ਕੋਵਿਡ 19 ਦੇ ਕਾਰਨ ਭਾਰਤ ਵਿੱਚ ਸਥਿਤੀ ਬਹੁਤ ਖਰਾਬ ਹੈ, ਇਸ ਲਈ ਦੇਸ਼ ‘ਚ ਟੂਰਨਾਮੈਂਟ ਸੰਭਵ ਨਹੀਂ ਸੀ। ਵੱਡੇ ਨੁਕਸਾਨ ਦੇ ਮੱਦੇਨਜ਼ਰ, ਬੀਸੀਸੀਆਈ ਨੇ ਅਗਸਤ ਵਿੱਚ ਟੂਰਨਾਮੈਂਟ ਨੂੰ ਯੂਏਈ ਤਬਦੀਲ ਕਰਨ ਦਾ ਐਲਾਨ ਕੀਤਾ। ਯੂਏਈ ਵਿੱਚ ਦੁਬਈ, ਸ਼ਾਰਜਾਹ ਅਤੇ ਅਬੂ ਧਾਬੀ ਦੇ ਤਿੰਨ ਗਰਾਊਂਡਾਂ ‘ਚ ਟੂਰਨਾਮੈਂਟ ਦੇ ਸਾਰੇ ਮੈਚ ਖੇਡੇ ਜਾਣਗੇ। ਹਾਲਾਂਕਿ, ਯੂਏਈ ਦੀ ਗਰਮੀ ਨੂੰ ਸਹਿਣ ਕਰਨਾ ਖਿਡਾਰੀਆਂ ਲਈ ਕੋਈ ਚੁਣੌਤੀ ਘੱਟ ਨਹੀਂ ਹੈ। ਯੂਏਈ ਵਿੱਚ ਤਾਪਮਾਨ 40 ਡਿਗਰੀ ਦੇ ਆਸ ਪਾਸ ਹੈ। ਸ਼ਾਮ ਨੂੰ ਵੀ, ਤਾਪਮਾਨ ‘ਚ ਕੋਈ ਗਿਰਾਵਟ ਨਹੀਂ ਆਉਂਦੀ। ਯੂਏਈ ਦੀ ਗਰਮੀ ਦੇ ਮੱਦੇਨਜ਼ਰ ਖਿਡਾਰੀ ਪਹਿਲਾਂ ਹੀ ਚਿੰਤਾ ਜ਼ਾਹਿਰ ਕਰ ਚੁੱਕੇ ਹਨ। ਆਰਸੀਬੀ ਸਟਾਰ ਖਿਡਾਰੀ ਏਬੀ ਡੀਵਿਲੀਅਰਜ਼ ਨੇ ਕਿਹਾ ਹੈ ਕਿ ਉਸ ਨੂੰ ਅਜਿਹੀ ਗਰਮੀ ‘ਚ ਸਿਰਫ ਇੱਕ ਵਾਰ ਖੇਡਣ ਦਾ ਤਜਰਬਾ ਹੈ। ਇਸ ਤੋਂ ਇਲਾਵਾ ਇਹ ਤਿੰਨ ਮੈਦਾਨ ਸਮੁੰਦਰ ਦੇ ਨਾਲ ਲੱਗਦੇ ਹਨ ਅਤੇ ਇਸ ਕਾਰਨ ਨਮੀ ਦਾ ਪੱਧਰ ਬਹੁਤ ਜ਼ਿਆਦਾ ਹੈ। ਰਿਪੋਰਟਾਂ ਦੇ ਅਨੁਸਾਰ ਯੂਏਈ ਵਿੱਚ ਨਮੀ ਦਾ ਪੱਧਰ ਲੱਗਭਗ 70 ਫ਼ੀਸਦੀ ਰਹੇਗਾ। ਭਾਰਤੀ ਖਿਡਾਰੀਆਂ ਨੂੰ ਅਜਿਹੇ ਮਾਹੌਲ ‘ਚ ਖੇਡਣ ਦੀ ਆਦਤ ਹੈ, ਪਰ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਵਾਲੇ 50 ਤੋਂ ਵੱਧ ਵਿਦੇਸ਼ੀ ਖਿਡਾਰੀਆਂ ਨੂੰ ਡੀਹਾਈਡ੍ਰੇਸ਼ਨ ਕਾਰਨ ਸਮੱਸਿਆ ਹੋ ਸਕਦੀ ਹੈ। ਯੂਏਈ ਦੇ ਮੌਸਮ ਵਿਭਾਗ ਨੇ ਸਤੰਬਰ ਅਤੇ ਅਕਤੂਬਰ ‘ਚ ਰੇਤ ਦੇ ਤੂਫਾਨ ਦੀ ਚਿਤਾਵਨੀ ਵੀ ਦਿੱਤੀ ਹੈ।

