ਕੋਵਿਡ 19 ਦੇ ਕਾਰਨ ਭਾਰਤ ਵਿੱਚ ਸਥਿਤੀ ਬਹੁਤ ਖਰਾਬ ਹੈ, ਇਸ ਲਈ ਦੇਸ਼ ‘ਚ ਟੂਰਨਾਮੈਂਟ ਸੰਭਵ ਨਹੀਂ ਸੀ। ਵੱਡੇ ਨੁਕਸਾਨ ਦੇ ਮੱਦੇਨਜ਼ਰ, ਬੀਸੀਸੀਆਈ ਨੇ ਅਗਸਤ ਵਿੱਚ ਟੂਰਨਾਮੈਂਟ ਨੂੰ ਯੂਏਈ ਤਬਦੀਲ ਕਰਨ ਦਾ ਐਲਾਨ ਕੀਤਾ। ਯੂਏਈ ਵਿੱਚ ਦੁਬਈ, ਸ਼ਾਰਜਾਹ ਅਤੇ ਅਬੂ ਧਾਬੀ ਦੇ ਤਿੰਨ ਗਰਾਊਂਡਾਂ ‘ਚ ਟੂਰਨਾਮੈਂਟ ਦੇ ਸਾਰੇ ਮੈਚ ਖੇਡੇ ਜਾਣਗੇ। ਹਾਲਾਂਕਿ, ਯੂਏਈ ਦੀ ਗਰਮੀ ਨੂੰ ਸਹਿਣ ਕਰਨਾ ਖਿਡਾਰੀਆਂ ਲਈ ਕੋਈ ਚੁਣੌਤੀ ਘੱਟ ਨਹੀਂ ਹੈ। ਯੂਏਈ ਵਿੱਚ ਤਾਪਮਾਨ 40 ਡਿਗਰੀ ਦੇ ਆਸ ਪਾਸ ਹੈ। ਸ਼ਾਮ ਨੂੰ ਵੀ, ਤਾਪਮਾਨ ‘ਚ ਕੋਈ ਗਿਰਾਵਟ ਨਹੀਂ ਆਉਂਦੀ। ਯੂਏਈ ਦੀ ਗਰਮੀ ਦੇ ਮੱਦੇਨਜ਼ਰ ਖਿਡਾਰੀ ਪਹਿਲਾਂ ਹੀ ਚਿੰਤਾ ਜ਼ਾਹਿਰ ਕਰ ਚੁੱਕੇ ਹਨ। ਆਰਸੀਬੀ ਸਟਾਰ ਖਿਡਾਰੀ ਏਬੀ ਡੀਵਿਲੀਅਰਜ਼ ਨੇ ਕਿਹਾ ਹੈ ਕਿ ਉਸ ਨੂੰ ਅਜਿਹੀ ਗਰਮੀ ‘ਚ ਸਿਰਫ ਇੱਕ ਵਾਰ ਖੇਡਣ ਦਾ ਤਜਰਬਾ ਹੈ। ਇਸ ਤੋਂ ਇਲਾਵਾ ਇਹ ਤਿੰਨ ਮੈਦਾਨ ਸਮੁੰਦਰ ਦੇ ਨਾਲ ਲੱਗਦੇ ਹਨ ਅਤੇ ਇਸ ਕਾਰਨ ਨਮੀ ਦਾ ਪੱਧਰ ਬਹੁਤ ਜ਼ਿਆਦਾ ਹੈ। ਰਿਪੋਰਟਾਂ ਦੇ ਅਨੁਸਾਰ ਯੂਏਈ ਵਿੱਚ ਨਮੀ ਦਾ ਪੱਧਰ ਲੱਗਭਗ 70 ਫ਼ੀਸਦੀ ਰਹੇਗਾ। ਭਾਰਤੀ ਖਿਡਾਰੀਆਂ ਨੂੰ ਅਜਿਹੇ ਮਾਹੌਲ ‘ਚ ਖੇਡਣ ਦੀ ਆਦਤ ਹੈ, ਪਰ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਵਾਲੇ 50 ਤੋਂ ਵੱਧ ਵਿਦੇਸ਼ੀ ਖਿਡਾਰੀਆਂ ਨੂੰ ਡੀਹਾਈਡ੍ਰੇਸ਼ਨ ਕਾਰਨ ਸਮੱਸਿਆ ਹੋ ਸਕਦੀ ਹੈ। ਯੂਏਈ ਦੇ ਮੌਸਮ ਵਿਭਾਗ ਨੇ ਸਤੰਬਰ ਅਤੇ ਅਕਤੂਬਰ ‘ਚ ਰੇਤ ਦੇ ਤੂਫਾਨ ਦੀ ਚਿਤਾਵਨੀ ਵੀ ਦਿੱਤੀ ਹੈ।

The post IPL 2020: ਕੋਵਿਡ 19 ਹੀ ਨਹੀਂ ਬਲਕਿ ਗਰਮੀਂ ਵੀ ਹੈ ਖਿਡਾਰੀਆਂ ਲਈ ਚੁਣੌਤੀ, ਜਾਣੋ ਕਿੰਨਾ ਮੁਸ਼ਕਿਲਾਂ ਦੌਰਾਨ ਮੈਦਾਨ ‘ਤੇ ਉਰਤਰਣਗੇ ਖਿਡਾਰੀ appeared first on Daily Post Punjabi.