TV actresses Archives - Daily Post Punjabi

ਗੁਰਮੀਤ ਚੌਧਰੀ-ਦੇਬੀਨਾ ਦੇ ਘਰ ਆਈ ਛੋਟੀ ਪਰੀ, ਅਦਾਕਾਰ ਨੇ ਸ਼ੇਅਰ ਕੀਤੀ ਵੀਡੀਓ

Pawan Rana — Mon, 04 Apr 2022 14:32:03 +0000

Gurmeet Debina baby girl: ਟੀਵੀ ਅਦਾਕਾਰ ਗੁਰਮੀਤ ਚੌਧਰੀ ਅਤੇ ਦੇਬੀਨਾ ਬੈਨਰਜੀ ਦੇ ਘਰ ਖੁਸ਼ੀ ਨੇ ਦਸਤਕ ਦਿੱਤੀ ਹੈ। ਐਤਵਾਰ, 3 ਅਪ੍ਰੈਲ ਨੂੰ ਦੇਬੀਨਾ ਨੇ ਇਕ ਬੱਚੀ ਨੂੰ ਜਨਮ ਦਿੱਤਾ ਅਤੇ ਇਹ ਜੋੜਾ ਮਾਤਾ-ਪਿਤਾ ਬਣ ਗਿਆ ਹੈ। ਗੁਰਮੀਤ ਚੌਧਰੀ ਅਤੇ ਦੇਬੀਨਾ ਨੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ।

Gurmeet Debina baby girl

ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਹਰ ਪਾਸੇ ਤੋਂ ਲਗਾਤਾਰ ਵਧਾਈਆਂ ਮਿਲ ਰਹੀਆਂ ਹਨ। ਦੇਬੀਨਾ ਅਤੇ ਗੁਰਮੀਤ ਨੇ ਇਹ ਖੁਸ਼ਖਬਰੀ ਇੱਕ ਬਹੁਤ ਹੀ ਕਿਊਟ ਵੀਡੀਓ ਰਾਹੀਂ ਸਾਂਝੀ ਕੀਤੀ ਹੈ। ਇਸ ਵੀਡੀਓ ‘ਚ ਗੁਰਮੀਤ ਅਤੇ ਦੇਬੀਨਾ ਦੇ ਹੱਥ ‘ਚ ਉਨ੍ਹਾਂ ਦੇ ਨਵਜੰਮੇ ਬੱਚੇ ਦਾ ਹੱਥ ਨਜ਼ਰ ਆ ਰਿਹਾ ਹੈ।
ਉਨ੍ਹਾਂ ਨੇ ਕੈਪਸ਼ਨ ‘ਚ ਇਹ ਵੀ ਲਿਖਿਆ- ਅਸੀਂ ਆਪਣੀ ‘ਬੇਬੀ ਗਰਲ’ ਦਾ ਇਸ ਦੁਨੀਆ ‘ਚ ਸਵਾਗਤ ਕਰਦੇ ਹਾਂ। 3.4.2022 ਤੁਹਾਡੇ ਸਾਰਿਆਂ ਦੇ ਪਿਆਰ ਅਤੇ ਅਸੀਸਾਂ ਲਈ ਧੰਨਵਾਦ। ਜੋੜੇ ਨੇ ਇੱਕ ਦਿਨ ਬਾਅਦ ਆਪਣੇ ਮਾਤਾ-ਪਿਤਾ ਬਣਨ ਦੀ ਜਾਣਕਾਰੀ ਸਾਂਝੀ ਕੀਤੀ ਹੈ। ਇਸ ਦੇ ਨਾਲ ਹੀ ਹੰਸਿਕਾ ਮੋਟਵਾਨੀ, ਗੌਹਰ ਖਾਨ, ਹਿਨਾ ਖਾਨ, ਰਸ਼ਮੀ ਦੇਸਾਈ ਸਮੇਤ ਸਾਰੇ ਸੈਲੇਬਸ ਗੁਰਮੀਤ ਅਤੇ ਦੇਬੀਨਾ ਨੂੰ ਮਾਤਾ-ਪਿਤਾ ਬਣਨ ਲਈ ਵਧਾਈ ਦੇ ਰਹੇ ਹਨ। ਦੋਵਾਂ ਦੇ ਪ੍ਰਸ਼ੰਸਕ ਵੀ ਕਮੈਂਟ ਸੈਕਸ਼ਨ ‘ਚ ਲਗਾਤਾਰ ਉਨ੍ਹਾਂ ਨੂੰ ਵਧਾਈ ਦੇ ਰਹੇ ਹਨ।

