ਇਸ ਨੋਟਿਸ ਵਿੱਚ ਇਹ ਕਿਹਾ ਗਿਆ ਹੈ ਕਿ ‘ਕਿਸਾਨ ਪਿੰਡ-ਪਿੰਡ ਜਾ ਕੇ ਕਿਸਾਨਾਂ ਨੂੰ ਭੜਕਾ ਰਹੇ ਹਨ ਅਤੇ ਅਫਵਾਹਾਂ ਫੈਲਾ ਰਹੇ ਹਨ, ਜਿਸ ਕਾਰਨ ਅਮਨ-ਕਾਨੂੰਨ ਦੀ ਵਿਵਸਥਾ ਨੂੰ ਖਰਾਬ ਕੀਤਾ ਜਾ ਸਕਦਾ ਹੈ’। ਨੋਟਿਸ ਵਿੱਚ ਇਨ੍ਹਾਂ ਕਿਸਾਨਾਂ ਤੋਂ ਜਵਾਬ ਮੰਗੇ ਗਏ ਹਨ ਕਿ 1 ਸਾਲ ਤੱਕ ਸ਼ਾਂਤੀ ਬਣਾਈ ਰੱਖਣ ਲਈ ਕਿਸਾਨਾਂ ‘ਤੇ 50 ਲੱਖ ਰੁਪਏ ਦਾ ਬਾਂਡ ਕਿਉਂ ਨਾ ਲਗਾਇਆ ਜਾਵੇ। ਇਹ ਨੋਟਿਸ 12 ਅਤੇ 13 ਦਸੰਬਰ ਨੂੰ ਧਾਰਾ 111 ਤਹਿਤ ਭੇਜੇ ਗਏ ਹਨ। ਨੋਟਿਸ ਵਿੱਚ ਲਿਖਿਆ ਹੈ ਕਿ ਕਿਸਾਨ, ਕਿਸਾਨ ਅੰਦੋਲਨ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈ ਰਹੇ ਹਨ, ਜਿਸ ਨਾਲ ਕਾਨੂੰਨ ਵਿਵਸਥਾ ਵਿੱਚ ਵਿਘਨ ਪੈਣ ਦੀ ਸੰਭਾਵਨਾ ਹੈ। ਇਹ ਕਿਸਾਨ ਕਿਸਾਨ ਅੰਦੋਲਨ ਵਿੱਚ ਹਿੱਸਾ ਲੈਣ ਵਾਲੀਆਂ ਕਿਸਾਨ ਜਥੇਬੰਦੀਆਂ ਦੇ ਮੈਂਬਰ ਹਨ।ਐਸਡੀਐਮ ਦੀਪਇੰਦਰ ਯਾਦਵ ਨੇ ਵੀਰਵਾਰ ਨੂੰ ਕਿਹਾ, “ਸਾਨੂੰ ਹਿਆਤ ਨਗਰ ਥਾਣੇ ਤੋਂ ਇੱਕ ਰਿਪੋਰਟ ਮਿਲੀ ਸੀ ਕਿ ਕੁੱਝ ਵਿਅਕਤੀ ਕਿਸਾਨਾਂ ਨੂੰ ਭੜਕਾ ਰਹੇ ਹਨ ਅਤੇ ਸ਼ਾਂਤੀ ਭੰਗ ਹੋਣ ਦੀ ਸੰਭਾਵਨਾ ਹੈ।” ਉਨ੍ਹਾਂ ਕਿਹਾ ਕਿ ਥਾਣੇ ਦੇ ਇੰਚਾਰਜ ਦੀ ਰਿਪੋਰਟ ‘ਚ ਕਿਹਾ ਗਿਆ ਸੀ ਕਿ ਇਨ੍ਹਾਂ ਲੋਕਾਂ ‘ਤੇ ਹਰੇਕ ਨੂੰ 50,000 ਰੁਪਏ ਦੇ ਬਾਂਡ ਨਾਲ ਪਾਬੰਦੀ ਲਗਾਈ ਜਾਵੇ।

