ਏਅਰਪੋਰਟ ‘ਤੇ ਫੜੇ ਗਏ ਏਜੰਟ ਬਾਰੇ ਦਿੱਲੀ ਪੁਲਿਸ ਨੇ ਜਲੰਧਰ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ। ਦਰਅਸਲ ਫੜੇ ਗਏ ਠੱਗ ਏਜੰਟ ਬੱਬੀ ਖਿਲਾਫ ਥਾਣਾ ਮਕਸੂਦਾਂ ‘ਚ ਵਿਦੇਸ਼ ਭੇਜਣ ਦੇ ਨਾਂ ‘ਤੇ 32 ਲੱਖ ਦੀ ਠੱਗੀ ਮਾਰਨ ਦਾ ਮਾਮਲਾ 2018 ‘ਚ ਦਰਜ ਹੋਇਆ ਸੀ। ਧੋਖਾਧੜੀ ਦਾ ਮਾਮਲਾ ਦਰਜ ਹੋਣ ਤੋਂ ਬਾਅਦ ਪੁਲਿਸ ਨੇ ਬੱਬੀ ਅਤੇ ਉਸਦੇ ਪੁੱਤਰ ਨੂੰ ਫੜਨ ਲਈ ਕਈ ਵਾਰ ਛਾਪੇਮਾਰੀ ਕੀਤੀ ਪਰ ਪੁਲਿਸ ਦੇ ਹੱਥ ਨਹੀਂ ਲੱਗ ਰਹੇ ਸਨ। ਦੋਵੇਂ ਪਿਓ-ਪੁੱਤ 32 ਲੱਖ ਹੜੱਪ ਕੇ ਇਧਰ-ਉਧਰ ਲੁਕੇ ਹੋਏ ਸਨ। ਜਦੋਂ ਦੋਵੇਂ ਪਿਓ-ਪੁੱਤ ਪੁਲਿਸ ਦੇ ਹਥ ਨਾ ਆਏ ਤਾਂ ਪੁਲਿਸ ਨੂੰ ਸ਼ੱਕ ਸੀ ਕਿ ਉਹ ਵਿਦੇਸ਼ ਭੱਜ ਸਕਦੇ ਹਨ। ਪੁਲਿਸ ਨੇ ਦੋਨਾਂ ਪਿਓ-ਪੁੱਤ ਖਿਲਾਫ ਲੁੱਕ ਆਊਟ ਨੋਟਿਸ ਜਾਰੀ ਕਰਵਾ ਦਿੱਤਾ।

ਵੀਡੀਓ ਲਈ ਕਲਿੱਕ ਕਰੋ -:

“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “

ਦੋਵੇਂ ਠੱਗ ਟਰੈਵਲ ਏਜੰਟਾਂ ਪਿਤਾ-ਪੁੱਤਰ ਬਾਰੇ ਜਾਣਕਾਰੀ ਸਾਰੀਆਂ ਅੰਤਰਰਾਸ਼ਟਰੀ ਸਰਹੱਦਾਂ ਦੇ ਨਾਲ-ਨਾਲ ਹਵਾਈ ਅੱਡਿਆਂ ਤੱਕ ਪਹੁੰਚ ਗਈ। ਜਿਵੇਂ ਹੀ ਦੋਵੇਂ ਪਿਓ-ਪੁੱਤਰ ਹੁਸ਼ਿਆਰੀ ਨਾਲ ਵਿਦੇਸ਼ ਭੱਜਣ ਲਈ ਦਿੱਲੀ ਏਅਰਪੋਰਟ ‘ਤੇ ਪਹੁੰਚੇ ਤਾਂ ਉਥੇ ਹੀ ਉਨ੍ਹਾਂ ਨੂੰ ਫੜ ਲਿਆ ਗਿਆ। ਏਅਰਪੋਰਟ ‘ਤੇ ਫੜੇ ਜਾਣ ਤੋਂ ਬਾਅਦ ਦਿੱਲੀ ਪੁਲਿਸ ਨੂੰ ਸੌਂਪਿਆ ਗਿਆ, ਏਅਰਪੋਰਟ ਪੁਲਿਸ ਨੇ ਦੋਵੇਂ ਠੱਗ ਪਿਉ-ਪੁੱਤ ਨੂੰ ਦਿੱਲੀ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਦਿੱਲੀ ਪੁਲਿਸ ਨੇ ਮਕਸੂਦ ਥਾਣੇ ਨੂੰ ਫੋਨ ਰਾਹੀਂ ਦੋਵਾਂ ਠੱਗਾਂ ਦੀ ਗ੍ਰਿਫਤਾਰੀ ਦੀ ਸੂਚਨਾ ਦਿੱਤੀ। ਇਸ ਦੀ ਪੁਸ਼ਟੀ ਕਰਦਿਆਂ ਥਾਣਾ ਮਕਸੂਦਾਂ ਦੇ ਇੰਚਾਰਜ ਮਨਜੀਤ ਸਿੰਘ ਨੇ ਦੱਸਿਆ ਕਿ ਦੋਵੇਂ ਭਗੌੜੇ ਠੱਗ ਟਰੈਵਲ ਏਜੰਟਾਂ ਬੱਬੀ ਅਤੇ ਉਸ ਦੇ ਪੁੱਤਰ ਨੂੰ ਕਾਬੂ ਕਰਨ ਲਈ ਪੁਲਿਸ ਦਿੱਲੀ ਭੇਜੀ ਜਾ ਰਹੀ ਹੈ।

The post ਦਿੱਲੀ ‘ਚ ਬੱਬੀ ਠੱਗ ਅਤੇ ਉਸ ਦਾ ਪੁੱਤਰ ਗ੍ਰਿਫਤਾਰ, ਜਲੰਧਰ ‘ਚ ਵਿਦੇਸ਼ ਭੇਜਣ ਦੇ ਨਾਂ ‘ਤੇ ਲੁੱਟੇ ਸੀ ਲੱਖਾਂ ਰੁਪਏ appeared first on Daily Post Punjabi.