View this post on Instagram

A post shared by Gurmeet Choudhary (@guruchoudhary)

ਕੁਝ ਦਿਨ ਪਹਿਲਾਂ ਦੇਬੀਨਾ ਨੇ ਆਪਣੇ ਬੇਬੀ ਸ਼ਾਵਰ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਸਨ। ਉਹ ਆਪਣੀ ਪ੍ਰੈਗਨੈਂਸੀ ਦੌਰਾਨ ਲਗਾਤਾਰ ਐਕਟਿਵ ਰਹਿੰਦੀ ਸੀ ਅਤੇ ਆਪਣੀ ਸਿਹਤ ਨਾਲ ਜੁੜੀ ਜਾਣਕਾਰੀ ਸਾਂਝੀ ਕਰ ਰਹੀ ਸੀ। ਹਾਲ ਹੀ ‘ਚ ਹੈੱਡਸਟੈਂਡ ਕਰਦੇ ਹੋਏ ਵੀ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਤਸਵੀਰਾਂ ਪੋਸਟ ਕੀਤੀਆਂ ਸਨ ਜੋ ਵਾਇਰਲ ਵੀ ਹੋਈਆਂ ਸਨ। ਤੁਹਾਨੂੰ ਦੱਸ ਦੇਈਏ ਗੁਰਮੀਤ ਚੌਧਰੀ ਅਤੇ ਦੇਬੀਨਾ ਬੈਨਰਜੀ ਨੇ 2011 ‘ਚ ਹੀ ਵਿਆਹ ਕਰਵਾ ਲਿਆ ਸੀ ਅਤੇ ਹੁਣ 11 ਸਾਲ ਬਾਅਦ ਦੋਹਾਂ ਦੇ ਘਰ ‘ਚ ਰੌਣਕਾਂ ਲੱਗੀਆਂ ਹੋਈਆਂ ਹਨ। ਵਿਆਹ ਤੋਂ ਪਹਿਲਾਂ ਵੀ ਦੋਵੇਂ ਲੰਬੇ ਸਮੇਂ ਤੱਕ ਰਿਲੇਸ਼ਨਸ਼ਿਪ ਵਿੱਚ ਸਨ। ਦੋਵਾਂ ਨੇ ਰਾਮਾਇਣ ਸੀਰੀਅਲ ‘ਚ ਰਾਮ ਅਤੇ ਸੀਤਾ ਦਾ ਕਿਰਦਾਰ ਨਿਭਾਇਆ ਸੀ ਅਤੇ ਰਾਮਾਇਣ ਦੇ ਸੈੱਟ ‘ਤੇ ਹੀ ਇਕ ਦੂਜੇ ਦੇ ਕਰੀਬ ਆ ਗਏ ਸਨ। ਪਿਛਲੇ ਸਾਲ 15 ਫਰਵਰੀ ਨੂੰ ਗੁਪਤ ਵਿਆਹ ਤੋਂ ਬਾਅਦ ਦੋਵਾਂ ਨੇ ਬੰਗਾਲੀ ਰੀਤੀ-ਰਿਵਾਜਾਂ ਨਾਲ ਦੁਬਾਰਾ ਵਿਆਹ ਕੀਤਾ ਸੀ। ਦੇਬੀਨਾ ਚਾਹੁੰਦੀ ਸੀ ਕਿ ਉਹ ਰਵਾਇਤੀ ਬੰਗਾਲੀ ਤਰੀਕੇ ਨਾਲ ਵਿਆਹ ਕਰੇ।

The post ਗੁਰਮੀਤ ਚੌਧਰੀ-ਦੇਬੀਨਾ ਦੇ ਘਰ ਆਈ ਛੋਟੀ ਪਰੀ, ਅਦਾਕਾਰ ਨੇ ਸ਼ੇਅਰ ਕੀਤੀ ਵੀਡੀਓ appeared first on Daily Post Punjabi.

