ਇਹ ਔਰਤਾਂ ‘ਚ ਹੋਣ ਵਾਲਾ ਸਭ ਤੋਂ ਆਮ ਕੈਂਸਰ ਹੈ ਅਤੇ ਜਿਸ ਦੇ ਕੇਸ ਹੁਣ ਤੇਜ਼ੀ ਨਾਲ ਸੁਣਨ ਨੂੰ ਮਿਲ ਰਹੇ ਹਨ ਅਤੇ ਜ਼ਿਆਦਾਤਰ ਕੇਸ ਸਿਰਫ 30 ਤੋਂ 35 ਸਾਲ ਦੀ ਉਮਰ ਦੀਆਂ ਔਰਤਾਂ ‘ਚ ਹੀ ਸੁਣਨ ਨੂੰ ਮਿਲਦੇ ਹਨ। ਜੇਕਰ ਸਹੀ ਸਮੇਂ ‘ਤੇ ਇਲਾਜ ਸ਼ੁਰੂ ਕਰ ਦਿੱਤਾ ਜਾਵੇ ਤਾਂ ਠੀਕ ਹੈ ਨਹੀਂ ਤਾਂ ਇਹ ਜਾਨਲੇਵਾ ਬਣ ਸਕਦਾ ਹੈ।

ਕਿਹੜੀਆਂ ਔਰਤਾਂ ਨੂੰ ਜ਼ਿਆਦਾ ਖਤਰਾ ?

• ਜਿਹੜੀਆਂ ਔਰਤਾਂ ਕਦੇ ਗਰਭਵਤੀ ਨਹੀਂ ਹੋਈਆਂ ਜਾਂ 55 ਤੋਂ ਬਾਅਦ ਮੇਨੋਪੌਜ਼ ਹੋ ਰਿਹਾ ਹੈ।
• ਜਿਨ੍ਹਾਂ ਨੂੰ PCOS ਜਾਂ ਸ਼ੂਗਰ ਹੈ ਉਨ੍ਹਾਂ ਨੂੰ ਇਸ ਕੈਂਸਰ ਦਾ ਸਭ ਤੋਂ ਵੱਧ ਖ਼ਤਰਾ ਹੁੰਦਾ ਹੈ। ਕੁੱਝ ਰਿਸਰਚ ਅਨੁਸਾਰ ਸ਼ੂਗਰ ਅਤੇ ਯੂਟਰਸ ਕੈਂਸਰ ਵਿਚਕਾਰ ਸਿੱਧਾ ਸਬੰਧ ਵੀ ਹੈ।
• ਜੋ ਔਰਤਾਂ ਜ਼ਿਆਦਾ ਫੈਟ ਵਾਲਾ ਭੋਜਨ ਖਾਂਦੀਆਂ ਹਨ। ਇਸ ਨਾਲ ਮੋਟਾਪਾ ਵਧਣ ਦੇ ਨਾਲ-ਨਾਲ ਕੈਂਸਰ ਦੀ ਸੰਭਾਵਨਾ ਵੀ ਵਧ ਜਾਂਦੀ ਹੈ।
• ਕੈਂਸਰ ਹੋਣ ਦੀ 5 ਪ੍ਰਤੀਸ਼ਤ ਸੰਭਾਵਨਾ ਹੈ ਜੇਕਰ ਕੈਂਸਰ ਦਾ ਪਰਿਵਾਰਕ ਇਤਿਹਾਸ ਹੈ। ਬਰਥ ਕੰਟਰੋਲ ਪਿਲਜ਼ ਦੀ ਬਹੁਤ ਜ਼ਿਆਦਾ ਵਰਤੋਂ

ਯੂਟਰਸ ਕੈਂਸਰ ਦੇ ਕੀ ਹਨ ਲੱਛਣ ?

• ਐਂਡੋਮੈਟਰੀਅਮ ਸੈੱਲ ਅਸਾਧਾਰਨ ਰੂਪ ‘ਚ ਵਧਣ ਲੱਗਦੇ ਹਨ ਅਤੇ ਯੂਟਰਸ ਦੀ ਅੰਦਰਲੀ ਪਰਤ ਨੂੰ ਐਂਡੋਮੈਟਰੀਅਮ ਕਿਹਾ ਜਾਂਦਾ ਹੈ। ਇਸੀ ਦੇ ਚਲਦੇ ਯੂਟਰਸ ਕੈਂਸਰ ਹੁੰਦਾ ਹੈ।
• ਜੇਕਰ ਔਰਤ ਨੂੰ ਪੇਲਵਿਕ ਦਰਦ ਰਹਿੰਦਾ ਹੈ। ਪੇਲਵਿਕ ਭਾਵ ਪੇਡੂ ‘ਚ ਅਸਹਿ ਦਰਦ ਹੁੰਦਾ ਹੈ। ਅਨਿਯਮਿਤ ਬਲੀਡਿੰਗ ਰਹਿੰਦੀ ਹੈ ਅਤੇ ਨਾਲ ਹੀ ਦਰਦ ਮਹਿਸੂਸ ਹੁੰਦਾ ਹੈ।
• ਪੀਰੀਅਡਸ ਤੋਂ ਇਲਾਵਾ ਵੀ ਅਚਾਨਕ ਬਲੀਡਿੰਗ ਜਾਂ ਡਿਸਚਾਰਜ ਹੁੰਦਾ ਰਹਿੰਦਾ ਹੈ।
• ਮੇਨੋਪੌਜ਼ ਤੋਂ ਬਾਅਦ ਵੀ ਬਲੀਡਿੰਗ ਹੁੰਦੀ ਰਹਿੰਦੀ ਹੈ।
• ਭਾਰ ਘਟ ਰਿਹਾ ਹੈ।
• ਯੂਰਿਨ ਵਾਰ-ਵਾਰ ਆਉਂਦਾ ਹੈ ਅਤੇ ਯੂਰਿਨ ਕਰਦੇ ਸਮੇਂ ਦਰਦ ਹੁੰਦਾ ਹੈ।
• ਸੈਕਸ ਕਰਦੇ ਸਮੇਂ ਬਹੁਤ ਦਰਦ ਮਹਿਸੂਸ ਹੁੰਦਾ ਹੈ।
• ਇਸ ਲਈ ਬਿਨਾਂ ਦੇਰੀ ਕੀਤੇ ਗਾਇਨੀਕੋਲੋਜਿਸਟ ਤੋਂ ਚੈੱਕਅੱਪ ਕਰਵਾਓ।

