾ ਕਹਿਣਾ ਹੈ ਕਿ ਅਮਰੀਕਾ ਆਉਣ ਵਾਲੇ ਦਿਨਾਂ ‘ਚ ਟਿਕਟਾਕ ਦੇ ਇਲਾਵਾ ਚੀਨ ਦੀ ਬਾਕੀ ਐਪਸ ਉੱਤੇ ਵੀ ਐਕਸ਼ਨ ਲੈਣ ਦੀ ਤਿਆਰੀ ਕਰ ਰਿਹਾ ਹੈ। ਪ੍ਰਵਕਤਾ ਨੇ ਕਿਹਾ, ਟਿਕਟਾਕ ਸਮੇਤ ਬਾਕੀ ਚਾਇਨੀਜ ਐਪ ‘ਤੇ ਰਾਸ਼ਟਰੀ ਸੁਰੱਖਿਆ ਦੇ ਮੱਦੇਨਜਰ ਐਕਸ਼ਨ ਲਿਆ ਜਾਵੇਗਾ। ਇਸ ਐਪਸ ਤੋਂ ਦੇਸ਼ ਦੀ ਸੁਰੱਖਿਆ ਨੂੰ ਬਹੁਤ ਖ਼ਤਰਾ ਹੈ। ਦੱਸ ਦੇਈਏ ਕਿ ਚੀਨ ਦੀ ਟਿਕਟਾਕ ਸਮੇਤ 100 ਤੋਂ ਜ਼ਿਆਦਾ ਐਪਸ ਨੂੰ ਭਾਰਤ ‘ਚ ਵੀ ਕਾਰਵਾਈ ਦਾ ਸਾਹਮਣਾ ਕਰਨਾ ਪਿਆ।

The post ਕੀ Apple ਖਰੀਦੇਗਾ Tiktok ? appeared first on Daily Post Punjabi.

Tiktok ਬੈਨ ਮਗਰੋਂ ਚੀਨ ਨੂੰ ਲੱਗਾ 6 ਅਰਬ ਡਾਲਰ ਦਾ ਝਟਕਾ !

Damanjot Khurana — Thu, 02 Jul 2020 09:53:00 +0000

Tiktok loss after banned in india: India-China ‘ਚ ਚਲਦੇ ਤਣਾਅ ਕਾਰਨ ਭਾਰਤ ਨੇ ਇੱਕ ਵੱਡਾ ਫੈਸਲਾ ਲੈਂਦਿਆਂ TikTok ਸਮੇਤ 59 ਐਪਸ ਨੂੰ ਬੈਨ ਕਰ ਦਿੱਤਾ ਹੈ। ਜਿਸ ਤੋਂ ਬਾਅਦ ਇੱਕ ਚੀਨੀ ਅਖ਼ਬਾਰ ਗਲੋਬਲ ਟਾਈਮਜ਼ ਦੀ ਰਿਪੋਰਟ ਦੀ ਮੰਨੀਏ ਤਾਂ ਇਸ ਫੈਸਲੇ ਤੋਂ ਬਾਅਦ ਚੀਨ ਨੂੰ ਵੱਡਾ ਝਟਕਾ ਲੱਗਾ ਹੈ ਅਤੇ ਅਨੁਮਾਨ ਮੁਤਾਬਕ 6 ਅਰਬ ਡਾਲਰ ਦਾ ਭਾਰੀ ਨੁਕਸਾਨ ਵੀ ਝੱਲਣਾ ਪੈ ਸਕਦਾ ਹੈ। ਦੱਸ ਦੇਈਏ ਕਿ ਇਹ ਮਾਮਲਾ ਪਿਛਲੇ ਮਹੀਨੇ ਭਾਰਤ ਅਤੇ ਚੀਨੀ ਫ਼ੌਜੀਆਂ ਵਿਚਕਾਰ ਲੱਦਾਖ ਸਰਹੱਦ ਦੇ ਨੇੜੇ ਹੋਈ ਝੜਪ ਤੋਂ ਸ਼ੁਰੂ ਹੋਇਆ ਜਿਸ ਤੋਂ ਬਾਅਦ ਭਾਰਤ ‘ਚ ਚੀਨੀ ਉਤਪਾਦਾਂ ‘ਤੇ ਵਿਰੋਧ ਸ਼ੁਰੂ ਹੋ ਗਿਆ ਸੀ। ਇਕ ਕਰੀਬੀ ਸੂਤਰ ਮੁਤਾਬਕ ਇਸਦਾ ਸਿੱਧਾ ਅਸਰ ਚੀਨੀ ਇੰਟਰਨੈੱਟ ਕੰਪਨੀ ‘ਤੇ ਪਿਆ ਹੈ। ਜ਼ਿਕਰਯੋਗ ਹੈ ਕਿ ਬਾਈਟਡਾਂਸ ਟਿਕਟਾਕ ਅਤੇ ਹੈਲੋ ਬਣਾਉਣ ਵਾਲੀ ਕੰਪਨੀ ਹੈ, ਜਿਸ ਨੂੰ 6 ਅਰਬ ਡਾਲਰ ਦਾ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