ਬਹੁਤ ਹੀ ਘੱਟ ਉਮਰ ਵਿੱਚ ਕਰੋੜਪਤੀ ਬਣ ਗਈਆਂ ਸੀ ਟੀਵੀ ਦੀਆਂ ਇਹ ਅਦਾਕਾਰਾਂ

Suman Kwatra — Wed, 27 May 2020 15:36:15 +0000

tv actresses crorepati stars:ਬਾਲੀਵੁੱਡ ਅਤੇ ਟੀ ਵੀ ਦੇ ਸਾਰੇ ਹੀ ਸਿਤਾਰੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇੱਕ ਅਪਡੇਟ ਦਿੰਦੇ ਰਹਿੰਦੇ ਹਨ। ਟੀਵੀ ਇੰਡਸਟਰੀ ਦੇ ਕਈ ਅਜਿਹੇ ਸਿਤਾਰੇ ਹਨ ਜਿਨ੍ਹਾਂ ਨੇ ਬਹੁਤ ਹੀ ਘੱਟ ਸਮੇਂ ਵਿੱਚ ਖਾਸੀ ਪ੍ਰਸਿੱਧੀ ਹਾਸਲ ਕਰ ਲਈ ਹੈ। ਅੱਜ ਅਸੀਂ ਇਸ ਖ਼ਬਰ ਵਿੱਚ ਤੁਹਾਨੂੰ ਬਾਲੀਵੁੱਡ ਦੀਆਂ ਚਾਰ ਅਜਿਹੀਆਂ ਅਦਾਕਾਰਾਂ ਦੇ ਬਾਰੇ ਵਿੱਚ ਦੱਸਾਂਗੇ ਜੋ ਬੇਹੱਦ ਘੱਟ ਉਮਰ ‘ਚ ਕਰੋੜਪਤੀ ਬਣ ਗਈਆ ਹਨ।

ਜੈਨੀਫਰ ਵਿੰਗੇਟ ਟੀਵੀ ਦੀ ਬਹੁਤ ਹੀ ਪ੍ਰਸਿੱਧ ਅਦਾਕਾਰਾ ਹੈ ਅਤੇ ਸਿਰਫ਼ 20 ਸਾਲ ਦੀ ਉਮਰ ਵਿੱਚ ਇਹ ਟੀਵੀ ਸੀਰੀਅਲ ਵਿੱਚ ਕੰਮ ਕਰਨ ਲੱਗੀ ਸੀ ਅਤੇ ਹੌਲੀ ਹੌਲੀ ਪਹਿਚਾਣ ਮਿਲੀ। ਅੱਜ ਉਹ 20 ਕਰੋੜ ਦੀ ਮਾਲਕਿਨ। ਨੀਆ ਸ਼ਰਮਾ ਟੀ ਵੀ ਦੀ ਹੌਟ ਦੇ ਖੂਬਸੂਰਤ ਅਦਾਕਾਰਾ ਹੈ। ਬਹੁਤ ਛੋਟੀ ਉਮਰ ਵਿੱਚ ਉਹ ਟੀਵੀ ਸੀਰੀਅਲ ਵਿੱਚ ਕੰਮ ਕਰਨ ਲੱਗੀ ਸੀ। ਛੋਟੀ ਉਮਰ ਵਿੱਚ ਹੁਣ ਉਹ 22 ਕਰੋੜ ਰੁਪਏ ਦੀ ਮਾਲਕਿਨ ਹੈ।