ਜਿਨ੍ਹਾਂ ਛੇ ਕਿਸਾਨਾਂ ਨੂੰ ਨੋਟਿਸ ਦਿੱਤਾ ਗਿਆ ਸੀ, ਉਨ੍ਹਾਂ ਵਿੱਚ ਭਾਰਤੀ ਕਿਸਾਨ ਯੂਨੀਅਨ ਸੰਭਾਲ ਦੇ ਜ਼ਿਲ੍ਹਾ ਪ੍ਰਧਾਨ ਰਾਜਪਾਲ ਸਿੰਘ ਯਾਦਵ ਤੋਂ ਇਲਾਵਾ ਜੈਵੀਰ ਸਿੰਘ, ਬ੍ਰਹਮਾਚਾਰੀ ਯਾਦਵ, ਸਤਤੇਂਦਰ ਯਾਦਵ, ਰੋਦਾਸ ਅਤੇ ਵੀਰ ਸਿੰਘ ਸ਼ਮਿਲ ਹਨ। ਉਨ੍ਹਾਂ ਨੇ ਇਸ ਬਾਂਡ ਨੂੰ ਭਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਯਾਦਵ ਨੇ ਕਿਹਾ, ‘ਅਸੀਂ ਇਨ੍ਹਾਂ ਬਾਂਡਾਂ ਨੂੰ ਕਿਸੇ ਵੀ ਸ਼ਰਤ ਅਧੀਨ ਨਹੀਂ ਭਰੇਗੇ, ਚਾਹੇ ਸਾਨੂੰ ਕੈਦ ਕੀਤਾ ਜਾਵੇ ਜਾਂ ਫਾਂਸੀ ਦਿੱਤੀ ਜਾਵੇ। ਅਸੀਂ ਕੋਈ ਜੁਰਮ ਨਹੀਂ ਕੀਤਾ ਹੈ, ਅਸੀਂ ਆਪਣੇ ਹੱਕ ਲਈ ਲੜ ਰਹੇ ਹਾਂ। ਬੀਕੇਯੂ (ਅਸਲੀ) ਡਵੀਜ਼ਨ ਦੇ ਪ੍ਰਧਾਨ ਸੰਜੀਵ ਗਾਂਧੀ ਨੇ ਕਿਹਾ ਕਿ ਇਨ੍ਹਾਂ ਕਿਸਾਨਾਂ ਜਾਂ ਉਨ੍ਹਾਂ ਦੇ ਪਰਿਵਾਰ ਦੇ ਕਿਸੇ ਵੀ ਮੈਂਬਰ ਨੇ ਇਸ ਬਾਂਡ ‘ਤੇ ਦਸਤਖਤ ਨਹੀਂ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ‘ਅਸੀਂ ਸ਼ਾਂਤਮਈ ਪ੍ਰਦਰਸ਼ਨ ਕਰ ਰਹੇ ਹਾਂ, ਕੋਈ ਜੁਰਮ ਨਹੀਂ।’

ਇਹ ਵੀ ਦੇਖੋ : ਵੇਖੋ ਕਿਸਾਨੀ ਸਘੰਰਸ਼ ਦੋਰਾਨ ਬਜੁਰਗ ਕਿੰਝ ਬਿਤਾਉਦੇ ਨੇ ਸਮਾਂ

The post ਕਿਸਾਨ ਅੰਦੋਲਨ ‘ਚ ਸ਼ਾਮਿਲ ਹੋਣ ਕਾਰਨ ਯੂਪੀ ਦੇ ਸਾਂਭਲ ਜ਼ਿਲ੍ਹੇ ਦੇ 6 ਕਿਸਾਨਾਂ ਨੂੰ 50 ਲੱਖ ਦਾ ਨੋਟਿਸ ! appeared first on Daily Post Punjabi.