The post IPL 2020: ਕੋਵਿਡ 19 ਹੀ ਨਹੀਂ ਬਲਕਿ ਗਰਮੀਂ ਵੀ ਹੈ ਖਿਡਾਰੀਆਂ ਲਈ ਚੁਣੌਤੀ, ਜਾਣੋ ਕਿੰਨਾ ਮੁਸ਼ਕਿਲਾਂ ਦੌਰਾਨ ਮੈਦਾਨ ‘ਤੇ ਉਰਤਰਣਗੇ ਖਿਡਾਰੀ appeared first on Daily Post Punjabi.

ਉਨ੍ਹਾਂ ਕਿਹਾ, “ਅਬੂ ਧਾਬੀ, ਦੁਬਈ, ਸ਼ਾਰਜਾਹ ਵਿੱਚ IPL ਨਾਲ ਜੁੜੇ ਹਰ ਵਿਅਕਤੀ ਨੂੰ, ਉਹ ਭਾਰਤੀ ਜਾਂ ਕੋਈ ਹੋਰ ਕੌਮੀਅਤ ਹੋਵੇ, ਨੂੰ ਹਰ ਛੇਵੇਂ ਦਿਨ ਕੋਰੋਨਾ ਟੈਸਟ ਕਰਵਾਉਣਾ ਪਵੇਗਾ। ਇਨ੍ਹਾਂ ਲੋਕਾਂ ਵਿੱਚ ਸਟੇਡੀਅਮ ਦਾ ਸਟਾਫ, ਪਿੱਚ / ਗਰਾਉਂਡ ਸਟਾਫ ਅਤੇ ਟੂਰਨਾਮੈਂਟ ਸਟਾਫ ਸ਼ਾਮਿਲ ਹਨ।” ਯੂਏਈ ਵਿੱਚ ਖ਼ਾਸਕਰ ਅਬੂ ਧਾਬੀ ਵਿੱਚ ਕੋਵਿਡ -19 ਨਾਲ ਸਬੰਧਿਤ ਪ੍ਰੋਟੋਕੋਲ ਕਾਫ਼ੀ ਸਖਤ ਹਨ ਅਤੇ IPL ਟੀਮਾਂ ਨੂੰ ਉਨ੍ਹਾਂ ਨੂੰ ਸਵੀਕਾਰਨਾ ਪਏਗਾ। ਯੂਏਈ ਪਹੁੰਚਣ ਤੋਂ ਬਾਅਦ ਚੇਨਈ ਸੁਪਰ ਕਿੰਗਜ਼ ਦੇ 13 ਲੋਕ ਕੋਵਿਡ ਸਕਾਰਾਤਮਕ ਵਜੋਂ ਸਾਹਮਣੇ ਆਏ ਅਤੇ ਉਸ ਤੋਂ ਬਾਅਦ ਦਿੱਲੀ ਦੇ ਫਿਜ਼ੀਓਥੈਰੇਪਿਸਟ ਵੀ ਕੋਵਿਡ ਪੌਜੇਟਿਵ ਆਏ। ਉਸ ਤੋਂ ਬਾਅਦ ਹਾਲਾਂਕਿ, ਕੋਈ ਹੋਰ ਕੇਸ ਸਾਹਮਣੇ ਨਹੀਂ ਆਇਆ ਹੈ। ਕੋਵਿਡ -19 ਦੇ ਕਾਰਨ ਆਈਪੀਐਲ ਇਸ ਵਾਰ ਯੂਏਈ ਵਿੱਚ ਆਯੋਜਤ ਕੀਤਾ ਜਾ ਰਿਹਾ ਹੈ ਅਤੇ ਇਸੇ ਕਾਰਨ ਦਰਸ਼ਕ ਸਟੇਡੀਅਮ ਵਿੱਚ ਮੌਜੂਦ ਨਹੀਂ ਹੋਣਗੇ। ਆਈਪੀਐਲ ਦੇ 13 ਵੇਂ ਸੀਜ਼ਨ ਦਾ ਪਹਿਲਾ ਮੈਚ 19 ਸਤੰਬਰ ਨੂੰ ਮੁੰਬਈ ਇੰਡੀਅਨਜ਼ ਅਤੇ ਚੇਨਈ ਸੁਪਰ ਕਿੰਗਜ਼ ਵਿਚਾਲੇ ਖੇਡਿਆ ਜਾਵੇਗਾ।

The post IPL 2020: ਬਾਇਓ ਬੱਬਲ ਲਈ ਬਹੁਤ ਸਖਤ ਨਿਯਮ ਕੀਤੇ ਗਏ ਲਾਗੂ, ਸਿਰਫ ਇਨ੍ਹੇ ਖਿਡਾਰੀ ਹੀ ਪਹੁੰਚ ਸਕਣਗੇ ਸਟੇਡੀਅਮ ‘ਚ appeared first on Daily Post Punjabi.