ਹਿਨਾ ਖਾਨ ਟੀਵੀ ਦੀ ਸਭ ਤੋਂ ਪਾਪੂਲਰ ਅਦਾਕਾਰਾ ਮੰਨੀ ਜਾਂਦੀ ਹੈ ਜੋ ਬਿੱਗ ਬੌਸ ਵਿੱਚ ਨਜ਼ਰ ਆ ਚੁੱਕੀ ਹੈ। ਹਿਨਾ ਖਾਨ ਸਟਾਰ ਪਲੱਸ ਦੇ ਸ਼ੋਅ ਯੇ ਰਿਸ਼ਤਾ ਕਿਹਾ ਕਹਿਲਾਤਾ ਹੈ ਤੋਂ ਘਰ ਘਰ ਵਿੱਚ ਪ੍ਰਸਿੱਧ ਹੋਈ ਸੀ। ਜਿਸ ਤੋਂ ਬਾਅਦ ਉਹ ਸੀਰੀਅਲ ਕਸੌਟੀ ਜ਼ਿੰਦਗੀ ਕੀ 2 ਵਿੱਚ ਕੋਮੋਲਿਕਾ ਦੇ ਕਿਰਦਾਰ ਵਿੱਚ ਨਜ਼ਰ ਆਈ ਸੀ। ਹਿਨਾ ਖਾਨ 30 ਕਰੋੜ ਰੁਪਏ ਦੀ ਜਾਇਦਾਦ ਦੀ ਮਾਲਕਿਨ ਹੈ।

ਟੀਵੀ ਅਦਾਕਾਰਾ ਸਨਾਇਆ ਇਰਾਨੀ ਕਾਫ਼ੀ ਖੂਬਸੂਰਤ ਅਤੇ ਚੁਲਬੁਲੀ ਅਦਾਕਾਰਾ ਹੈ। ਜਿਨ੍ਹਾਂ ਨੇ ਸਟਾਰ ਪਲੱਸ ਦੇ ਸ਼ੋਅ ਇਸ ਪਿਆਰ ਕੋ ਕਿਆ ਨਾਮ ਤੋੰ ਖਾਸੀ ਪ੍ਰਸਿੱਧੀ ਹਾਸਿਲ ਕੀਤੀ। ਸਨਾਇਆ ਨੇ ਇਸ ਸੀਰੀਅਲ ‘ਚ ਖੁਸ਼ੀ ਦਾ ਕਿਰਦਾਰ ਨਿਭਾ ਸਭ ਦੇ ਦਿਲਾਂ ‘ਚ ਖਾਸ ਜਗ੍ਹਾ ਬਣਾ ਲਈ ਸੀ। ਸਨਾਇਆ ਹਾਲ ਹੀ ਵਿੱਚ ਵਿਕਰਮ ਭੱਟ ਦੀ ਫ਼ਿਲਮ ਗੋਸਟ ਵਿੱਚ ਵੀ ਨਜ਼ਰ ਆਈ ਸੀ। ਦਸ ਦੇਈਏ ਕਿ ਅਦਾਕਾਰਾ ਸਨਾਇਆ ਇਰਾਨੀ 32 ਕਰੋਡ਼ ਰੁਪਏ ਦੀ ਮਾਲਕਿਨ ਹੈ।

The post ਬਹੁਤ ਹੀ ਘੱਟ ਉਮਰ ਵਿੱਚ ਕਰੋੜਪਤੀ ਬਣ ਗਈਆਂ ਸੀ ਟੀਵੀ ਦੀਆਂ ਇਹ ਅਦਾਕਾਰਾਂ appeared first on Daily Post Punjabi.