ਇਸ ਦਾ ਇਲਾਜ ਤੁਹਾਡੀ ਸਥਿਤੀ ਦੇਖ ਕੇ ਦੱਸਿਆ ਜਾ ਸਕਦਾ ਹੈ ਜਦੋਂ ਕਿ ਜ਼ਿਆਦਾਤਰ ਲੋਕਾਂ ਨੂੰ ਐਂਡੋਮੈਟਰੀਅਲ ਕੈਂਸਰ ‘ਚ ਸਰਜਰੀ ਦੀ ਲੋੜ ਹੁੰਦੀ ਹੈ। ਇਸ ਤੋਂ ਇਲਾਵਾ ਕੀਮੋਥੈਰੇਪੀ, ਰੇਡੀਏਸ਼ਨ ਥੈਰੇਪੀ, ਹਾਰਮੋਨ ਥੈਰੇਪੀ, ਇਮਿਊਨੋਥੈਰੇਪੀ ਆਦਿ ਵੀ ਕਰਵਾਈਆਂ ਜਾ ਸਕਦੀਆਂ ਹਨ ਪਰ ਸ਼ੁਰੂਆਤੀ ਲੱਛਣਾਂ ਦੀ ਮਦਦ ਨਾਲ ਜਲਦੀ ਰੋਕਥਾਮ ਕੀਤੀ ਜਾ ਸਕਦੀ ਹੈ ਅਤੇ ਇਸ ਤਰ੍ਹਾਂ ਦੇ ਕੈਂਸਰ ਤੋਂ ਬਚਣ ਦਾ ਤਰੀਕਾ ਹੈ ਆਪਣੇ ਲਾਈਫਸਟਾਈਲ ਨੂੰ ਹੈਲਥੀ ਰੱਖੋ।

ਹੈਲਥੀ ਖਾਓ, ਭਾਰ ਨੂੰ ਕੰਟਰੋਲ ‘ਚ ਰੱਖੋ। ਯੋਗਾ ਅਤੇ ਕਸਰਤ ਕਰੋ। ਬਾਹਰ ਦੀ ਬਜਾਏ ਹਰੀਆਂ ਪੱਤੇਦਾਰ ਸਬਜ਼ੀਆਂ, ਫਰੂਟ ਜੂਸ, ਨਟਸ ਖਾਓ। ਤਲੇ-ਭੁੰਨੇ ਅਤੇ ਹੈਵੀ ਫੈਟ ਵਾਲੇ ਭੋਜਨ ਤੋਂ ਪਰਹੇਜ਼ ਕਰੋ। ਜੇਕਰ ਤੁਹਾਨੂੰ ਪੀਰੀਅਡਸ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤਾਂ ਪਹਿਲਾਂ ਤੋਂ ਹੀ ਚੈੱਕਅਪ ਕਰਵਾ ਲਓ।

ਸਮੇਂ ਸਿਰ ਚੈਕਅੱਪ ਕਰਵਾਉਣਾ ਯਕੀਨੀ ਬਣਾਓ ਤਾਂ ਜੋ ਸਮੇਂ ਸਿਰ ਬੀਮਾਰੀ ਬਾਰੇ ਜਾਣਕਾਰੀ ਮਿਲ ਸਕੇ ਅਤੇ ਇਸ ਤੋਂ ਬਚਾਅ ਹੋ ਸਕੇ।

The post ਯੂਟਰਸ ਕੈਂਸਰ ਹੋਣ ਦੀਆਂ ਵੱਡੀਆਂ ਨਿਸ਼ਾਨੀਆਂ, ਇਨ੍ਹਾਂ ਔਰਤਾਂ ਨੂੰ ਸਭ ਤੋਂ ਜ਼ਿਆਦਾ ਖ਼ਤਰਾ appeared first on Daily Post Punjabi.