Tiktok loss after banned in india

ਭਾਰਤੀ ਦੇ ਸੂਚਨਾ ਉਦਯੋਗਿਕੀ ਮੰਤਰਾਲੇ ਵੱਲੋਂ 59 ਐਪ ‘ਤੇ ਪ੍ਰਤੀਬੰਧ ਲਗਾਉਂਦਿਆਂ ਇਸਨੂੰ ਭਾਰਤ ਦੀ ਪ੍ਰਭੂਸੱਤਾ ਅਤੇ ਅਖੰਡਤਾ, ਭਾਰਤ ਦੀ ਸੁਰੱਖਿਆ, ਰਾਜ ਦੀ ਸੁਰੱਖਿਆ ਅਤੇ ਜਨਤਕ ਵਿਵਸਥਾ ਲਈ ਮਹੱਤਵਪੂਰਨ ਦੱਸਿਆ। ਰਿਪੋਰਟਾਂ ਦੀ ਮੰਨੀਏ ਤਾਂ ਬਾਈਟਡਾਂਸ ਨੇ ਬੀਤੇ ਕੁਝ ਸਾਲਾਂ ‘ਚ ਭਾਰਤੀ ਬਾਜ਼ਾਰ ‘ਚ 1 ਬਿਲੀਅਨ ਡਾਲਰ ਤੋਂ ਵੱਧ ਦਾ ਨਿਵੇਸ਼ ਕੀਤਾ ਹੈ ਅਤੇ ਇਸ ਪਾਬੰਦੀ ਨੇ ਬਾਈਟਡਾਂਸ ਦੇ ਕਾਰੋਬਾਰ ਨੂੰ ਬੁਰੀ ਤਰਾਂ ਨੁਕਸਾਨ ਪਹੁੰਚਾਇਆ ਹੈ।

The post Tiktok ਬੈਨ ਮਗਰੋਂ ਚੀਨ ਨੂੰ ਲੱਗਾ 6 ਅਰਬ ਡਾਲਰ ਦਾ ਝਟਕਾ ! appeared first on Daily Post Punjabi.

TikTok ਸਟਾਰ ਨੂਰ ਨੂੰ ਵਿਦੇਸ਼ ਤੋਂ ਆਏ ਮਹਿੰਗੇ ਗਿਫ਼ਟ !

Manisha Bangar — Sat, 13 Jun 2020 13:35:38 +0000

Tiktok star noor gift : ਟਿਕ ਟਾਕ ਸਟਾਰ ਨੂਰ ਨੂੰ ਤਾਂ ਸਭ ਜਾਣਦੇ ਹੀ ਹਨ। ਉਹਨਾਂ ਨੇ ਸੋਸ਼ਲ ਮੀਡੀਆ ‘ਤੇ ਧਮਾਲਾਂ ਪਾਈਆਂ ਹਨ। ਨੂਰ ਦੀ ਹਰ ਟਿਕ ਟਾਕ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ USA ਤੋਂ ਕਿਸੇ ਪੰਜਾਬੀ ਵੀਰ ਨੇ ਨੂਰ ਦੇ ਸਾਥੀ ਕਲਾਕਾਰ ਸੰਦੀਪ ਟੂਰ ਤੇ ਵਰਨ ਲਈ ਆਈਫੋਨ ਗਿਫਟ ਭੇਜਿਆ ਹੈ।

Tiktok star noor gift

ਇਸ ਤੋਂ ਇਲਾਵਾ ਇੱਕ ਕਬੱਡੀ ਖਿਡਾਰੀ ਜੋ UK ਤੋਂ ਹਨ, ਉਨ੍ਹਾਂ ਦੀ ਟੀਮ ਨੂੰ ਤੀਹ ਹਜ਼ਾਰ ਰੁਪਏ ਵੀ ਭੇਜੇ ਹਨ। ਇਨ੍ਹਾਂ ਸਭ ਗੱਲਾਂ ਦਾ ਜਿਕਰ ਖੁਦ ਸੰਦੀਪ ਟੂਰ ਨੇ ਆਪਣੇ ਲਾਈਵ ‘ਚ ਕੀਤਾ ਹੈ।ਇਸ ਤੋਂ ਇਲਾਵਾ ਕੋਰੋਨਾ ਮਿਸ਼ਨ ਜਿੱਤਣ ਲਈ ਪੰਜਾਬ ਸਰਕਾਰ ਵੱਲੋਂ ਸ਼ੁਰੂ ਕੀਤੇ ਗਏ ਮਿਸ਼ਨ ਫਤਿਹ ਦੇ ਤਹਿਤ ਸਰਕਾਰ ਵੱਲੋਂ ਟਿਕਟਾਕ ਸਟਾਰ ਨੂਰ ਨੂੰ 5 ਲੱਖ ਰੁਪਏ ਦਾ ਚੈੱਕ ਵੀ ਦਿੱਤਾ ਗਿਆ ਹੈ।