ਪਹਿਲੀ ਵਾਰ ਮਦਰਸ ਡੇਅ ਸੈਲੀਬ੍ਰੇਟ ਕਰ ਰਹੀਆਂ ਨੇ ਇਹ ਅਦਾਕਾਰਾਂ

Suman Kwatra — Sun, 10 May 2020 13:21:26 +0000

Celeb moms TV Mother:ਮਾਂ ਬਣਨਾ ਅਜਿਹਾ ਅਹਿਸਾਸ ਹੈ ਜਿਸ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਟੀਵੀ ਅਤੇ ਫਿਲਮ ਇੰਡਸਟਰੀ ਵਿੱਚ ਕਈ ਅਜਿਹੀਆਂ ਮਾਵਾਂ ਨੇ ਜੋ ਅੱਜ ਪਹਿਲੀ ਵਾਰ ਮਦਰਸ ਡੇਅ ਸੈਲੀਬਰੇਟ ਕਰ ਰਹੀਆਂ ਹਨ। ਹਰ ਸਾਲ ਮਈ ਦੇ ਦੂਸਰੇ ਐਤਵਾਰ ਨੂੰ ਦੁਨੀਆਂ ਭਰ ਵਿੱਚ ਮਦਰਸ ਡੇਅ ਮਨਾਇਆ ਜਾਂਦਾ ਹੈ। ਅਰਜੁਨ ਰਾਮਪਾਲ ਦੀ ਗਰਲਫ੍ਰੈਂਡ ਗੈਬਰੀਏਲਾ ਨੇ ਅਠਾਰਾਂ ਜੁਲਾਈ ਨੂੰ ਬੇਟੇ ਨੂੰ ਜਨਮ ਦਿੱਤਾ ਸੀ।ਅਰਜੁਨ ਦੇ ਬੇਟੇ ਦਾ ਨਾਮ ਅਰਿਕ ਰਾਮਪਾਲ ਹੈ। ਅਰਜੁਨ ਅਤੇ ਗੈਬਰੀਏਲਾ ਬੇਟੇ ਦੇ ਨਾਲ ਅਕਸਰ ਤਸਵੀਰਾਂ ਸ਼ੇਅਰ ਕਰਦੇ ਰਹਿੰਦੇ ਹਨ। ਗੈਬਰੀਏਲਾ ਬੇਟੇ ਦੇ ਨਾਲ ਪਹਿਲੀ ਵਾਰ ਮਦਰਸ ਡੇਅ ਸੈਲੀਬ੍ਰੇਟ ਕਰ ਰਹੀ ਹੈ।ਪਿਛਲੇ ਦਿਨੀਂ ਅਦਾਕਾਰਾ ਕਲਕੀ ਮਾਂ ਬਣੀ ਹੈ। ਕਲਕੀ ਨੇ ਆਪਣੇ ਬੁਆਏਫ੍ਰੈਂਡ ਗਾਏ ਹਰਸ਼ਬਰਗ ਦੀ ਬੇਟੀ ਨੂੰ ਜਨਮ ਦਿੱਤਾ। ਕਲਕੀ ਅਤੇ ਗਾਏ ਨੇ ਆਪਣੀ ਬੇਟੀ ਦਾ ਨਾਮ Sappho ਰੱਖਿਆ ਹੈ।

