ਬੁੱਧਵਾਰ ਨੂੰ ਦੇਰ ਰਾਤ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸਾਈਬਰ ਹਮਲਾ ਹੋਇਆ । ਜਿਸ ਵਿੱਚ ਅਮਰੀਕਾ ਦੇ ਬਹੁਤ ਸਾਰੇ ਹਾਈ ਪ੍ਰੋਫਾਈਲ ਲੋਕਾਂ ਦੇ ਅਕਾਊਂਟ ਨੂੰ ਹੈਕ ਕਰ ਆਮ ਲੋਕਾਂ ਤੋਂ ਬਿੱਟਕੋਇਨ ਦੇ ਰੂਪ ਵਿੱਚ ਪੈਸੇ ਦੀ ਮੰਗ ਕੀਤੀ ਗਈ ਸੀ। ਇਸ ਹਮਲੇ ਵਿੱਚ ਵੱਡੇ ਕਾਰੋਬਾਰੀਆਂ ਅਤੇ ਰਾਜਨੇਤਾਵਾਂ ਦੇ ਖਾਤੇ ਵੀ ਸ਼ਾਮਿਲ ਹਨ।

ਇਸ ਮਾਮਲੇ ਦੀ ਜਾਣਕਾਰੀ ਮਿਲਣ ਦੇ ਤੁਰੰਤ ਬਾਅਦ ਸਾਰੇ ਪ੍ਰਭਾਵਤ ਅਕਾਊਂਟਸ ਨੂੰ ਤੁਰੰਤ ਲਾਕ ਕਰ ਦਿੱਤਾ ਗਿਆ ਅਤੇ ਹਮਲਾਵਰਾਂ ਦੁਆਰਾ ਕੀਤੇ ਗਏ ਟਵੀਟ ਨੂੰ ਵੀ ਤੁਰੰਤ ਡਿਲੀਟ ਕਰ ਦਿੱਤਾ ਗਿਆ। ਕੰਪਨੀ ਨੇ ਜੋਖਮ ਨੂੰ ਘਟਾਉਣ ਲਈ ਕੁਝ ਮਹੱਤਵਪੂਰਣ ਕਦਮ ਚੁੱਕਦੇ ਹੋਏ ਟਵਿੱਟਰ ਅਕਾਊਂਟਸ ਦੇ ਕੁਝ ਕਾਰਜਾਂ ਨੂੰ ਸੀਮਤ ਕਰ ਦਿੱਤਾ ਹੈ। ਉਦਾਹਰਣ ਵਜੋਂ ਪ੍ਰਮਾਣਿਤ ਖਾਤੇ, ਜੋ ਕਿ ਹੈਕ ਨਹੀਂ ਕੀਤੇ ਗਏ ਸਨ, ਸੁਰੱਖਿਆ ਖੇਤਰਾਂ ਕਾਰਨ ਵੀ ਸੀਮਤ ਹੋ ਗਏ ਹਨ।

ਦੱਸ ਦੇਈਏ ਕਿ ਜਿਨ੍ਹਾਂ ਦੇ ਖਾਤਿਆਂ ਨੂੰ ਹੈਕ ਕੀਤਾ ਗਿਆ ਸੀ, ਉਨ੍ਹਾਂ ਵਿੱਚ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ, ਮਾਈਕਰੋਸੌਫਟ ਦੇ ਸੰਸਥਾਪਕ ਬਿਲ ਗੇਟਸ, ਵਿਸ਼ਵ ਦੇ ਸਭ ਤੋਂ ਅਮੀਰ ਅਤੇ ਨਿਵੇਸ਼ ਗੁਰੂ ਵਾਰਨ ਬਫੇ ਸ਼ਾਮਿਲ ਹਨ। ਅਕਾਊਂਟ ਨੂੰ ਹੈਕ ਕਰਨ ਤੋਂ ਬਾਅਦ ਸਾਰੇ ਅਕਾਊਂਟਸ ਤੋਂ ਟਵੀਟ ਕਰਕੇ ਬਿਟਕੋਇੰਸ ਦੇ ਰੂਪ ਵਿੱਚ ਪੈਸੇ ਦੀ ਮੰਗ ਕੀਤੀ ਜਾ ਰਹੀ ਸੀ। ਹਰੇਕ ਦੇ ਅਕਾਊਂਟ ਤੋਂ ਇਹੀ ਟਵੀਟ ਕੀਤਾ ਗਿਆ ਸੀ, ਤੁਸੀਂ ਬਿਟਕੋਇਨ ਰਾਹੀਂ ਪੈਸੇ ਭੇਜਦੇ ਹੋ ਅਤੇ ਅਸੀਂ ਤੁਹਾਨੂੰ ਦੁਗਣਾ ਪੈਸਾ ਦੇਵਾਂਗੇ। ਤੁਸੀਂ 1000 ਡਾਲਰ ਦਾ ਬਿਟਕੋਇਨ ਭੇਜੋ, ਮੈਂ 2000 ਡਾਲਰ ਵਾਪਸ ਭੇਜਾਂਗਾ। ਹਾਲਾਂਕਿ, ਹੁਣ ਇਹ ਮੁਸ਼ਕਲ ਦੂਰ ਹੋ ਗਈ ਹੈ। 

The post Twitter Hacking: ਕਰਮਚਾਰੀਆਂ ਨੂੰ ਹੈਕ ਕਰ ਲਿਆ ਇੰਟਰਨਲ ਟੂਲਸ ਦਾ ਐਕਸੈੱਸ, ਫਿਰ ਹੋਈ ਹੈਕਿੰਗ appeared first on Daily Post Punjabi.