Tiktok star noor gift

ਦਰਅਸਲ 5 ਸਾਲ ਦੇ ਟਿਕ-ਟਾਕ ਸਟਾਰ ਨੂਰ ਨੇ ਟਿਕਟਾਕ ‘ਤੇ ਕਈ ਤਰ੍ਹਾਂ ਦੇ ਵੀਡੀਓਜ਼ ਬਣਾਏ ਹਨ, ਜਿਸ ਦੇ ਜ਼ਰੀਏ ਉਹਨਾਂ ਨੇ ਲੋਕਾਂ ਨੂੰ ਕਰਫਿਊ ਜਾਂ ਲੌਕਡਾਊਨ ਨਿਯਮਾਂ ਦੀ ਪਾਲਣਾ ਕਰਨ ਲਈ ਕਿਹਾ ਹੈ। ਇਸ ਦੌਰਾਨ ਨੂਰ ਨੇ ਅਪਣੇ ਤਰੀਕੇ ਨਾਲ ਮਿਸ਼ਨ ਫਤਿਹ ਵਿਚ ਯੋਗਦਾਨ ਪਾਇਆ ਹੈ। ਜ਼ਿਲ੍ਹਾ ਮੈਜਿਸਟਰੇਟ ਸੰਦੀਪ ਹੰਸ ਅਤੇ ਸਥਾਨਕ ਐਸਡੀਐਮ ਸਤਵੰਤ ਸਿੰਘ ਨੇ ਨੂਰ, ਉਹਨਾਂ ਦੇ ਪਿਤਾ ਸਤਨਾਮ ਸਿੰਘ, ਭੈਣ ਜਸ਼ਨਪ੍ਰੀਤ ਅਤੇ ਉਨ੍ਹਾਂ ਦੀ ਟੀਮ ਦੇ ਇਕ ਮੈਂਬਰ ਨੂੰ ਇਹ ਚੈੱਕ ਦਿੱਤਾ।

ਇਸ ਮੌਕੇ ਜ਼ਿਲ੍ਹਾ ਮੈਜਿਸਟਰੇਟ ਨੇ ਕਿਹਾ ਕਿ ਨੂਰ ਅਤੇ ਉਹਨਾਂ ਦੀ ਟੀਮ ਨੇ ਕਿਹਾ ਕਿ ਨੂਰ ਨੇ ਲੌਕਡਾਊਨ ਤੇ ਕਰਫਿਊ ਦੌਰਾਨ ਘਰਾਂ ਵਿਚ ਬੈਠੇ ਲੋਕਾਂ ਦਾ ਮਨੋਰੰਜਨ ਕਰਨ ਅਤੇ ਉਹਨਾਂ ਨੂੰ ਸਿੱਖਿਆ ਦੇਣ ਵਿਚ ਅਹਿਮ ਯੋਗਦਾਨ ਪਾਇਆ ਹੈ। ਦੱਸ ਦਈਏ ਕਿ ਇਸ ਛੋਟੀ ਬੱਚੀ ਨੂਰ ਅਤੇ ਇਸ ਦੀ ਟੀਮ ਦੇ ਮੈਂਬਰਾਂ ਨੇ ਲੋਕਾਂ ਵਿਚ ਕਰੋਨਾ ਦੇ ਸੰਕਰਮਣ ਤੋਂ ਬਚਣ ਲਈ ਵਰਤੀਆਂ ਜਾਣ ਵਾਲੀਆ ਸਾਵਧਾਨੀਆਂ ਨੂੰ ਅਪਣਾਉਣ। ਨੂਰ ਇਸ ਸਮੇਂ ਟਿਕ ਟਾਕ ‘ਤੇ ਕਾਫੀ ਫੇਮਸ ਹੈ। ਉਹਨਾਂ ਦੀਆਂ ਸਾਰੀਆਂ ਵੀਡੀਓਜ਼ ਨੂੰ ਦਰਸ਼ਕਾਂ ਦੁਆਰਾ ਕਾਫੀ ਪਸੰਦ ਕੀਤਾ ਜਾਂਦਾ ਹੈ।

The post TikTok ਸਟਾਰ ਨੂਰ ਨੂੰ ਵਿਦੇਸ਼ ਤੋਂ ਆਏ ਮਹਿੰਗੇ ਗਿਫ਼ਟ ! appeared first on Daily Post Punjabi.