ਅਦਾਕਾਰ ਅਤੇ ਕਾਮੇਡੀਅਨ ਕਪਿਲ ਸ਼ਰਮਾ ਅਤੇ ਗਿੰਨੀ ਚਤਰਥ ਨੇ 12 ਦਸੰਬਰ 2018 ਨੂੰ ਜਲੰਧਰ ਵਿੱਚ ਵਿਆਹ ਕੀਤਾ ਸੀ। ਗਿਨੀ ਨੇ ਪਿਛਲੇ ਸਾਲ 10 ਦਸੰਬਰ ਨੂੰ ਇੱਕ ਬੇਟੀ ਨੂੰ ਜਨਮ ਦਿੱਤਾ ਸੀ। ਪਿਤਾ ਬਣਨ ਦੀ ਜਾਣਕਾਰੀ ਕਪਿਲ ਨੇ ਆਪ ਸੋਸ਼ਲ ਮੀਡੀਆ ‘ਤੇ ਦਿੱਤੀ ਸੀ। ਕਪਿਲ ਸ਼ਰਮਾ ਦੀ ਪਤਨੀ ਗਿੰਨੀ ਵੀ ਬੇਟੀ ਅਨਾਯਰਾ ਦੇ ਨਾਲ ਆਪਣਾ ਪਹਿਲਾ ਮਦਰਸ ਡੇਅ ਸੈਲੀਬਰੇਟ ਕਰਨ ਵਾਲੀ ਹੈ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਕਪਿਲ ਸ਼ਰਮਾ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇਕ ਅਪਡੇਟ ਦਿੰਦੇ ਰਹਿੰਦੇ ਹਨ। ਕਪਿਲ ਦੀ ਕਾਮੇਡੀ ਨੂੰ ਦਰਸ਼ਕਾਂ ਵੱਲੋਂ ਕਾਫ਼ੀ ਪਸੰਦ ਕੀਤਾ ਜਾਂਦਾ ਹੈ। ਕਪਿਲ ਦਾ ਕਾਮੇਡੀ ਸ਼ੋਅ ਹਮੇਸ਼ਾਂ ਤੋਂ ਹੀ ਹਿੱਟ ਰਿਹਾ ਹੈ।

ਟੀਵੀ ਅਦਾਕਾਰਾ ਸਮ੍ਰਿਤੀ ਖੰਨਾ ਨੇ ਹਾਲ ਹੀ ਵਿੱਚ ਬੇਟੀ ਨੂੰ ਜਨਮ ਦਿੱਤਾ ਹੈ। ਉਹ ਇਨ੍ਹੀਂ ਦਿਨੀਂ ਮਾਂ ਬਣਨ ਦੀ ਖੁਸ਼ੀ ਨੂੰ ਇੰਨਜੁਆਏ ਕਰ ਰਹੀ ਹੈ। ਸਮ੍ਰਿਤੀ ਨੇ ਆਪਣੀ ਬੇਟੀ ਦੀ ਤਸਵੀਰ ਵੀ ਸ਼ੇਅਰ ਕੀਤੀ ਸੀ। ਸਮ੍ਰਿਤੀ ਨੇ ਬੇਟੀ ਦਾ ਨਾਮ ਅਨਾਇਕਾ ਰੱਖਿਆ ਹੈ। ਸਮੇਤ ਨੇ 15 ਅਪ੍ਰੈਲ ਨੂੰ ਬੇਟੀ ਨੂੰ ਜਨਮ ਦਿੱਤਾ ਸੀ। ਮਾਂ ਬਣਨ ਤੋਂ ਬਾਅਦ ਸਮ੍ਰਿਤੀ ਨੇ ਇੰਸਟਾਗ੍ਰਾਮ ‘ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਜਿਸ ਵਿਚ ਉਹ ਆਪਣੇ ਪਤੀ ਦੇ ਨਾਲ ਬੱਚੇ ਨੂੰ ਪਿਆਰ ਕਰਦੀ ਨਜ਼ਰ ਆ ਰਹੀ ਸੀ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦੱਸ ਦੇਈਏ ਕਿ ਅੱਜ ਆਮ ਜਨਤਾ ਤੋਂ ਲੈ ਕੇ ਬਾਲੀਵੁੱਡ ਦੇ ਸਾਰੇ ਹੀ ਸਿਤਾਰੇ ਮਦਰਸ ਡੇਅ ਸੈਲੀਬਰੇਟ ਕਰ ਰਹੇ ਹਨ ਅਤੇ ਆਪਣੀਆਂ ਮਾਵਾਂ ਨਾਲ ਤਸਵੀਰਾਂ ਸ਼ੇਅਰ ਕਰ ਰਹੇ ਹਨ।

The post ਪਹਿਲੀ ਵਾਰ ਮਦਰਸ ਡੇਅ ਸੈਲੀਬ੍ਰੇਟ ਕਰ ਰਹੀਆਂ ਨੇ ਇਹ ਅਦਾਕਾਰਾਂ appeared first on Daily Post Punjabi.