ਇਸ ਸਬੰਧੀ ਕ੍ਰਿਕਟ ਬੋਰਡ ਆਫ ਇੰਡੀਆ (BCCI) ਦੇ ਸਕੱਤਰ ਜੈ ਸ਼ਾਹ ਨੇ ਬੁੱਧਵਾਰ ਨੂੰ ਆਪਣੇ ਟਵਿੱਟਰ ਹੈਂਡਲ ‘ਤੇ ਦੁਬਈ ਅਤੇ ਅਬੂ ਧਾਬੀ ਦੇ ਸਟੇਡੀਅਮਾਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ । ਰੋਸ਼ਨੀ ਵਿੱਚ ਡੁੱਬੇ ਇਨ੍ਹਾਂ ਸਟੇਡੀਅਮਾਂ ਦਾ ਨਜ਼ਾਰਾ ਦੇਖਣ ਵਾਲਾ ਹੈ।

ਇਸ ਬਾਰੇ ਉਨ੍ਹਾਂ ਨੇ ਟਵੀਟ ਕਰਦਿਆਂ ਲਿਖਿਆ ਦੁਬਈ ਅਤੇ ਅਬੂ ਧਾਬੀ ਦੇ ਸਟੇਡੀਅਮਾਂ ਦਾ ਕਿੰਨਾ ਸ਼ਾਨਦਾਰ ਦ੍ਰਿਸ਼ ਹੈ। UAE ਸਾਲ ਦੇ ਸਭ ਤੋਂ ਇੰਤਜ਼ਾਰਤ ਟੂਰਨਾਮੈਂਟ IPL-2020 ਦੀ ਮੇਜ਼ਬਾਨੀ ਲਈ ਤਿਆਰ ਹੈ। ਵਿਸ਼ਵ ਤਿਆਰ ਹੈ ਅਤੇ ਇਸ ਲਈ ਅਸੀਂ !

ਗੌਰਤਲਬ ਹੈ ਕਿ IPL ਦੇ ਕੁੱਲ 56 ਲੀਗ ਮੈਚਾਂ ਵਿੱਚ 24 ਮੈਚ ਦੁਬਈ ਦੇ ਕੌਮਾਂਤਰੀ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਜਾਣਗੇ, ਜਦੋਂ ਕਿ ਅਬੂ ਧਾਬੀ ਦੇ ਸ਼ੇਖ ਜ਼ਾਯਦ ਸਟੇਡੀਅਮ ਵਿੱਚ 20 ਮੈਚ ਹੋਣਗੇ।

ਉੱਥੇ ਹੀ ਦੂਜੇ ਪਾਸੇ, ਲੀਗ ਦੇ 12 ਮੈਚ ਸ਼ਾਰਜਾਹ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡੇ ਜਾਣਗੇ। ਹਾਲ ਹੀ ਵਿੱਚ, BCCI ਦੇ ਪ੍ਰਧਾਨ ਸੌਰਵ ਗਾਂਗੁਲੀ ਨੇ ਸ਼ਾਰਜਾਹ ਸਟੇਡੀਅਮ ਦਾ ਦੌਰਾ ਕੀਤਾ। ਜ਼ਿਕਰਯੋਗ ਹੈ ਕਿ ਭਾਰਤ ਵਿੱਚ ਕੋਵਿਡ-19 ਦੇ ਵੱਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ IPL 2020 UAE  ਵਿੱਚ ਹੋ ਰਿਹਾ ਹੈ ਅਤੇ ਇਸ ਟੀ-20 ਲੀਗ ਦੀ ਮੇਜ਼ਬਾਨੀ ਦੁਬਈ, ਅਬੂ ਧਾਬੀ ਅਤੇ ਸ਼ਾਰਜਾਹ ਕਰਨਗੇ।

The post IPL 2020 ਲਈ UAE ਤਿਆਰ, ਰੋਸ਼ਨੀ ‘ਚ ਡੁੱਬੇ ਦੁਬਈ ਤੇ ਅਬੂ ਧਾਬੀ ਦੇ ਸਟੇਡੀਅਮ, ਵੇਖੋ ਤਸਵੀਰਾਂ appeared first on Daily Post Punjabi.