ਰੇਲਵੇ ਬੋਰਡ ਨੇ 18 ਦਸੰਬਰ ਨੂੰ RCF ਕਪੂਰਥਲਾ ਦੇ ਜੀਐਮ ਐਸ ਸ੍ਰੀਨਿਵਾਸ ਨੂੰ ਵੰਦੇ ਮੈਟਰੋ ਟਰੇਨ ਦੇ 16 ਕਾਰਾਂ ਦੇ ਰੇਕ ਬਣਾਉਣ ਲਈ ਪੱਤਰ ਜਾਰੀ ਕੀਤਾ ਹੈ। ਪੱਤਰ ਵਿੱਚ ਆਦੇਸ਼ ਦੇਣ ਦੇ ਨਾਲ, ਬੋਰਡ ਨੇ RCF ਨੂੰ ਖੋਜ ਡਿਜ਼ਾਈਨ ਅਤੇ ਮਿਆਰ ਸੰਗਠਨ (RDSO) ਦੀ ਮਦਦ ਨਾਲ ਜਲਦੀ ਤੋਂ ਜਲਦੀ ਡਿਜ਼ਾਈਨ ਤਿਆਰ ਕਰਨ ਲਈ ਵੀ ਕਿਹਾ ਹੈ। ਇਸ ਦੇ ਨਿਰਮਾਣ ਦੀ ਸਮਾਂ ਸੀਮਾ ਦਾ ਪੂਰਾ ਵੇਰਵਾ 22 ਦਸੰਬਰ ਤੱਕ ਜਮ੍ਹਾਂ ਕਰਵਾਉਣ ਦੇ ਆਦੇਸ਼ ਦਿੱਤੇ ਗਏ ਹਨ।

ਇਸ ਹੁਕਮ ਤੋਂ ਬਾਅਦ RCF ਪ੍ਰਬੰਧਕਾਂ ਵੱਲੋਂ ਇਸ ’ਤੇ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਵੰਦੇ ਮੈਟਰੋ ਟਰੇਨ ‘ਚ ਕਿਹੜੀਆਂ ਸਹੂਲਤਾਂ ਹੋਣਗੀਆਂ, ਇਸ ਦਾ ਖੁਲਾਸਾ ਅਜੇ ਨਹੀਂ ਕੀਤਾ ਗਿਆ ਹੈ। ਹਾਲਾਂਕਿ ਇਹ ਤੈਅ ਹੈ ਕਿ ਇਹ ਕੋਚ ਅਤਿ-ਆਧੁਨਿਕ ਅਤੇ ਕਈ ਨਵੀਆਂ ਸਹੂਲਤਾਂ ਨਾਲ ਲੈਸ ਹੋਣਗੇ।

ਇਹ ਵੀ ਪੜ੍ਹੋ : ਮੁਕਤਸਰ ‘ਚ ਦੇਰ ਰਾਤ ਹੋਈ ਵੱਡੀ ਵਾ.ਰਦਾਤ, ਮਾਮੂਲੀ ਝਗੜੇ ਮਗਰੋਂ ਨੌਜਵਾਨ ਦੀ ਗੋ.ਲੀ ਮਾਰ ਕੇ ਹੱ.ਤਿਆ

ਵੰਦੇ ਭਾਰਤ ਡਿਜ਼ਾਈਨ ਦੇ ਪਿਤਾਮਾ ਐਸ ਸ੍ਰੀਨਿਵਾਸ, ਵਰਤਮਾਨ ਵਿੱਚ RCF ਕਪੂਰਥਲਾ ਵਿੱਚ GM ਵਜੋਂ ਤਾਇਨਾਤ ਹਨ। ਇਸ ਲਈ ਰੇਲਵੇ ਬੋਰਡ ਨੇ ਵੰਦੇ ਮੈਟਰੋ ਟਰੇਨ ਦੇ ਨਿਰਮਾਣ ਦੀ ਜ਼ਿੰਮੇਵਾਰੀ ਉਨ੍ਹਾਂ ਦੀ ਨਿਗਰਾਨੀ ਹੇਠ RCF ਨੂੰ ਸੌਂਪ ਦਿੱਤੀ ਹੈ। RCF ਦੇ ਚੀਫ ਪੀਆਰਓ ਬਲਦੇਵ ਰਾਜ ਅਤੇ ਪੀਆਰਓ ਵਿਨੋਦ ਕਟੋਚ ਨੇ ਦੱਸਿਆ ਕਿ ਡਿਜ਼ਾਇਨ ਵਿਭਾਗ ਨੇ ਕੰਮ ਸ਼ੁਰੂ ਕਰ ਦਿੱਤਾ ਹੈ, ਜਿਸ ਵਿੱਚ ਆਰਡੀਐਸਓ ਦੀ ਮਦਦ ਵੀ ਲਈ ਜਾਵੇਗੀ।

ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਫਿਲਹਾਲ ਇਸ ਦੇ ਸਪੈਸੀਫਿਕੇਸ਼ਨ, ਲਾਗਤ, ਕੁੱਲ ਖਰਚੇ ਅਤੇ ਫੀਚਰਸ ਬਾਰੇ ਕੁਝ ਦੱਸਣਾ ਸੰਭਵ ਨਹੀਂ ਹੈ। ਡਿਜ਼ਾਇਨ ਤਿਆਰ ਕਰਕੇ ਦਸੰਬਰ ਮਹੀਨੇ ਵਿੱਚ ਰੇਲਵੇ ਬੋਰਡ ਨੂੰ ਸੌਂਪ ਦਿੱਤਾ ਜਾਵੇਗਾ। ਸੀਪੀਆਰਓ ਬਲਦੇਵ ਰਾਜ ਨੇ ਦੱਸਿਆ ਕਿ ਇਸ ਸਮੇਂ ਐਲਐਚਬੀ ਮੈਟਰੋ ਟਰੇਨਾਂ ਟਰੈਕ ’ਤੇ ਚੱਲ ਰਹੀਆਂ ਹਨ। ਸਪੱਸ਼ਟ ਤੌਰ ‘ਤੇ, ਵੰਦੇ ਮੈਟਰੋ ਰੇਲ ਗੱਡੀਆਂ ਅਤਿ-ਆਧੁਨਿਕ ਹੋਣਗੀਆਂ ਅਤੇ ਯਾਤਰੀਆਂ ਦੀਆਂ ਸਹੂਲਤਾਂ ਨੂੰ ਹੋਰ ਵਧਾਉਣ ਲਈ ਬਣਾਈਆਂ ਜਾਣਗੀਆਂ।

ਵੀਡੀਓ ਲਈ ਕਲਿੱਕ ਕਰੋ : –

The post ਮਹਾਨਗਰਾਂ ‘ਚ ਚੱਲੇਗੀ ਵੰਦੇ ਮੈਟਰੋ ਟ੍ਰੇਨ, ਕਪੂਰਥਲਾ ਰੇਲ ਕੋਚ ਫੈਕਟਰੀ ਨੂੰ ਮਿਲਿਆ 16 ਰੇਕਾਂ ਦਾ ਆਰਡਰ appeared first on Daily Post Punjabi.